"قامت ميعاد وتوجهت لغرفتها جلست وبدت تفكر خذت نفس ومسحت دموعها وهمست بينها وبين نفسها( تجاهلي الموضوع وشوفي حياتك بتنجب الموضوع الين يجي الوقت المناسب)
"الصباح صحت ميعاد وكلها طاقه لبست وحطت ميكب خفيف و دخلت المطبخ تسوي قهوه لجدها اشتاقت له وقررت تروح له ابتسمت برضا لشكل الحلا اللي سوته واللي كان مفضل عند جدها سحبت عباتها وتوجهت لبيت جدها"
دخلت البيت وابتسمت بحنين لجدها الى وقف يرحب بها
ابو سطام:- ارحبي ي اميره جدها ارحبي
ضحكت ميعاد وحضنته:-البقى ياجدي اشتقت لك
ابو سطام:- وينك عني وراه غايبه هالمده
ميعاد:- مشغوله ياجدي اجهز للدراسه
ابو سطام:- عسى الله يبلغني فيك
جت خالتها سلطانه وشهقت بفرحه وقالت
سلطانه:ميعادي هنا يامرحبا بالروح والقلب
"ابتسمت ميعاد لترحيب خالتها الحار وتدريجيآ بدو الكل من خوالها يتجمع ويرحب بها بحب وحنيه"
سطام :-وراه غاطه عننا عسى ماشر يخالي ليه مامريتي علينا لايكون ماتبين نياف ومجبوره عليه؟
ميعاد فتحت فمها بترد ولكن قاطعتها جدتها الى قالت:- لا هي مبسوطه بس انها خجوله وهذي هي حركات البنات وغمزت لابو سطام بضحك
"ضحكو الكل بفرح وبدو يحارشونها بأسمه لما شافو ميعاد تنزل راسها ظنو انها خجلانه ولكن الحقيقه كانت تبلع غصتها بضيق ماتميل له ولا تحبه تحس بخنقه فضيعه"
انتبهت لصوت جدتها الى تقول لنياف:- ادخل مابه الا خطيبتك مامن غريب
فزت سلطانه:-وراك يمه ميعاد مابعد زوجته عشان يدخل و يشوفها
"خنقتها العبره ميعاد ماعاد قدرت تتحمل الى يصير زادت قهر وحقد ليه يسون فيها كذا؟ قامت ولبست عباتها وطرحتها"
ميعاد بصوت يرجف:-انا تأخرت على امي قلت لها مابطول
"طلعت بدون ما تسمع ردهم دخلت البيت و سكرت الباب سندت ظهرها عليه وشهقت ببكاء و قهر على حالها جلست على الارض بضعف حيله رفعت راسها لسلمان الى جاها بخوف عليها"
سلمان نزل لمستواها وحضنها:- افا يبنت ابوي تبكين مين الى مزعلك؟ وش الى مضايقك؟
"زادت نبره بكاءها لان ماعندها شي تقوله ولا تقدر اصلا تقول شي"
رفع راسها عن حضنه ومسح دموعها
سلمان :-موضوع نياف مضايقك؟ماتبينه؟ والله ماتاخذينه اذا ماودك فيه
"سكت وبكت بحرقه يوم انتبهت لامها الى تأشرت لها من ورا وتطلب منها انها تسكت ولا تتكلم "
"بعد وقت قررت غاليه تجمع بنات خالتها سلطانه عندها بالسطح عشان تغير من نفسيه ميعاد الى زادت سوء"
بغرفه ميعاد كانت جالسه وقدامها المها
المها:- قالت لي غاليه ان ماود تطلعين لنا وجيتك وش فيك باهته كذا؟وجهك مابه حياه ياميعاد !!
انطقت ميعاد بقهر و غصه:-ما ابيه يا المها ما ابيه ولا راضيه اخذه (بكت بقهر و انهارت)وخروه عني مجبوره فيه
حضنتها المها الى انصدمت من انهيارها:-بقول لأمي و انشوف حل الوضع ماينسكت عليه
ميعاد هزت راسها:- لا لا اخاف تزعل من امي
المها ضربتها بخفه:-مو من جدك امي بتوقف معك هدي
هدت ميعاد وراحت المها تقول لأمها و فزت و صعدت بسرعه لغرفه ميعاد :-
سلطانه حضنت ميعاد:-ماعاش من يجبرك عليه ابشري بنهي الموضوع ولا راح اسكت بس اصبري علي
ميعاد الى انصدمت من خالتها وشهقت بفرحه:-
صدق خاله بتوقفين معي؟؟
"فرحه ميعاد كانت كبيره اخيرا في احد بينصفها ويوقف معها تحس رجعت لها الحياه تحس ودها تصرخ بفرح و تناقز بعد مرور اشهر و بهذي الاشهر رجعت ميعاد لازعجها و وناستها وبعد دخلت الجامعه"
الصباح نزلت ميعاد بفرحه وسلمت على امها و اختها والحماس عندها كبير اخذت توسته و حطتها بفمها:- انا بطلع للجامعه يمه
ليلى:-الله معك
"طلعت كانت بتتوجه لسياره سلمان بحكم ان هو يوديها للجامعه بس وقفت وهي تسمع اسمها باللسان صوت ثقيل انتبهت انه نياف والى كان واقف بالممر الى يفصل بيت جدها و بيتهم"
نياف يتكلم بالجوال:- انا ماخذها عناد ومستحيل يكون بيني وبينها حب هذا زواج تقليدي وغصب عليها بتوافق علي وتحمد ربها الف مره ....
"الجمها كلامه وكأنه مويه بارده انرمت عليها وسعت عيونها يوم كمل و قال".....
لكن بجيب لها هديه قدام الكل و اعجل على عقد القران مو هي الى تمشي كلامها علي
"حست بقشعريره تسري بجسمها ليه هي؟ وش سوت له؟ بلعت ريقها وراحت تصبح على جدها الى رحب فيها كالعاده و توجهت للجامعه بكل زعل"
"المغرب كانو الكل متجمع ببيت الجد و كان امر من الجده"
ام سطام:- ميعاد هذي هديه من رجلك نياف و قرر عقد القران بعد شهر وهذا الى بيصير
ميعاد طفح الكيل معها بتنهي كل شي والى يصير يصير:- اولآ هذا القرار يرجع لي ان كان بعد شهر او اكثر وهو مابعد صار رجلي عشان يهديني وقوليله هديتك مرفوضه وعقد القران والله مايتم بعد شهر مشيتي كلامك علي وسكت بس الحين انا كلامي بيمشي ولا بعده كلام
فز ابو نياف:- ماعاش من يجبرك ي ميعاد و الشور شورك
قامت ميعاد باست راس جدها و نحنت لذن جدتها وهمست:-قولي له شي ماتطوله لا تحوم حوله ياولد سطام
"طلعت وتوجهت للبيت دخلت لغرفتها وبكت بقهر على حالها من احراج جدتها وكلام خالها الى طيب خاطرها ولا ودها ترده"
أنت تقرأ
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
