في كل حزة لك مع البال ميعاد

بارت "13"

رجعت الجده لجلستهم وكان الضيق واضح على وجهها واستغربت ليلى وخافت تكون زعلت ميعاد

ابو سطام:- وراك جيتي والشر بيطلع من عيونك
ام سطام:- بنت جسار طردتني من البيت وقالت لي ان شورها بيمشي علي وعليك يبو سطام مايرضيك هذا الكلام ولا يرضيكم ياخوالها
سالم:- ماتسويها ميعاد يايمه لاتظلمينها الظلم له حوبه
ام سطام بحده:- بنت جسار بينها وبين ولد بهاج حب وهو اللي ردها عن نياف
محمد بعصبيه:- ومن قالك هذا الكلام يايمه
ليلى :- بنتي ماتسويها ولا تكسر ثقتي
ام سطام بتوتر :- هذا قولها لي وروحو انشدوها
سلطانه وقفت:- اسمعيني يايمه ان كانك ظلمتيها وقولتيها شي ماقالت ف ربي يشهد على ماسويتي وعلى ماسوت هي انتبهي من دموع اليتيمه
فزت ليلى بقهر:- انا بنشدها وبحط القران بيني وبينها لاجل انصرها ، لكن والله وهذاني حلفت وكلكم شهود على حلفي ان كانها مظلومه ماعاد تشوفوني ب هالبيت تحملنا ظلمك يايمه لاجل انك امنا لكن اللحين وصلتي لسمعه هاليتيمه وكسرتي ثقه خوالها فيها وبينك وبينها ربً مايظلم عبده
ام سطام بدموع:- لا والله ماقالتها بس لا تقهروني بغيابكم انا سويت هذا كله لاجل ميعاد ترجع لنياف وتعيش تحت عيني وشلون اقوى على غيابكم كلكم
ابو سطام بحده :- توصل فيك انك تظلمينها ماتخافين من ربك انتي ولا تستحين من خلقه
ليلى بكت وتوجهت لبيتها من صعوربه شعورها ومشاعرها اللي انهلكت مابين اعز الناس
دخلت غرفه ميعاد وشافتتها تبكي على سجادتها وانقبض قلبها خافت انها تدعي على امها وهي ظالمتها ونطقت بدموع:- لاتدعين يابنيتي امي تسوي كذا من حبها لك تكفين سامحيها
ميعاد بخجل:- يمه انا موافقه على السيف علميهم يجون الجمعه الله يحيهم ...  
ليلى حضنت ميعاد بدموع فرح وحزن:- عسى الله يوفقك ياحبيبتي كبرتي وبتروحين عني وبتلاقين السند اللي يحتويك غيري
ميعاد :- تطمني يمه ماراح يبعدني عنك الا الموت و البيت جنب البيت
دخلت غاليه وحضنت ميعاد وعيونها مليانه دموع:- ليه تكبرين بسرعه لاتوافقين و تروحين من عندنا والله امزح لاتخليني بلحالي تكفين
ليلى ب ابتسامه: مو دايم ودك تشوفين جسار هذا هو قريب بتشوفينه بين يدين اختك 
غاليه ب ابتسامه:- اذا كذا موافقه احل
ميعاد بخجل:- بس يمه انا ما ابغى زواج الا بعد الجامعه
ليلى :- اكيد يابنيتي ماراح اطلعك من هالبيت آلا بعد ماتخلصين دراستك

طلعو من عند ميعاد ينامون وراهم يوم حافل لان ليلى بتقول لام السيف عن موافقتها وبيجون لمهم يخطبون رسمي وقدام اهل الديره كلهم

اتجهت ميعاد لسريرها وهي مرتاحه ومبتسمه دائماً تحب تسمع سوالف سلمان عنه وتحب طريقه قربه من سلمان وتذكرت هذيك الليله اللي مرت من قدامه وشافته يتاملها ابتسمت براحه لانه من يطري عليها يمتلي قلبها حب له نامت وهي مبسوطه بقرارها هذا لكنها تجهل المشاكل اللي بتصير ل السيف من ورا نياف

الساعه 10 الصباح قررت ام السيف تزور ليلى وتاخذ منها رد ميعاد وكانت خايفه من الرفض لان طول هذيك الفتره والسيف منعزل وقلقان ويخاف ترفضه وهو متعلق فيها تنهدت بضيق وقالت يارب لاتكسر قلب وليدي ودخلت عند ليلى :-
استقبلتها ليلى بحب وحفاوه وكانت ماهي قادره تخفي ابتسامتها اللي انتبهت لها ام السيف وانبسطت لانها تاكدت ان ورا هالابتسامه موافقه زفرت براحه ونطقت :- ياليلى جايه ابي منك الرد طولتي علينا
ليلى :- يامرحبا بكم باي وقت وماراح نلقى اطيب من السيف
زغرطت ام السيف بدموع وكانت فرحانه بشكل خلاها تستاذن من ليلى وتروح تبشر السيف ابتسمت ليلى بحب وهي تشوف فرحت ام السيف وكيف انها تحب ميعاد وعبرت عن شعور السيف وكيف انه قال لامه انه يبي ميعاد لانه مرتاح لها ويميل بقلبه لها ونطقت :- حمدلله يارب عوضت ميعاد عن كل حزن مر بحياتها تستاهلين هالحب ياميعاد