في كل حزة لك مع البال ميعاد

بارت"4"

عند بيت الجد واللي الكل انصدم من كلام ميعاد
ام نياف بعصبيه:- تحمد ربها هالميعاد ان بتاخذ نياف ولا حاصل لها وراها رافعه خشمها على ولدي
سلطانه :- وش الى تحمد ربها ماهي طايحه بكبد امها ولاهي كبيره ومحد خطبها ولعلمك البنت ماغلطت و القرار قرارها ولا لك حق تعارضينها
ساره تحاول تهدي الوضع:-يا سلطانه و ام نياف هدو مايصلح كذا لا تكبرون الموضوع
الجده قامت و ضربت عصاتها بلارض بقهر:- ياحسوف والله بنتي وترفع صوتها علي وتعارض كلامي
(ناظرت ليلى بحده)روحي لبنتك وعقليها ورجعي عقلها لراسها ولا والله اني غضبانه عليك
"طلعت ليلى تركض لميعاد و طلعت وراها غاليه دخلت غرفه ميعاد ومسكت عضدها بقوه"
ليلى بعصبيه:-قومي قومي راضي جدتك يالماتستحين ترفعين صوتك عليها قومي اعتذري لها
وسعت عيونها غاليه بقهر من امها وصرخت:- يمه وش فيك وش جاك هذي بنتك حرام عليك خالتي توقف معها وانتي ضدها وراه تركضين ورا رضى امك (سحبت ميعاد وراها)لين هنا وبس يمه ميعاد قرارها بيمشى
ليلى رفعت اصبعها و وجهته بتهديد لميعاد:- ان ما اخذتيه والله ياميعاد اني بغضب عليك ليوم الدين ولا برضى عليك
شهقت ميعاد بصدمه وحرقه:- يمه لااا
"طلعت ليلى ونهارت ميعاد بحضن غاليه"
غاليه مسكتها:-لا تبكين والله محد بيغصبك
(قامت غاليه وركضت لبيت جدها وقفت قدام جدتها ونطقت بحده:والله ان ضايقتيها و جبتو طاري الموضوع لها و سمعت طرف من حديثكم عن الموضوع والله ان يوصل الموضوع لعمامي و وقتها تحملو عواقب افعالكم
دخل محمد وعقد حاجبه من كلام غاليه و عصبيه ام سطام
محمد:- وش الموضوع وراك ضايقه ياغاليه؟ وش هالكلام
"غاليه خذت نفس وحكت الى صار قدامهم"
محمد ناظر امه ونطق بحده:- الى تبيه ميعاد يصير يايمه ومابعده كلام
مسك يد غاليه وتوجه لبيت اخته ليلى جلست بالصاله و انتظر غاليه تجيب ميعاد فز يوم انتبه لميعاد الى جت وهي منهاره بكاء سحبها لحظنه:- انا معك ميعاد واقف معك لا تضيق بك الدنيا وانا معك مايصير الا الى انتي تبيه
حضنته ميعاد بحرقه:-خالي مابيه تكفى اقنع امي
محمد مسح على شعرها:- مايجيك شي ماعليك والموضوع كله بيكون نفس ماودك ياحبيبتي
"ارتاحت ميعاد من بعد كلام خالها وقررت تاخذ شور وتنام بعد يوم مليان صراعات ونقاشات