في كل حزة لك مع البال ميعاد

بارت"11 "

الساعه 11 الضحى رجعت ميعاد من الجامعه وهي سعيده اليوم كان اخر اختبار لها وبتبدا الاجازه

ميعاد بفرح:- اخيراً روتين الاجازه والراحه
غاليه:- ياحلو الراحه هرمنا لاجل هذه اللحظه
ليلى:- والله ياغاليه لو قلبتي نومك اني ل اقلب راسك
ميعاد:- لازم نحدد يوم نسافر ل اعمامي لهم فتره يكلموني يبغون نجيهم
ليلى بحزن:- ماهو ضروري تطولون عندهم ماحب البيت بدونكم
غاليه تاففت:- انا ماراح اروح لهم يبغونا يجون لمنا ما احب بيتهم
ميعاد بعصبيه:- بتروحين وغصب عنك هذولا اهلك ومجبوره توصلينهم ياغاليه!
ليلى:- صح كلام ميعاد ضروري تروحين لهم هذا وصل مايجوز قطع الرحم
غاليه ودموعها بعيونها:- بس يمه بيتهم كله ذكرياتنا مع ابوي ماقدر اواجه هذي الذكريات
ميعاد حضنت غاليه ونطقت :- ابوي بيكون سعيد بوصلنا لهم لا تتضايقين وابوي راح للي ارحم مننا

الساعه5 العصر كانت ليلى تجهز الجلسه لها ولام السيف اللي اتصلت عليها وقالت انها بتجيها تبغاها بموضوع مهم وخاص

ليلى:- مدري ياميعاد قالت لي ابيك بموضوع خاص
ميعاد بحزن:- الله يستر لايكون فيها شي
غاليه بمحارش:- ممكن جايه تخطبني لولدها الضابط ! يمه اسمعي اذا تكلمت علميها اني موافقه
ليلى وهي ترمي المنديل على غاليه:- ياغاليه انتي متى تتركين هبالك هذا والله لو ماتعقلين ل ازوجك صدق
ميعاد بضحكه:- صدقيني ياغاليه لمن يجي الجد بتهربين من كلامك هذا كله
دخلت ام السيف عليهم وشافتهم يضحكون ودمعت عيونها لانها تحب ليلى وبناتها وتعرف مدى حبهم وقربهم من بعض
ام السيف بحنيه:- عسى الله يخليكم لبعض ولا يفرقكم
ليلى رحبت ب ام السيف وجلست معها وطلعو البنات غرفتهم عشان ياخذون راحتهم

عند ليلى وام السيف
ام السيف:- ياليلى انا ابيك بموضوع والله ان لي شهرين اتردد فيه لكن ماعاد اقدر اصبر اكثر
ليلى بخوف:- عسى ماشر وش موضوعك مابينا تردد انتي اخيتي وبمقام سلطانه والشاهد الله
ام السيف:- انا بغيت ميعاد لولدي السيف
ليلى :- ابرك الساعات والله لكن بسال ميعاد والشور بالاول والاخير لها تخبريني جبرتها على نياف ومن عقبها حلفت ما اتدخل ..
ام السيف:- لا والله ماتجبرينها كلميها وان ماوافقت من حقها وابسط حقوقها ميعاد بنيتي واقرب لي من روحي والشاهد الله
ليلى :- مايدخلني في حبك لها الشك والله انها تبادلك نفس المحبه وتشوفك امها الثانيه

استاذنت ام السيف ورجعت بيتها مبسوطه من كلام ليلى ولمحت السيف اللي متوتر وينتظر امه

السيف:- بشري يمه وش صار وش قالت ميعاد عساها موافقه
ام السيف بتمثيل الحزن:- رفضت وتقول السيف بحسبة اخوي ومستحيل اخذه
السيف بحزن :- ليه يمه تكفين لا تروح من يديني والله ما اخذ غيرها
ام السيف بضحكه:- ياحبيبي ياوليدي ليلى موافقه
وتنتظر بس رد ميعاد لاتضيق يا امي
السيف:- وكلامك هذا كله كذب ؟؟
ام السيف بغمزه:- ابي اشوف غلاها عندك
السيف ابتسم وقال:-
‏" غالية والله ولا من قبلها في القلب
غالي ومن يلوم السيف اذا تعدا حدوده في غلاها؟
ام السيف بحنيه:- الله يتمم فرحتي فيكم

في بيت ليلى اتجهت لغرفه ميعاد وشافتها جالسه وتجهز اغراض السفر ل اعمامها
ليلى جلست بسرير ميعاد ونطقت:- ميعاد يا امي ابيك بموضوع واخذي راحتك في التفكير فيه
ميعاد:- امري يمه وش موضوعه؟
ليلى :- ام السيف كلمتني وطلبتك ل السيف ولا تردين علي اليوم ولا بكره لا يمه هذا الموضوع يبي له تفكير .. صحيح مريتي بتجربه سيئه لكن لاتحكمين على السيف وترفضينه ب افعال نياف
ميعاد بخوف:- يمه انا حالياً ما افكر بهذا الموضوع وابغى اركز على مستقبلي وبس ،، عسى الله يوفقه ويكتب له بنت الحلال اللي تستاهله
ليلى بحزن:- يابنيتي فكري واستخيري السيف ماهو مثل نياف
ميعاد:- انا بكره ماشين لديره اعمامي واذا رجعت بفكر بالموضوع
ليلى ب فرح:- عسى الله يوفقك يابنيتي ويسعدك ويكتب اللي فيه الخير
ميعاد بتنهيده:- امين يارب ولايحرمني منك ومن قلبك