"الصباح ويوم جديد صحت ليلى على اتصال من امها تقولها بتسوي عزيمه لا اهل الديره و تعزمهم بمناسبه ان ميعاد صارت لنياف وهنا ليلى ضاقت بها الوسيعه كيف بتقول لميعاد"
دخلت ليلى غرفه ميعاد وشافتها على حالها من امس جلست على سرير بجنبها:-ميعاد امي هذي الحياه مصيرك بتتزوجين اليوم ولا بعد شهر ولا بعد سنه بتتزوجين لا تقولين صغيره هذي عاداتنا وتقاليدنا وذا ماتزوجتي الحين بكرا اهل الديره بيحطون العيب فيك
ميعاد همست بصوت مخنوق اثر بكاءها:- ماحز بخاطري يمه اني انخطبت كثر ماحز بخاطري انك ماشاورتيني ليه انا مالي رأي مالي حق ارفض او اوافق؟
ليلى بكت بضيق:-لا تزعلين اهلي مني جدتك امي و ابو نياف خالك لاتنسين انه يحبك و بيزعل منك اذا رفضتي ونياف صاحب اخوك من الصغر ماشفنا منه الا الخير
ميعاد بكت على بكى امها وحضنتها:-
ليلى مسحت على ظهر ميعاد:-انا بروح لجدتك مسويه عزيمه تقول لاهل الديره عنك وعن نياف
ميعاد تنهدت بضيق:-يمه قولي لخواني وجدتي ما ينعقد عقد قراني الا بعد ما اتخرج من الجامعه
ليلى ناظرتها:-طيب بكلم جدتك و اشوف
دخلت غاليه:-وانتي يمه بتسمعين لكل كلمه تقولها جدتي؟ حنا بناتك وانتي لك رأي بالموضوع افرضي على جدتي قرار ميعاد وقوليلها اذا تبي اهلا وسهلا واذا لا تفارق تعبنا منكم ومن اوامركم
ليلى ضربت غاليه بخفه:-لسانك الطويل ذا يبيله قص وراه تشيشين راسي على امي
ميعاد بقهر:-وحنا بناتك اشتري خاطرنا زي ماتشترين خاطر امك
غاليه حضنت ميعاد:-يويلي عليك يأختي الله ينصرك على جدتك
ضحكت ليلى لاشعوريآ من كلام غاليه:-طيب بقولها قرارك يابنيتي
"طلعت ليلى تتجهز للعزيمه وغاليه لفت على نيعاد"
غاليه:-من هنا الى ما تتخرجين بيزهق و يخطب غيرك و تفتكين منه
ميعاد توجهت للحمام:-بديت اكره خوالي و نياف
غاليه ضحكت:-يمديك تكرهين جدتي و عادات الديره يلا نتجهز للعزيمه ياحبيبتي
تأففت ميعاد وقامت ولبست فستان احمر حرير عاري الاكتاف ماسك من الصدر وواسع من الاسفل وشعرها الويفي اللي يوصل لاخر ظهرها
دخلت غاليه : وش هذي الحلاااااوه احمر وويفي ميعاد مقدر اقاوم هذي الحلاوه
ميعاد: ربع من حلاوتك ياغاليتنا يلا خن نطلع بسرعه
ببيت الجده اللي امتلى بريحه العود والمعازيم
ليلى : غريبه طولو ماهي عادتهم
سلطانه: ارفقي على البنت اكيد تتجهز ولا ناسيه ان هذي المناسبه لاجلها اكيد بتاخذ حقها بالكشخه
الجده : اقول ياغدير روحي ازهمي بنات خالتك المعازيم يسالون عن..
غاليه: السلام عليكم لاتهاوشوني التاخير هالمره من ميعاد انا مالي دخل
ميعاد: السلام عليكم وراكم شايشي.. ماكملت كلامها والا وقامت الجده وحضنتها
وقالت الجده: يامرحبا بحبيتي وبنتي وش هالجمال وش هالزين
ليلى وعيونها مليانه دموع: استودعتك الله ، الله يحميك
سلطانه: يلا يايمه ادخلي للضيوف تاخرنا
الجده مسكت يد ميعاد ودخلت للمجلس ودخلو وراها كلهم
الجاره نوره: ماشاءالله تبارك الله يحميك يابنتي
الجاره ام بداح: يام سطام حفيداتك ماخذين الزين كله عنا
ام نواف : بسسس مافيه مثل حرمة ولدي ميعاد ياعسسى الله يجمعهم على خير
ام بداح : يام نواف ميعاد محد ينافس جمالها واخلاقها اخذتي لك دره من وسط البحر
الجده : كلهم فيهم بركة وعسى ربي يخليهم لي
سلطانه : وع اكره جلسات الحريم والقرف هذا
ميعاد: تعبنا من النفاق والمجاملات نطلع؟
غاليه: اخذوني معاكم
قامت ميعاد بهدوء ومشت ووقفها صوت نياف بالصاله:
نياف: درب ياولد
ام نواف : ميعاد مابه احد غريب زوج..
قبل تكمل كلامها
قالت ليلى بحده: مابعد صار زوجها ، وراك يانياف البنات بيدخلون
بعد عدة اسابيع وبهاذي الاسابيع ميعاد ماعاد تروح لجمعات خوالها ولا بخاطرها تشوف احد منهم وامها احترمت رغبتها واليوم يصادف جمعة خوالها وهي كالعاده جالسه بالبيت و امها و غاليه ببيت خوالها"
"ميعاد بالمطبخ تطبخ كوكيز بعد ماشتهته وتدندن على اغنية " فزت بك " رمت الملعقه بفجعها يوم دخلت غاليه وهي ترمي عباتها"
غاليه جلست على الارض بقهر:-تعالي يالصاحيه الحقي
ميعاد جلست قدامها بخوف:-وجع وشفيك ليه حالتك كذا
غاليه فكت شعرها بغبنه:-نياف المجنون بنى بيت لك وله وجدتك المصون اخذت اهل الديره جولة ببيتكم و ازيدك من اشعر بيت مسميته بيت العمر لنياف و ميعاد
شهقت ميعاد بغبنه:-تمزحين؟ لحظه كيف امي ليه ماقالت؟
غاليه:-امي ماتدري بعد توه درينا فجأه كذا جدتي قالت قومو ناظرو بيت ميعاد ونياف
ميعاد بلعت غصتها:-يويلي ي غاليه
غاليه زمت شفتها:-نقول لماجد انك ماتبين نياف
ميعاد هزت راسها بلأ ودموعها تنزل:-لا لا امي بتضيع بدون خوالي بيزعلون
أنت تقرأ
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
