يوم الجمعه الساعه 2 الظهر كان السيف وابو السيف وامه جالسين بالصاله ويتقهوون قهوه الجمعه المعتاده وفزو بفرح من سمعو صوت سياف داخل عليهم وينادي
سياف:- يا اهل البيت وين انتم ؟
فزت ام السيف بدموع وحضنته ونطقت:- طولت غيبتك علينا ياحبيبي طولتها هالمره
ابو السيف ب ترحيب :- ارحب يولدي يامرحبا
تقدم سياف يسلم على ابوه وامه بكل شوق وحنيه وهو يتمنى انه يومياً يصبح ويمسي عليهم لكن ظروف دوامه تمنعه
سياف بحزن:- افا يابهاج وشما تزوجون السيف قبلي
هذا وانا اول فرحه لكم ؟ تقدمون الصغير علي
ام السيف:- يولدي انا انا حاطه عيني على المها بنت خالة ميعاد والله انها من خيرة البنات وفكر بالموضوع ورد لي
ابو السيف:- والنعم فيهم حفيدات رفيق عمري ويكفيك انه شيخ الديره ومن اطيب اهلها
سياف بحده :- بفكر فالموضوع واقولكم رأيي
في بيت الجد ابو سطام كان مليان بالعود والكل مستعد لهذا اليوم بروح سعيده وهم ينتظرون طقوس الفرح تمر على بيتهم صحيح انهم ضايقين من افعال امهم ونياف لكن ميعاد بحسبة بنتهم وقرر ابو سطام يسوي الحفل بالحوش اللي بنص الديره لجل ان الحريم يفرحون وياخذون راحتهم والرجال بعيد عنهم
دخل نياف من شاف ابو سطام واقف مع العماال يركب عقود الافراح ونطق:- افا يايبه تفرح على كسرة ولدك ؟ تبدي بنت جسار على ولدك
ابو سطام :- بنت جسار ظلمتها وغلطت بحقها وهي احترمت وجودنا وماكبرت المشاكل وخلني ساكت عن علومك
نياف:- والله مايتم العقد وانا ولد سطام واني اخرب فرحتكم هذي
ابو سطام بحده :- اسمعني يانياف والله ان ماقمت بالواجب وحضرت الحفل اني ل اطردك من الديره وابعدك عن البيت وامك وابوك انا سكت لك كثير لكن هالوضع ماينسكت عليه
نياف بقهر:- زين يايبه زين اللي ودك بيصير
ابو سطام طلع وراح بيته يرتاح بعد نقاشه مع نياف ارتفع معه ضغط ولا يقدر يكمل مع العمال
عند ميعاد في غرفتها كانت جالسه بتوتر وهي تدرك ان هذا اليوم راح يرتبط اسمها ب اسم السيف وبتصير زوجته وحرمه امام الكل تنهدت بحزن ودموع لان جاء في بالها فكره ان كيف بيكون هاليوم لو كان ابوها معها ويساندها ويشاركها هاليوم ويكون هو الشاهد على زواجها رفعت راسها تشتت عيونها عن الدموع لاجل مايخرب الميكب اللي تو خلصت منه همست برجفه :- اشتقت لك والله اني ايامي مره بدونك
دخلت ليلى وشافت ميعاد عيونها مليانه دموع وعرفت انها تذكرت ابوها من شافت رجفتها اللي ماتخفى عليها نطقت بحنيه:- ابوك بجنات النعيم يابنتي وتذكري انه راح للي ارحم مني ومنك وانا امك وابوك ودنيتك كلها لاتضيقين ولاتنزل دموعك هاليوم يوم الفرح يابنيتي خلينا مبسوطين
ابتسمت ميعاد ونطقت:- ياحلو حياتي وانتي جنبي يمه عسى ربي مايحرمني منك .
طلعت ليلى تكمل التجهيزات واتجهت ميعاد تاخذ جوالها تتصل على الشهد اللي متوعده فيها لو ماشاركتها تفاصيل هاليوم تزعل منها..
ميعاد:- شهد تمنيتك هاليوم معي وجنبي
الشهد:- صدقيني ياميعاد قلبي وروحي معك واني مبسوطه لك لكن والله ماقدرت اكون جنبك بسبب سفرتنا للقصيم
ميعاد:- ياحبيبتي معذوره والله وعارفه انك مابتقصرين لو كنتي موجوده
قفلت المكالمه بعد ماقالت لها عن كل التجهيزات وشاركتها صور الاستقبال والاستعدادات وقامت تصلي العصر وراحت تتجهز
الساعه 5 العصر كانت ميعاد لابسه الفستان الفوشي الواسع من تحت والضيق من صدرها وكان توب يوضح اكتافها وعنقها بشكل مغري والعقد الفضي اللي يتوسط رقبتها بكل نعومه وشعرها اللي سوته ويفي وكان مغطي نصف ظهرها تاملت شكلها الجذاب ب المرايه ونطقت بكل نرجسيه :-زودٍ على زيني اجيك متزيّن ؟
طلعت لاهلها والخجل يعتريها وابتسمت بكل حب وهي تشوفهم يتأملونها ويتمتون بفرح ركضت لها غاليه وعيونها مليانه دموع:- ميعادي لاتكبرين لاتصيرين عروسه تكفين
ميعاد بخجل:- غاليه ترى بس حفله بسيطه وماراح اطلع من هالبيت
تقدمو ماجد وسلمان لميعاد وحضنوها بكل حب ونطق ماجد:- اسمعيني ياغاليه تراك وصيه الوالد تزوجين ولا تبقين لا تستحين مني اعتبريني صديقك وابوك اخوك لاتضيق بك دنياك وانا موجوده
سلمان:- معليك انا وصيت السيف قلت حتى لو هي غلطانه انت تعتذر! هذا ميعاد ماهي اي بنت
ليلى بحب :- عسى الله يخليكم لي وعقبالكم كلكم
ماجد:- امين ياحبيبتي وغمز وقال:- عقبال غاليتنا
ميعاد رفعت عينها ل سلمان وشافته يمسح دموعه ونطقت:- سلماني ! ليه هالدموع هذا وانا دايم اناشبك عند الطلعات المفروض تنبسط بترتاح مني !
سلمان يمسح دموعه:- ميعاد اخاف السيف مايكون امانك اخاف انك موافقه عليه لاجل عشرتي وياه
ليلى :- لاياحبيبي لاتفكر كذا هذا نصيبها يابوي انت لاتشيل هم
دخل ابو سطام اللي انبهر من جمال ميعاد وايقن انها فعلاً كبرت وصارت عروسه ! نطق ب ابتسامه :- كبرتي يابنيتي وصرتي حرم السيف هذاك امس تلعبين بالحوش واليوم نزين الحوش لجل عقدك اهبي يالايام مسرعك
تقدمت ميعاد وباست راسه ونطقت :- كنت خير ابو بحياتي كلها ماحسيت باليتم وانت حولي وجنبي عسى الله يقدرني وارد لك جزاك يايبه
ابو سطام ب ابتسامه:- انتي بنت ليلى الغاليه وربيتك على يدي وماشوفك الا بنتي واغلى
نطق بحده :- ماجد وسلمان روحو للرجال ينتظرونكم بالمجلس وخلوني انا عند بنيتي مانيب معطيها السيف غيرت رأيي
ابتسمت ليلى بحب وهي تشوف ابوها كيف يعامل عيالها بحنيه
طلعوا كلهم واتجهوا للمجلس وراحت ليلى تستقبل المعازيم وتنتظر ام السيف
دخلو المها وغدير وسلطانه على ميعاد وانبهرو من جمال الاطلاله وحضنت سلطانه ميعاد ونطقت:- كنت انتظر اليوم اللي اشوفك فيه عروسه ويوم جاء اليوم تمنيت لو انه تاخر ماودي افارقك وابتعد عنك
ميعاد بدموع:- ماراح ابتعد عنك ياخاله والله ل اجيك كل يوم وما أخليك تشتاقين لي
المها:- ميعادي بتتركيني مع غدير وغاليه تكفين اسرقيني وزوجيني سياف راضيه به
غدير:- حبيبتي حاصل لك تبقين معنا !
غاليه :- تكفين ميعاد خل تاخذه ويصفى لي الحو مع غديري
سلطانه بمزح :- غدير وغاليه بزوجكم بيوم واحد عشان ارتاح وابقى مع اخيتي بعيد عن ازعاجكم
أنت تقرأ
في كل حزة لك مع البال ميعاد
Romansaانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
