في كل حزة لك مع البال ميعاد

البارت"6"

الجده بحده: عاجبك اللي صار ياميعاد ولا عشانك دريتي بغلاه تغليتي يابنت جسار ؟
غاليه: بنت جسار ماهي بحاجه غلاه ولا حبه
ليلى: خلاص يامي غاليه اخذي ميعاد وروحو لبيتكم
الجده: هذيي نهايه الدلع ياليلى ماعاد يحسبون حساب للكبير ولا الصغير
ام نياف بحده: والله مابغيتك من البدايه مدري وش بلاه ربي وبغاك هالنياف
ميعاد بغرور: والله عاد ولدك ترك بنات الديره ومابغى غيري لكن اللي مايطول العنب يكثر عذاريبه
غاليه: امشي ياميعاد كسرتي رايهم بفعلك ولا هم خليهم يتكلمون لين بكره

بعد يومين بدون احداث تذكر غير ان
نياف قرر يستقر بالمزرعه ويعتزل بيت العائله وهو كله ندم لانه يحب ميعاد ويشوف حياته كلها فيه

صحت الساعه "6 "تتجهز للجامعه وسعيده وبتداوم بكل حب لان ماعاد فيه شي يضايقها ولاشي يربطها ب نياف
ميعاد: باست امها وقالت صبااح الخير ياروح وعيون ميعاد
ليلى: صباحي خير يومه يبدا فيكم ياحبيبتي
ميعاد: وينها غاليتنا مالها صوت ؟
غاليه مع الدرج:  كنت قاعده اصلي وادعي ربي يجيب لي زوجي المستقبلي
ليلى: ياللي ماتستحين على وجهك تعالي
ميعاد بضحكه : خليها يايمه بكره لو جاها النصيب قعدت تصيح وتقول انا صغيره
ليلى: والله مارده واني لزوجك
غاليه: عادي اهمشي اصبح على وجه حلو  وغمزت لامها

غاليه وميعاد علاقتهم مع امهم علاقه صداقه ودائماً يتكلمون بالمزح والضحك ووقتهم المفضل دائماً وجبه الفطور لانها خاصه فيهم ونادر احد يجييهم هالوقت

خلصو فطورهم  اللي كان كله محارش وضحك وسوالف حنونه بين ليلى وبناتها وراحو لدواماتهم

عند مبنى الجامعه كانت ميعاد وافقه وترتب شكلها بتقابل صديقتها الالكترونيه اللي جمعهم الجوال 4 سنوات واليوم اول لقى لهم وكانت ميعاد متوتره لان من طبعها خجولها

كانت الشهد تناظر من بعيد ومبتسمه بكل حب وهي تشوف ميعاد كيف متوتره ووجهها مورد من الخجل
تقدمت وحضنت ميعاد وقالت
الشهد:  ميععععادي صغيررره مره وايييييي
ميعاد بادلتها الحضن وعيونها غرقانه دموع همست: اخيراً قرت عيوني كنت انتظر هاللحظه ومو مستوعبه شلون انتي قدامي
الشهد: ولا بعد بنفس الكلاس بنطلع شوق هالاربع سنوات
ميعاد: يلا يلا المحاضره بدت

" تعريف بالشخصيات الجديده"

الشهد : صديقه ميعاد المقربه شعرها اسود طوووويل لاخر ظهرها جميله جمال نجدي لطيفه وهاديه لكن ياويل اللي بيتعرض لها

ام الشهد / عمرها 40 تحب ميعاد وكانها بنتها ودايماً
حنونه على عيالها لكن تميز الشهد دايم

ابو الشهد / عمره 47 هادي وحنون لكن شديد على قراراته

عبدالله/ اخو الشهد عمره 23 اقرب شخص لها وعلاقتهم كلها محارش

خالد/ عمره17 مراهق وعايش جوه لكنه حنون

فالجلسه الخارجيه كانت الجده ام سطام وليلى وام السيف جالسين ويتقهوون قهوه الضحى

ام السيف : ياليلى سمعنا انكم رديتو نياف هو صحيح ؟
كانت ليلى بترد لكن سبقتها ام سطام وقالت :
ام سطام :- لا والله ماردونا وهالكلام ماهو صحيح
ام السيف : ومتى العرس عساه قريب من زمان عن الافراح
ام سطام: لاخلصت البنت دراستها ان شاء الله
ليلى:- عسى الله يكتب اللي فيه الخير يارب
استاذنت ام السيف ترجع لبيتها وبعد ماطلعت
ليلى بحده : اللحين يمه موضوع نياف انتهى وراه قلتي لام السيف كذا وش الموال اللي براسك يايمه
ام سطام: اللي براسي هو ان نياف لميعاد وماراح تكسرون كلامي ...
زفرت ليلى بضيق وهو تطلع من عندها ماودها تجرح خاطر امها ولاودها تزعلها لكن امها تمادت معها ومع ميعاد كثيرر

الساعه 12 الظهر رجعو غاليه وميعاد من دواماتهم وشافو امهم بالصاله وتصلي وتدعي

ميعاد : ادعي لي يمه ربيي يشرح خاطري ويوفقني بدراستي
غاليه بمحارش : ادعي لييييي يمه ربي يزوجني ويريحني منكم ومن الدراسه
ليلى بضيق : عسى الله يبلغني فيكم ويقر عيوني بشوفتكم سعيدين ومرتاحين
ميعاد: يمه عسى ماشر وراه صوتك ضايق ؟
غاليه: مين اللي مزعلك خليني اقوم اطلع طاقتي السلبيه فيه
ليلى: مافيني شي قومو بدلو بحط الغدا وقولو لسلمان ينزل معكم
راحت غاليه تنادي سلمان وتبدل ملابسها وميعاد قربت من امها تحضنها ..
ميعاد بحنيه: يمه اذا مضايقتك جدتي بكلامها تجاهلي ولا تناقشينها باي شي وانا بسوي اللي يريحني ويريحك حتى لو ضايقتني بكلامها صدقيني ماراح اهتم ولا راح اسبب مشاكل
بادلتها ليلى الحضن وقالت: اسفه ياميعاد اني ماقدرت احميك من البدايه واني حطيتك بهذا الموقف
ميعاد : صدقيني يمه كل هذا اللي صار خيره من ربي لاتزعلين ولا تتضايقين

نزلت غاليه من الدرج بصراخ وغيره وهي تشوفهم : ماشاءالله تخلوني انادي سلمان عششان تاخذون راحتكم بدوني كيفكم الله يهنيكم
قالت ميعاد وهي تغمز لها : اميين ويبعد عنا الغيورين

ضحكت ليلى بحب وهي تشوف بناتها حولها وكيف انهم يحبونها بطريقه حنونه وكانها صديقه لهم