في كل حزة لك مع البال ميعاد

بارت29"

صحت ميعاد من نومها وهي خايفه من قرارها وكيف راح تقنع امها وهي رافضه نياف عشان دراستها تنهدت بضيق وقالت" يارب تعبت من هالمشاكل اكتب لي الراحه " وقررت تنزل عند امها وتبتعد عن افكارها
ليلى: يامرحبا ب اول افراحي واول بناتي
ميعاد بحب :- ياعساني ما افقدك ياعيوني
ليلى: والله يامعياد كل ما اشوفك مقبله علي احس السرور يعتريني ويملاني
ميعاد بدموع: يمه تحبيني هالكثر ؟
ليلى وهي تحضنها وشلون ما احبك وانتي قطعه مني ؟
ميعاد وهي تشد نفسها بحضن امها:- دائماً احمد ربي على نعمه وجودك وانك أمي انتي يايمه غير عن الكل والله غير
دخلت غاليه وقالت:- ماشاءالله تنتظروني ابعد عنكم وتطلعون مشاعركم لبعض
ميعاد بضحكه : دايم تخربين علينا ياغاليه!
ليلى بمحارش:- شفتي كيف مايمدي ناخذ راحتنا
غاليه بزعل:- دايم اقول لكم اني طرف ثالث بس ماتصدقوني !
كملو سوالف ومحارش وضحك كعادتهم غاليه وميعاد دائماً قريبين من امهم وكانها صديقه لهم
ليلى:- ميعاد يمه سوي لنا قهوه وحلا خالتك ام السيف بتمر علينا العصر
سهت ميعاد بضياااع وخوف وهي عارفه سبب جيتها وهمست :- ابشري
ليلى :- بسم الله عليك شفيك ضقتي ؟
ميعاد ب ابتسامه :- مافيني شي يمه بس سهيت
غاليه وهي تبي تغير الموضوع: يمه بسوي حلا وبيعجبك بس مو مسؤوله لو تسممتو البدايات صعبه
ليلى بضحكه:- لا يابنيتي فكيني منك لاتقربين المطبخ
ميعاد بتحدي :- هيا يا غاليه نسوي حلويات ويقيمونه ولو فزتي لك مني ايباد 
غاليه بجنون:- صصصصصدق ؟
ميعاد:- ايه
ليلى وهي تشوف ميعاد تشجع غاليه على المطبخ:- عسى الله يخليكم لي ولايحرمني منكم
اتجهو ميعاد وغاليه للمطبخ وبدو يسوون الحلويات وكانت ميعاد تسوي حلا عادي عشان تفوز غاليه وتتحمس اكثر للمطبخ
غاليه وهي تحط لمساتها الاخيره : ميعععععادي شراااايك بالله عليك ما استاهل بوسه راس؟
شهقت ميعاد بفرح:- غاليه وش هالابداع طلعتي مبدعههه 
غاليه بوناسه:- صدق يعني الايباد بيجي ؟
ميعاد:- تستاهلين بوسة راس وايباد وعيوني بعد على هالابداع
ليلى:- شعندكم اصواتكم عاليه
غاليه:- يمه تخيلي ان هذا الابداع من اصغر عناقيدك
ليلى:- ماشاءالله تبارك الله مستحيل تكونين مسويته  ميعاد قولي الصدق مين مسويه ؟
ميعاد بضحكه: الايباد يايمه يطلع السنع والمهارات كلها
غاليه:- ماعلينا حلا وسويت لكم ألذ الحلويات اللحين متى يجي الايباد ؟
ميعاد:- الليله ان شاءالله بيكون بين يدينك

الساعه5 العصر دخلت ام السيف الحوش وشافت ليلى وام سطام وسلطانه جالسين وينتظرون جيتها
ام سطام :- يامرحبا ومسهلا يابنيتي
ام السيف:- المرحب يبقى ياحبيبتي
جلسو يتقهوون ويسولفون ويضحكون مع بعض دايماً ام السيف اخت ثالثه لسلطانه وليلى وكانها بنت ام سطام
اتجهت ام سطام وسلطانه لبيوتهم يصلون وبيرجعون وقررت ام السيف تكلم ليلى عن موضوع السيف
ام السيف:- السيف كلمني وقال اطلبكم تقدمون الزواج والله اني منحرجه منكم وانا كل يوم جايه على هالموضوع
تنهدت ليلى:- ياخيتي لا تقولين كذا الاخت ماتنحرج من اختها والله لو علي ان يصير الموضوع الليله لكن تخبرين ميعاد ورايها
ام السيف:- كلميها وانا وعدت نفسي انها المره الاخير
ليلى: ابشري بقوم اكلمها هاللحين ولايجي بخاطرك شي
ام السيف بحب : عسى الله يخليهم لنا ويبغلنا فيهم مانحب
ليلى بدموع:- امين يارب
دخلت ليلى واتجهت لغرفه ميعاد وهي مبسوطه ومتوتره بنفس الوقت
ليلى: ميعاد يا امي وينك
ميعاد وهي تقرا اذكارها :- هنا يمه على سجادتي
ليلى بحب :- يابنيتي ام السيف كلمتني وقالت ان السيف مستعجل بموضوع الزواج وانتي يابنيتي ماوراك الا سنه وتتخرجين يعني امرها هين
تنهدت ميعاد :- بكيفك يمه اللي ودك به انا موافقه عليه
ليلى بدموع فرح:- يعني اقول ميعاد موافقه ؟
ميعاد والعبره بحلقها:- ايه يمه
حضنتها ليلى بحب وقالت: يابنيتي لاتشيلين هم ولا تضيقين والله انك اخترتي السند والصديق والرفيق واللي يحبك لو ما يحبك ما اصبر عليك هالسنين وكل يوم يترجاك تقدمين الزواج صح يا امي؟
تنهدت ميعاد براحه وابتسمت وهي تشوف افعال السيف وكيف انه فعلاً يحبها ويداريها ويتمنى قربها
نزلت ليلى عند ام السيف وهي مبسوطه بقرار ميعاد وراضيه عنه اشد الرضاء
ليلى بتمثيل الحزن :- عنيده يام السيف عنيده هالبنت!
ام السيف بضيق:- خليها على راحتها لاتضغطين عليها
ليلى:- بس مايصلح هالكلام ثلاث سنين وهي ترد السيف وماعندها عذر
ام السيف:  هانت ياخيتي كلها سنه راح الكثير مابقى الا القليل
ليلى بضحكه: ميعاد وافقت وقالت اللي ودكم به انا راضيه
فزت ام السيف بفرح: والكلام اللي قلتيه كذب ؟
ليلى بضحكه: ايه ابي اشوف ردة قعلك
حضنتها ام السيف بدموع : الله يتمم فرحتنا فيهم حمدلله يارب حمدلله
ليلى بحب:- عسى الله يرزقهم الذريه الصالحه يارب
استاذنت ام السيف من ليلى وهي طايره من الفرح عشان تخبر السيف براي ميعاد ومخططه تلعب ب اعصابه 
ام السيف وهي تشوف السيف واقف وينتظر :- قلت لك ياولدي لاتحرجني مع الناس ! البنت عنيده ولا تقدر فيها
السيف: وش هالكلام يايمه ! مستحيل تردني هالمره
ام السيف : مابه شي مستحيل على بنت جسار
السيف بعصبيه:- يمه انتي متاكده من رفضها !
ام السيف:- ميعاد موافقه بس ابي اللعب ب اعصابك
السيف بحب وهو يحضن امه:- صادقه يمه؟؟
ام السيف :- اي والله ياولدي تجهز ياعريس ماعاد به وقت
السيف وهو مبسوط ويحارش امه:- بروح اخذها اللحين خلاص وافقت البنت
ام السيف وهي تطق كتفه:- اعقل يالسيف اعقل قبل احرمك منها
ضحكو بحب وهم كلهم مبسوطين وسعيدين اخيراً ميعاد بتصير معهم وتشاركهم لحظاتهم كلها