في كل حزة لك مع البال ميعاد

بارت "25"

رجعو البيت بكل ضيق وكدر وشايلين هم هذي الليله الثقيله خايفين يصحون على خبر مايسرهم نامو بعد مادعو له بالوتر وكانو متأملين انه يصحى بخير وعافيه

الساعه 4 العصر كانو جالسين بصالة ام سطام ويسولفون عن ابو سطام ويدعون يصحى بالسلامه
ام السيف:- يابنياتي مايحتاج منكم الا الدعاء ادعوله ربي يرد له عافيته ويقومه بالسلامه
ليلى:- يارب مانعيش يوم بدونه يارب تحفظه
سلطانه:- استودعته الله الله يلطف بحاله وقلوبنا
بكت ميعاد بكل طاقه فيها وهي تشوف تدهور حال ابوها وجدها وماتتمنى ينعاد لها شعور اليتم
مسحت على راسها غاليه وقالت:-  صدقيني مابنحس ب هذا الشعور جدي بيرجع لنا وبترجع ايامنا الحلوه
سلطانه بدموع:- ان شاء الله يابنيتي

دخل محمد البيت والحزن واضح بعيونه واثار دموعه انحفرت على خدوده انصعقت ميعاد من وجه محمد ولفت تصد بنظراتها ونطقت :- يارب لا لا يارب
ام سطام:- محمد يولدي وراك تبكي وليه وجهك ضايق
دخل سطام عليهم ونطق بكل انكسار:- يمه ابوي عطاكم عمره
صرخت ليلى صرخه هزت المكان وقالت:- يارب استودعتك ابوي من الموت لاااااااا لا
حضنتها سلطانه بكل حزن وقالت:- ادعي له بالرحمه ياليلى لاتسوين كذا
ام سطام بصراخ :- ياويل حالك ياااام سطام راح سندك راح عزك
تقدم لها محمد يحضنها بكل ضعف ونطق يمه تكفين ابووووي راح ماعاد بشوفه
ميعاد وهي تتجه لسلمان اخوها:- سلمان انت ماتكذب علي هو بس تعبان صح مات خالي سطام يكذب
سلمان وهو حاضنها:- جدي يبغى منك تدعين له بالرحمه بس تكفين ياميعاد خليك قويه
ميعاد بصراخ :- لااااا تقول كذا ياسلمان تكفى طاحت بالارض وهي مكسوره ومنهد حيلها من الشعور بكت بكل حرقه
غاليه بدموع :- لييييه كل اللي احبهم يموتون ليه ليه
حضنها سالم بكل حنيه ونطق :- ابوي راح للي ارحم مننا جميع لا تعترضين ياحبيبتي
غاليه ب انكسار:- بس انا صرت يتيمه مرتين اللحين والله ماتحمل خلاص
حضنها سالم بكل حب :- انا ابوكم وصديقكم وخالكم لاشوف فيكم هذا الحزن
اقتحم الحزن بيت ابو سطام بعد ما اعلنو وفاته اللي سببت الخوف بقلوب عياله وبناته وحفيداته اللي كان لهم الامان والسند والحنان والحنيه
دخل نياف البيت وهو مكسور وضايق لان ابو سطام ابوه واكثر شخص يوقف معه انهار بكل حزن ونطق :- احسن الله عزا هالديره كلها ماهو بس عزانا وحضن ام سطام وبدا يبكي
بدت مراسيم العزا واعلنت الديره وفاة شيخ القبيله
عند ابو السيف:- كان اكثر شخص ضايق ومهوم لان ابو سطام اخوه وصديق ايامه كلها وحس ان موته كسرت ظهر تنهد بكل ضيق وحزن ولم عيال ابو سطام ونطق:- انا ابوكم الثاني لا تضيق دنياكم وانا موجود
سطام بضيق :- ماتقصر من صغرنا واحنا نشوفكم بمقام ابونا
عند السيف كان ضايق ومتكدر خاطره وهو يشوف الحزن اللي ملىء قلب سلمان وضاق اكثر بعد مافكر بحال ميعاد قبل وقاته كيف بعد موته ؟ تنهد بحزن وصد بنظراته يخفي دموع القهر ماهو عارف يوصل لميعاد ولا قادر يكون جنبها ويواسيها

عند بيت ابو سطام كانو عياله وبناته متجمعين وكل واحد حاله اصعب من الثاني ومحد قادر يشيل الحزن والضيق من قلوبهم
تنهدو بضيق وهم يشوفون دموع ليلى تحرق خدودها
سطام :- ليلى ابوي راح للي ارحم مننا هدي نفسك وهذا حتل الدنياء
ليلى ب انكسار:- ابوي بحياته كلها مانزل دموعي ومايرضي يشوفني ابكي ليييه يتركني وحيده ب هالدنياء
حضنتها ام سطام بحزن وهي تشوف انكسارها وضيقها اللي غلب صبرها  وقوتها

الساعه 10 الصباح صحو كلهم يستعدون للصاله على ابو سطام
سالم بحده:- نروح نسلم على ابوي بدون صراخ ودموع
ليلى بدموع:- آن شاء الله
سطام :- انتبهي ياليلى قوي صبرك المكان مليان رجال

اتجهو ل المسجد جميعاً يسلمون على ابو سطام ويصلون عليه وصلو ودخلو كلهم وصدو بكل انكسار وهم يشوفونه نايم واللون الابيض كاسيه ومغطي ملامح وجهه رفع سطام القماش عن وجهه وشاف الابتسامه تبين عليه وبياض بشرته ساطع ونطق:-
الله يرحمك ياحبيبي ربيتنا وعيشتنا بخيرك وهذا وعد مني اني اكون الابو والسند ل اهلي من بعدك
اتجهت ميعاد بكل انهيار وباست راسه وهمست:- يبه تكفى انت تسمعني صح ؟ يبه انت نايم مو ميت واعدتني تكون جنبي طول عمري ؟ ليه فجاءه تروح كتمت انفاسها تمنع شهقاتها
صرخت ليلى بقهر ونطقت:- يبه لا تتجاهل ميعاد تكفى يايبه انا ادري انك مابتروح وتخلينا لاا تسوي كذا والله انك بخير
حضنتها سلطانه ونطقت:- ياليلى لاتسوين كذا ابوي من اهل الخير شوفي ابتسامته
انهارت سلطانه بكل دموع وحرقه وهي كانت تتقوى طول الوقت لكن هاللحين اقتنعت وادركت ان ابوها فعلاً جسد بدون روح
اتجهو كلهم لغاليه بعد ماسمعو شهقاتها اللي ملت المكان ونطقت :- لييييه تتركنا ليه يابوي انت دايم تقول انتو في حمايتي ليه تخلينا نعيش بدون حمايه وامان تكفى يبه تكفى والله الحياه سودا بعدك
خرج محمد عن صمته وصرخ بصوت هز المكان وبدت تنهمر دموعه وهو اغلى عياله واقربهم له حضن ابوه بكل ضعف وانكسار وتمنى انه ماعاش هذي اللحظه حضنه سالم بحزن ونطق:- خلك قوي خواتي يحتاجون يشوفون القوه مننا لا تضعف قدامهم
السيف وسلمان كانو عند باب المسجد وسلمان يفضفض ل السيف ويتكلم عن حال اهله وعن الانكسار إللي ملىء المكان صد سلمان يشتت دموعه وحضنه السيف ونطق:-
‏انشهد ان الموت ذويق يا سعود
‏  ما ياخذ إلا الطيبين النوادر .