ضحكو كلهم وبدو يصورون ميعاد ويعلنون للكل ان اليوم ميعاد صارت حرم السيف على سنه الله ورسوله
الساعه 6 المغرب عند مجلس الرجال اللي امتلت ب اصوات الفرح وريح العود اللي كان مالي ارجاء الديره
تكلم الشيخ وقال :- ياماجد انت الولي على ميعاد ؟ ماجد :- اي نعم
الشيخ قل ل السيف :-زوجتك اختي ميعاد على سنه الله ورسوله
نطق ماجد بحنيه :- زوجتك اختي ميعاد على سنه الله ورسوله
الشيخ ناظر السف ونظق قل :- قبلت هذا النكاح
السيف بفرح :- قبلت هذا النكاح
الشيخ وين الشاهدين على النكاح نظق سطام بغيض متعمد يكسر نياف مثل ماسوا بميعاد وقال للشيخ
نياف ابن سطام ... وسالم ابن محمد
عصب نياف من كلام ابوه وكيف انه مايقدر يرفض هالشي لان اهل الديره كلهم مجتمعين وانكسر بعد قرار ابوه اللي ماله مفر منه وعطا الشيخ بطاقته وقال :- نعم اشهد ان ماجد ابن جسار وافق على زواج السيف ابن بهاج من ميعاد بنت جسار
ابتسم السيف بغيض وهو يشوف الشرار يطلع من عيون نياف واخفى ابتسامته من لمح نظرات اخوه سياف
الشيخ ياماجد هذا العقد وصله لميعاد توقع عليه
اخذ ماجد العقد وراح لميعاد وواقعت بكل توتر وماقدرت تخفي ابتسامتها من لمحت اسمه جنب اسمها والفاصل بينهم توقيع همست بصوت غير مسموع:- الله يجعل حياتي معك كلها مسرات
بعد اذان المغرب راحو اهل الحاره يصلون وفز السيف بيصلي ووقفه صوت ماجد وهو يقول:- تكفى ياولد بهاج ميعاد امانه برقبتك لا تزعلها ولا تضايقها تراها عنيده بس حنونه .. تصبر كثير لكن زعلها شين لاطلبت شي لاتردها لانها ماعاد بتطلب منك مره ثانيه
السيف:- ميعاد امانه برقبتي والله مايجيها الزعل والضيق من ناحيتي وان ماقدرت افرحها ماني بمزعلها وميعاد غاليه من غلا اخوانها وغلا امي لها
سلمان حضن السيف وقال:- والله وكتب وصرت خال عيالك يابن بهاج
كان هذا الموقف كله تحت انظار نياف اللي انكسر من بعد اللي سواه ابوه وندم على حبه لميعاد وكان بخاطره يروح ويكسر الدنياء لكن خلاص ماله اي حل الا انه يرضا بالشي اللي صار وقرر يسافر ويبتعد عنهم هذي الفتره عشان يريح راسه وياخذ القرار اللي يريحه
دخلت ام السيف على ميعاد وبدت تقرا عليها الاذكار وتحصنها قبل يزفونها للحريم وكانت اطلاله ميعاد مبهره ومميزه باست راسها وقالت :- كنتي بنتي واللحين عيوني وصديقتي وام احفادي ياكبر حظك يالسيف !
ضحكت ميعاد بخجل ونطقت:- الله يخليك لي ياخاله
دخلت ام سطام عند ميعاد وكانت مليانه ندم لانها جرحت ميعاد وكانت ذكريات ميعاد هالسنتين كلها سيئه وكانت تضايقها كثير دخلت وهي ناويه تطلب من ميعاد السماح وتعتذر لها عن كل شي سوته
تقدمت ام سطام وباست ميعاد وقالت:- اعذريني يابنيتي انا قسيت عليك وظلمتك وشينت عليك ايامك اعذريني يابنتي وانا اسفه وبدت تبكي بكل ندم
تقدمت ميعاد وحضنتها بحنيه وقالت:- لاتعتذرين يمه هذا ماضي وانتهى وحنا فالحاضر
ام سطام :- هذا العشم فيك يابنيتي وعارفه ان قلبك نظيف وطيب
طلعت ام سطام وهي مبسوطه من رضا ميعاد عليها خلا الندم يروح منها
أنت تقرأ
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
