في كل حزة لك مع البال ميعاد

بارت"9"

ميعاد استجمعت قوتها كلها وقررت تكلم خوالها يوقفونه عند حده واتصلت على محمد وقالت له ابيك انت وسالم بموضوع 5 دقايق واكون نازله انتظروني بالحوش

محمد بتوتر:- وشفيك ياميعاد وش الموضوع اللي هذت الوقت !
ميعاد ودمعتها بعينها:- الموضوع ماينسكت عنه وبكت بقهر على حالها
سالم تقدم يحضنها بحنيه :- مين اللي نزل دموعك علميني يامعياد والله ان اهد حيله واكسره بدنياه
ميعاد:- تكلمت عن نياف وقالت لهم وش سوا وكيف انه تجرأ عليها وهددها وبوسط بيتها

محمد بقهر:- لاتبكين ياميعاد والله لاخذ حقك والله ماتنامين اليوم الا وانتي راضيه
سالم:- روحي غرفتك ولا تقولين لـ احد عن هذا الموضوع احنا بنحله بطريقتنا ولا تخافين انتي ماسويتي شي غلط خليك مرتاحه

ابتسمت ميعاد بحب وهي متاكده ان خوالها بيناصرونها وياخذون حقها ويبعدون نياف عنها توجهت لغرفتها وقررت تصلي الوتر وتدعي ربي يعدي هذا الموضوع على خير ونامت على سجادتها بدون ماتحس بنفسها

الساعه 3 الفجر ببيت ليلى الجده تصارخ وتناديني ميعاد بكل قهر

ام سطام:- ميعاااد تعالي وراه تشيشين عيالي على نياف اللي كافي خيره شره ماتعبتي من المشاكل يابنت جسار
ليلى نطقت بصدمه :- وش صاير وش الموضوع ؟
ام سطام:- بنتك ياليلى تمادت على نياف وسببت مشكله بين نياف واعمامه وقالت عليه شي ماصار
ميعاد:- انا ماتماديت بشي نياف هو اللي جاني وهددني بوسط بيتنا وانا علمت سالم ومحمد يوقفنه عند حده
ليلى :- وشهو متى جايك نياف وش هددك به
ام سطام بحده :- ماجاك نياف ولا قربك لا تبلين على الولد
ميعاد بقهر :- الا جاء وتكلم ولو هو رجال يجي ويعترف باللي سواه
محمد بعصيبه :- يمه ميعاد ماتكذب ولا تتبلى احد نياف هو اللي جاها وغلط عليها لاتكتمين الحق
ام سطام:- حسبي الله عليك ياميعاد كانك بتسبيين الشتات بيني وبين عيالي واحفادي
ليلى بحزن:- يمه لا تدعين على بنتي عشان نياف
ميعاد بقهر :-ظلمتيني وجبرتيني وسكت لك ياجده لكن انك تدعين علي لاا والله ما اسكت واني ليلكم الاسود من اليوم ورايح
طلعت ام سطام وهي كلها ندم وخوف لانها تدري ب ميعاد وانها مو قليله شر وخافت يوصل الموضوع ل اعمام ميعاد وتكبر السالفه

في بيت ليلى مسكت ليلى ميعاد وحضنتها بكل حنان وحب وقالت لها
ليلى وهي تبكي بحرقه:- اسفه يا امي سنتين وانتي ايامك كلها خوف ومشاكل بسببي اسفه لاني مقدر اخذ حقك سامحيني
ميعاد:- يمه لا تتأسفين انتي ماغلطتي انتي ماجبرتيني على شي كله من جدتي ، لكن اوعدك اني اوقفهم كلهم عند حدهم لا تتضايقين بنتك قويه ويلا ننام ياحبيبتي ولا تخافين علي انا مو متضايقه او حتى زعلانه

الساعه 10 الصباح صحت ميعاد على صوت سلمان وهو ينادي امه
سلمان:- يايمه ياشمعه الدار وينك ياحبيبتي
ليلى:- تعال هنا بالصاله يا امي تعال
سلمان تكلم وهو يناظر ميعاد:- انا عازم السيف على القهوه العصريه وضبطوني تكفون
ليلى:- ابشر ياوليدي
سلمان:- ميعاد حبيبه اخوها رتبي لي المجلس وسوي لي حلوياتك اللي احبها
ميعاد ب ابتسامه:- ابشر ياعيوني بسوييييي لك اللي تبي كم سلمان بحياتي ؟
سلمان قام وهو يبوس راس ميعاد:- عسى الله يخليك لي ويقدرني على سعادتك ياحبيبه اخوها
مسحت ليلى دموعها وهي تشوف كيف ميعاد تكابر وتحاول تكون مبسوطه رغم الضيق اللي مرت فيه امس همست بحب الله لايخلينا من حنيتك ياميعاد
ميعاد:- ولا يخليني منك ياعيون ميعاد

الساعه 5 العصر فالمجلس عند السيف وسلمان كانت جلستهم خفيفه ومبسوطين
سلمان:- هذي الساعه المباركه اللي شفناك فيها يابو بهاج
السيف:- الله يبارك في ايامك واسعد والله الاوقات
انتهى اجتماعهم المعتاد بين السيف وسلمان اللي علاقتهم كانت اقرب للاخوه من الصداقه

طلع السيف من البيت وشاف نياف وواضح عليه اثار الضرب السيف بفضول:- عسى ماشر يانياف وش فيه وجهك؟
نياف:- متهاوش لي مع شباب وعدت على خير
ضحك السيف ب استهزاء وتوجه لبيته وكان مستغرب توتر نياف من سواله ونطق بهمس : هالنياف غريب وتصرفاته غريبه وراعي مشاكل بعد عسى الله يبعده عن طريقي