ابو السيف : اسمع ياولدي كلم سلمان وعلمه انك قدمت العرس واخذ شوره هو وماجد
السيف : ابشر يابو سياف
ابو السيف : عسى الله يبشرني بعيالك
طلع السيف من البيت وهو يخفي ابتسامته واتجه لسلمان لجل يعلمه
سلمان: حي الله النسيب اللي ماعاد نشوفه
السيف : الله يحيك ياحبيب اخوك اعذريني والله اني انشغلت هاليومين
سلمان: عسى خير وجهك يقول ان عندك موضوع
السيف: الخير بوجهك انا بقدم زواجي من ميعاد ودي اكون مع اخوي بليلة وحده , وامي خذت شور الوالده وميعاد وكلهم وافقو وجيت اخذ رايك
سلمان بضيق :- عسسسى الله يوفقك ويبني بيتك انت الروح وميعاد عيوني ماغلى من الروح الا العين وابد دام هذا رائك ف انا وماجد ماعندنا مشكله
تقدم السيف وحضن سلمان بحب وماقدر يخفي ابتسامته اللي تدل على حبه لميعاد
سلمان بغمزه: ياخوي تراني سلمان ماني بميعاد وخر عني
السيف بنفس النبره:- فيك من ريحتها ياخوي
سلمان بتمثيل عصبيه : اخو ماجد وابعد السيف
السيف ركض بضحك وسلمان يلحقه
في بيت ليلى دخلت غاليه عند ميعاد وعيونها غرقانه دموع ونطقت: ميعاد ليه ليه توافقين تتركينا بهذي السرعه
ميعاد بضيق وهي تحضن غاليه:- مابتركم ياغلاي انا حولكم وجنبكم وهذا هو البيت جنب البيت
غاليه بدموع:- يعني ماراح اصحى على صوتك ومحارشك شلون ياميعاد تتركيني شلون؟
ميعاد بدموع:- غلاي لاتقولين كذا انا عندكم ماراح يتغير شي
ليلى وهي تحضن غاليه :- غاليه يمه بسم الله عليك شفيك ؟ ميعاد جنبنا واذا بغيتيها البيت قدامك لايردك شي
غاليه:- طول عمري بحضنها وجنبها وحولها كيف بعيش بدونها يمه شلون
ميعاد شدت على يد غاليه وتحاول تهديها:- غاليه عيوني اعتبري القرار تكنسل وماراح اتركك وانا حولك وجنبك لاتتضايقين
غاليه بحزن ابتعدت عن حضنها :- لا تهدمين حياتك عشاني صحيح ضايقه من موضوع غيابك بس مارضى تهدمين قلبك عشان رضاي
دخل سلمان بتمثيل التعب: يمه يمه الحقيني
ليلى:- بسم الله عليك ياولدي وش فييييك
ميعاد بدموع :- سلمان انطق شفيك وجهك ليه كذا
سلمان وهو يكتم الضحكه:- قلبي يعورني يايمه
ليلى وهي درت انه يستهبل:- وش بلا قلبك ياولد جسار
سلمان :- يعورني لان نور البيت بيروح للسيف ويتركنا لحالنا
رمت المخده عليهه ليلى وهي متنرفزه:- الله يصلح بالك ياوليدي
تقدمت له ميعاد وحضنته بدموع :- بسم الله عليك وعلى قلبك ماراح يبعدني عنكم الا الموت هذاني قدامكم
سلمان وهو يبادلها الحضن:الله يوفقك ياحبيبة اخوها والله ماخذيتي لك الا اللي يستاهلك السيف حنون وقلبه نظيف ورجال والمراجل كايده وانتي قويه لكن طالبك لاتقسين قلبك على السيف ولا تكابرين عليه تراه يدور رضاك وحبك طغى عليه وسوا المستحيل عشانك
ميعاد بخجل وابتسامه: ابشر ياخوي
سلمان بضحكه:- الله يخلي هالابتسامه ولايغيبها عني
غاليه بعصبيه:- ماشاءالله الحب والدلع والكلام الحلو لميعاد بس ويينك ياماجد تحبني وتدلعني
دخل ماجد صدفه وهو كان جاي مفاجاه ونطق : موجود ياحبيبة اخوها عييييوني وقلبي لك ماهو بس الدلع
فزت ليلى :- يامرحبا بالعين ونظرها يامرحبا
ركضت غاليه وهي تحضن ماجد ونطقت:- حزب الكباريه وصل يلا ياسلمان وميعاد انتهى دوركم
ضحكو كلهم بحب
واجتمعو على قهوتهم وقضو ليلتهم ذكريات وسوالف حنونه
ليلى: ياماجد ماودك اخطب لك ياوليدي؟
ماجد بضحكه: خلصتي من ميعاد وجاء دوري
ليلى : ياولدي ابي لك حرمه تونسك بالغربه اللي انت فيها
ماجد: على يدك يايمه بس ماهو اللحين بعد مانخلص من ميعاد ليلى بفرح: صادقق يوليدي؟
ماجد :- ايه يايمه بس ماهوب اللحين
فزت غاليه ورفعت راسها بكبرياء وقالت: بحصل على منصب اخت العريس ومو اي عريس ماجد ياكثر غرورك ياغاليه !
ميعاد بضحكه :- صراحه منصب يستاهل الغرور
ليلى بحب :- عسساني اشوفكم كلكم معاريس وعايشين حياه سعيده ياحبايبي
غاليه بخجل: امممييين
أنت تقرأ
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
