قرر السيف يرجع الديره بعد ما تاكد ان هروبه هذا وعزلته زاده ندم على فعلته وزاده تعلق ب ميعاد وطول وقته كان يفكر فيها ركب سيارته واتجهه للديره بكل حزن وكسرة خاطر عارف انه غلط على ميعاد وعارف ان ميعاد لمن تزعل ماراح ترضى بسهوله تنهد
ودخل للبيت وهو ضايق وزعلان وشاف امه تصد عنه وقال:- حبيبه السيف وجنته وراها صاده عني
ام السيف:- لاتكلمني ولا اسمع حسك
السيف بتمثيل تعب:- يمه ابي حضنك الدنياء ثعت بي
ام السيف:- هذييي حوبة ميعاد وتعبها اللي بان على وجها نعنبوك كيف تسوي في بنت جسار كذا وماهي اي بنت ميعاد اللي مثل الحمامه تكسر جناحها ليه!
السيف بخوف :-يمه ميعاد وشفيها وشصار بها ؟
ام السيف بكذب :- ميعاااد لها يومين وهي طايحه من زعلك لا ليلها ليل ولا نهارها نهار وحزنها وضح على حالها!
فز السيف بخوف وعتب وندم وضيف واتجهه لبيت ميعاد يبغى يلمح بس زولها او حتى يشم عطرها فتح جواله على اسمها وكتب
- عليك ساقتني مقادير .. الأيام
ضايق وأدور في سوالفك راحة "
تنهدت ميعاد بضيق من رسالته وهي تشوف حاله وبعده وقررت تكسر غرورها وترد عليه وتسمح له ياخذ ويعطي معاها رغم ان قلبها مليان بالزعل وقالت: ان جيتني مشتاق جيتك تراحيب
وان جيتني ضميان جيتك سحابه
ابستم السيف بكل حب وهو يشوف ردها وانها قاعده تبادله شعور الحُب وانزاح من قلبه كل ضيق وحزن وقال لها :-
أحب فيك العطف واللطف واللين
واحب فيك رضاك عقب زعلك
ابتسمت ميعاد بحب وهي تشوف حبها بعيونه وبكلامه وكيف انه يحاول يرضيها ويرضي غرورها
ميعاد بعتب :- ليه يالسيف تغلط علي وتهجرني ايام؟
السيف بضيق:- ابتعدت لجل ما الوم نفسي عليك ولقيت انك معي في كل حل وترحال مارحتي من بالي وعرفت ان:-
غلاك ما يمحيه قل المواصيل
في كل حزة لك مع البال ميعاد !
رضت ميعاد بكل غرور وحُب وهي تشوفه يعبر عن شعوره بالقصيد ومو اي قصيده لانه ميزها وكتب اسمها بين ابياته تنهدت بحب وقالت :- كنت زعلانه عليك زعل هالدنياء كله لكن يابن جسار قدرت ترضيني وانا ماني سهله الرضاء؟
ابتسم السيف بحب وانتصار وقال:- والله ان اعظم مكاسيبي ب هالحياه رضاك .. واعظم هزايمي يوم دريت ان حالك مايسر وان حزنك بان على لمعه عيونك ومني ! عزالله ماني بقد الامانه دام هذي فعايلي
ابتسمت ميعاد ب انتصار من قرت كلامه وتذكرت ام السيف يوم واعدتها تاخذ حقها منه وتخليه يندم على تصرفه
ميعاد بحنيه :- هالحزن الا بان من لمعه عيوني ماكان الا من خوفي عليك
بدا السيف يتكلم معها ويعلمها عن احداث صارت له وياخذ ويعطي معها بالسوالف وسمحت له ميعاد بكل حب لانها فعلاً مشتاقه وماودها ينتهي وقته معهاا
السيف قررر يفاتحها بموضوع بكل خوف وتردد واجزم ان هذي اخر مره يتكلم معها في هذا الموضوع
السيف:- ميعاد وش سبب رفضك لزواجنا؟
ميعاد بضيق :- دراستي مابغى اضغط على نفسي وانا باقي لي بس سنه
السيف :- بس انا ابغاك تخلصين هالسنه وانتي في بيتي وحرمي
ميعاد بدموع:- دراستي صعبه وزواجي منك يبي له مسؤوليه وانا مو قد هذي المسؤوليه
السيف :- تكفين انتي اذا كنتي تحملين لي حُب في قلبك وافقي على تقديم الزواج
تنهدت ميعاد :- اللي ودك يالسيف سو اللي يريحك
السيف بحب :- يعني موافقه يكون الزواج بعد شهرين؟
ميعاد :- ايه دام هذا الشي بيثبت حبي لك انا مستعده اسويه ولو انه فوق طاقتي
السيف بحب ودموع:- والله انها اسعد الليالي والايام اللي بنصير انا وياك تحت سقف واحد
ميعاد:- لاتعلم امك بموافقتي ماودي بالمشاكل كلمها بطريقتك
السيف:- اللي ودك به يصير انتي تامرين
اتهجت ميعاد لسريرها تهرب للنوم وهي ضايقه وخايفه من هذا القرار وتدري وراه معاناه كثيره لكن مستعده تتحمل نتائج هذا كله لجل تقهر نياف وترضي خاطر السيف
اما السيف رجع للبيت والفرحه باينه على وجهه وعيونه واتجهه لامه بكل فرح
ام السيف:- طلعت وانت ضايق وزعلان وجيت متبدل حالك عسى رضت عليك ميعاد!
السيف بحب:- رضت يام السيف ماهوب ولدك اللي يخلي امانته حزينه وكسيره
حضنته ام السيف بحنيه:- انتبه لها ياوليدي ميعاد رهيفه وقلبها مثل الريشه زعلها ثقيل بسس كلمتين منك تخفففه
السيف بحب:- يمه ابي بكره العصر تروحين لها وتقولين زواجك ياميعاد مع زواج سياف والمها
ام السيف بعصبيه:- معصي حلفت ما اكلمها ف الموضوع ذا لا تضيق صدري يالسيف
السيف وهو ينحني لامه:- اخر مره وان ردتك وعد مني يايمه ماعاد اطري العرس لين تخلص دراستها
ام السيف وهي شاكه ب فرحته وثقته :- زين ياولد بهاج بكره اكلمها واشوف ردها
أنت تقرأ
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
