بعد صلاة المغرب جالسين بالصاله ميعاد وغاليه ويخططون لاجتماعهم مع بنات خالتهم سلطانه
غاليه: ميعادي شرايك تسوين لنا كوكيز ؟ وننادي المها وغدير ؟
ميعاد: امممم تم انا بسوي الكوكيز والقهوه وانتي حهزي لنا السطح
غاليه: فزت بحماي بجهز الجلسه واجي اساعدك لاتسوينه بدوني
ميعاد: قصدك تجين تحوسين علي وتطلعين ما امداها تكمل كلامها الا وغاليه ناطه للسطح
دخلت ميعاد المطبخ تجهز مقادير الكوكيز وترتبها لين ماتخلص غاليه لكنها فجاه تسمع صراخ غاليه وهي تقول
ميعادي لاتسوينه لين اجي اممممانههههه
ميعاد: يلا ياغاليه الوقت راح والبنات بيجون
غاليه: خلصت خلصت بس 5 دقايق
اتصلت ميعاد على بنات خالتتها: وقالت لهم تعالو بنجلس بالسطح ونسوي كوكيز وقهوه ونسهر مع بعض
المها: يالله عاد بخاطري مره الكوكيز جايتكم ركض
غدير : انتبهي ياميعاد من غاليه لا تحوس عليك نفس اخر مره هههههههه
ميعاد: قاعده تهددني ما اسويه الا وهي عندي وقاعده انتطرها
غاليه: جييييت اكيد قاعدين تحشون فيني انتي وبنات خالتك
ميعاد : يالله بنات بسوي الكوكيز يويلكم يخلص ما القاكم بالصاله
قفلت ميعاد منهم وراحت تسوي الكوكيز وغاليه تحوس عليها وتضيف اشياء على مزاجها
ميعاد : غاليه يويلك تقربينه اذا فتحتي الفرن بيخرب انتبهي
طلعو للسطح كلهم وكانت الجلسه حنونه
آلمها: دقيقه بصور
غاليه: اف حتنا بصور لصديقاتي اقول سناعتي وابداعاتي
ميعاد : يلاااا حتنا بصور معكم
ميعاد : اممم بنات محمد يقول جايكم مين تساعدني نرتب الجلسه ؟
غدير : محمد هذا كانه زوجك مستحيل تصورين شي الا وهو ناط علينا
محمد: ماشاءالله تحشون فيني كالعاده ماتشبعون مني ؟
المها بفرح: اهليييين شعندك مختفي ونادر تطلع لنا
ونشوفك
ميعاد بغمزه : الولد شاد حيله بالجامعه يبي يتوظف عشان ياخذ حبيبه القلب
محمد : افا ياميعاد تعلمينهم ب اسرار خالك وصديقك ؟
غاليه: شفت ياخالي يضحكون عليك وانا اقهويك ماراح تلاقي بنت اخت مثلي
كملو سهرتهم اللين اذن الفجر وكانو سعيدين فيها بشكل خلاهم ينسون همومهم ومشاكلهم كلها
الساعه 12 الظهر صحت ليلى وكان الجو غيوم ونسمات هوا بارده وكان يوم الخميس لبست شيلتها وطلعت بالحوش وشافت جدها جالس يناظرها
ابتسمت بكل حب وهي تسمع صوت جدها يقول:
يامرحبا ببنت المطر يامرحبا بحبيبة جدها
باست راس جدها بكل حب وقالت : يبه وشرايك نطلع للمزرعه بمناسبه الجو الحلو هذا؟
الجد: ابشري يابوك قومي علميهم يتجهزون وانتي سوي لي كيكتك اللي احبها
ميعاد: ابشر من عيوني ماطلبت شي
الجد: عسى الله يبشرني فيك باللي يرضيني
ميعاد فزت وراحت لامها تعلمها بالطلعه وقالت لها علمي خوالي كلهم يتجهزون واتصلت ليلى تقولهم
بعد ساعه طلعو كلهم متجهين للمزرعه وهم مبسوطين وسعيدين بالأجواء الحلوه والطلعه العائلية اللي فاقدينها من زمان
بالمزرعه كانو جالسين كلهم بالجلسه اللي تتوسط المزرعه
الجد والجده وعيالهم كلهم حولهم واحفادهم
الجده : ميعاد يامي اللبسي شي يدفيك خبري فيك تبردين بسرعه
ميعاد: لا يايمه لبسي هذا يكفيني مو بردانه
الجده بحنيه : تعالي جنبي يا امي ادفيك ب شالي
غاليه بغيره: اييييي ماشاءالله الحب كله لميعاد والدلع واللحين مانتبهتي الا لها انا حفيده البطه السودا؟
الجد: افا تعالي ياغاليه تعالي بحضني يابوك ادفيك
غاليه بحب: الله يخليك لي يايبه ولا يحرمني منك
سلطانه: ماشاءالله على بناتك ياليلى خذو الحب كله عنا
ليلى: خربتو بناتي بالدلع عرفت انا ليه يحبونكم اكثر مني
ميعاد: صدقيني يايمه ماحبيناهم هالحب كله الا عشانهم اهلك
محمد بتمثيل الحزن : ياليلى بجي بحضنك تعوضيني عن حنان اهلي اللي سرقوه بناتك
ضحك الجد وضحكو كلهم بكل حب وكانت هالليله اسعد ليله عندهم وراحو غرفهم ينامون وارواحهم خفيفه وسعيده ودائماً جمعات المزرعه تكون حنونه لانها تحتويهم كلهم ومافي اي مكان يفصلهم كلهم ملمومين على بعضهم
الصباح الساعه10 يوم الجمعه
كان الجد يتجهز هو وعياله لصلاه الجمعه وميعاد تبخر جدها لانها فقرتها المفضله بكل جمعه
الجد: ياميعاد يابوك حطي القهوه لين مايجي وقت الصلاه
ميعاد: جهزتها يبه انتظرك تتبخر ونروح نتقهوى
ابتسم سطام وهو يشوف ميعاد وحنيتها وحبها لابوه وكيف انها تشوفه ابوها ويمكن اكثر
انتهت ايامهم السعيده بالمزرعه ورجعو لبيوتهم يستعدون لدوامتهم ويبدون روتين الدوامات
أنت تقرأ
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
