في كل حزة لك مع البال ميعاد

بارت"19"

العصر كانو جالسين كلهم بالمزرعه ومبسوطين بالاجواء الحلوه ورشات المطر اللي تشرح الصدر

في الديره في بيت ام السيف كانو جالسين بالحوش
ام السيف:- سياف ياولدي مارديت لي بالموضوع
سياف :- يمه انا اسخترت كثير وانا مرتاح لها ورأيي من رايك
ام السيف بفرح :-اللهم لك الحمد بيجي اليوم اللي ازفك فيه
السيف :- يمه خلي زواجي انا وياه مع بعض
ام السيف:- المها خلصت دراستها ولا ميعاد توها
سياف:- يمه انا مستعجل ودي هالسنه اكون قضيت
السيف بضيق :- وكلمي ميعاد يمكن يهديها ربي
ام السيف بفرح :- يارب توفقكم وتتمم فرحتي فيكم

ابو السيف:- والله وخذيتو حفيدات ابو سطام رفيق عمري والله ان جوني ضايقين منكم ل اكسر العصا عليكم
ضحكو السيف وسياف من تهديد ابوهم وغمزت ام السيف وقالت :- عيالكم قلوبهم خضرا ع حفيدات ابو سطام

الساعه 12 اخر الليل كانو مجتمعين حوالين النار ومبسوطين والجده تسولف وتعلمهم قصه حبها مع ابو سطام وكيف انها اخذها رغم تعقيدات اهلها ابستمت ام سطام بحنيه ونطقت:- عساني ما اعيش بدنياء ما انت فيها يبو سطام
ابو سطام وهو حاس ببدايه التعب :- الله يطول بعمرك يا اعظم مافزت به بذا الدنياء
ابتسمو كلهم وهو يشوفون هذا الحُب اللي صار له 50 سنه ولا تغير ربو وكبرو على هذي المحبه

اتجهوا لغرفهم ينامون وراهم يوم حافل بالفعاليات

الساعه 3 الفجر ابو سطام ماقدر يتحمل التعب ونادا محمد بتعب فزت ام سطام ونطقت بخوف :- يبو سطام عسى ماشر وشفيك ؟
ابو سطام بتعب:- نادي لي محمد ناديه
ام سطام اتجهت لمحمد تناديه بدموع وهي تشوف تعب ابو سطام :- محمد ياوليدي ابوك تعبان ينادي عليك قم
محمد فز واتجه للغرفه وهو يخاف على ابوه ودايم يدعي ربي انه مايشوف فيه ضر او مكروه:- يبه علامك وش فيك وش تحس به تكفى يايبه لاتفجعني عليك
ابو سطام بتعب:- ودني المستشفى ولا تخافون الضغط مرتفع بس
محمد فز وراح ينادي اخوانه وصحو كلهم بخوف وحزن
بالسياره كانو كلهم حوالين الجد وخايفين يكون صار فيه شي او هذا التعب يكون سبب موته وفقدانهم له مسح محمد دموعه اللي ملت عيونه ونطق :- يبه انت بخير ؟
ماسمع رد من ابو سطام ولاحظ انه غفى وهذا الشي سببب الرعب بقلبه نطق بخوف:- ابوي ابوي اسرعو للمستشفى
سطام اللي اسرع بكل قوته يتجاهل صراخ محمد ودموعه اللي سببت توتر ل اخوانه
محمد:- تكفى ياسطام استعجل ابوي بيروح

عند المستشفى نزلو كلهم بخوف وتوتر شايلين ابو سطام اللي ماكان حاس فيهم ابداً
سطام بخوف: وهو يشرح للدكتور وضع ابوه وكيف انه تعب بدون اي مقدمات
دخل الدكتور واخذ ابو سطام معه وقفل الباب وطلب منهم ينتظرون هنا لين ما يكشفون على ابو سطام ويعرفون وش فيه

في المزرعه عند ام سطام وبناتها كانو يبكون والحزن ملى المكان وام سطام تحاول تهديهم لكن عجزت
ميعاد بدموع وضيق :- يمه تكفين هو بخير صح؟
ليلى تنهدت بضيق:- آن شاءالله يابنيتي
سلطانه:- يارب عافه ولا تورينا فيه ضر ولا مكروه برحمتك يارحم الراحمين
غاليه :- بصراخ ابوي مابيصير فيه شي هو بخير لت تبكون مافيه شي هو قويه ويتحمل
حضنتها ام سطام وبدت تقرا عليها لان غاليه متربيه على يد ابو سطام ودائماً تخاف من الموت يمره وهذا كابوسها

الساعه 3 الفجر طلع الدكتور ووجه مايبشر بالخير وقال :- ابوكم تعرض لجلطه بالقلب وهو حالياً في غيبوبه وتحت رحمة الله ادعوله
محمد بدموع:- تكفى يادكتور لاتقول هذا الكلام
الدكتور:- الدموع هذي ماراح تفيده ادعوله وبس واللحين تقدرون ترجعون لبيوتكم ممنوع الزياره
سطام بضيق:- وش اسبابها يادكتور ؟
الدكتور:- ممكن متعرض لبرد قوي للحين ماعرفنا السبب
تنهدو بضيق وهم كيف يصارحون ام سطام وخواتهم اللي متعلقين ب ابوهم وماراح يتحملون هذا الكلام
سطام :- يالله نروح للمزرعه ناخذ الاهل والصباح نرجع لابوي
محمد بحزن:- بقعد هنا ماراح اطلع اي مكان
سالم:- يامحمد وقفتك هذي ماراح تفيد بشي ارجع وارتاح
محمد:- ارجعوا انتو انا ماراح ارجع واخلي ابوي لحاله
سطام:- امي محد يقدر يعلمها غيرك!
محمد:- تكفى ياسطام مقدر اواجه امي تكفى
سالم:- امي تحتاجك وبتفهم منك انت اكثر امش يامحمد
طلعو من المستشفى بحزن وضيق وتعب واتجهو للمزرعه وصلو ونزلو وعلامات الضيق والكدر فيهم
ام سطام بدموع:- تكفى ياسطام لا تفجعني ب ابوك
سطام تنهد ونطق:- ابوي في غيبوبه ويحتاج دعواتكم
طاحت ليلى عليهم وهي ماتتحمل هذا الكلام ب ابوها
ميعاد بدموع:- تكفى ياخال قل غير هذا الكلام تكفى
سطام وهو يحضن ليلى :- ابوي يحتاج دعواتكم مايبي هالدموع خلاص وجهزو اغراضكم بنرجع الديره
رجعو البيت بكل ضيق وحزن وخوف كانت هذيك الليله اسوء نومه ينامونها