رواية يردك أصلك و مرباك لو وقتك تردا

الـــــبـــــ( ٣١ )ـــــارت

سرحت في شكل الـدنيا في هذا الوقت , منظر عجيب حتى لو المكان سيء
يخليك تسرح في خلق  الله وتدبيره  تفكر  وتتأمل  بعظمة خلقه ..
ناظرت في الـشمس  اللي بتطلع بعد الظلام
الـشروق دايم يذكرها بـ النصر .. لانه دايم يثبت لها أن الـنور دايم يطلع من بعد
الـظلام و اذا طلع يكون نوره قوي  ساطع الـكل يناظره ويحس بنوره  و اللي
يرفع عينه فيه  توجعه عيونه  الـحق هو الـشمس  والـظلم هو الـظلام... هذي
قناعتها الـدايمه .. قطع تاملها صوته من وراءها
ماشاء الله شكلك تحب تصحى بدري ي عازف
العزوف بصوت ضخم: ايه احب اناظر شروق الشمس وابوي دايم يقول الارزاق تتوزع معا شرقت الشمس وكلن ينتظر رزقه
قرب شاجع: وجلس على صخره مرتفعه شوي قدام العزوف ونطق وين ابوك وكيف انت واخوك الصغير بهالصحاري ومحد سئل عنكم
العزوف رفعت حاجبها :لايكون عشاني عطيتك وجه تصير تسئلني اسمع ي شاجع انت مالك دخل بحياتي انا واخوي وحن مالنا دخل فيك انت راعي حق الحلال وحن الي ساعدناك ولادق الميانه يالطيب وقامت وعطته ظهرها وقفها سواله الي اربكها
شاجع: وانت ليش خايف اني اعرف شي عنكم وليش تبني حواجز ودفاع بيني وبينك بعكس اخوك صقر لو منت برجال كان قلت من حقك تخاف بس الرجال مايخاف من شي
العزوف: بعصبيه رجعت طالعت فيه ومن قال لك اني خايف منك بس لاتدخل بشي مايعنيك واذا صقر طيب وعلي النيه انا ادري ان البشر وحوش وماهو لازم نثق فيهم بسرعه وانت ماندري ويش مصيبتك الي مسويه وشارد منها وعطته نظره كان صقر توه صاحي وسمع صوت براء وماسك ابريق الماء. وناظرهم: وبعدين معكم مصار لكم الا ايام معا بعض وكانكم بزران تري طفشت منكم
شاجع: حط ايده في جيبه وهز كتوفه: مدري عن اخوك ليه حاقد علينا ومشى من جنبها
العزوف: ياثقل دمكم مسوي مسكين
صقر: عازف امش معي ابيك
العزوف: بدخل ازين لنا الزاد
صقر: ماهو ذلحين تعال معي نمشي شوي
شاجع: روحو انا بخلص الزاد والقهوه
العزوف: مشكور مالك امان تحط لنا سم والا شي مانقدر نسلمك ارواحنا
صقر: وصلت معه اقسم بجلال الله حرف واحد لا اثور فيك ورفع الرشاش امش قدامي وناظر شاجع الي ماسك الضحكه من عصبية صقر.
صقر: ناظر شاجع لاتشره عليه لسانه طويل ومايعرف يوزن كلامه
شاجع: ولايهمك ماينشره عليه وناظر في العزوف من فوق لتحت وماحس الا بالحصى الي جاه من كل مكان رفع ايده على وجه :والله بزر مو رجال صقر امسك اخوك لا اجرم فيه
صقر: سحب العزوف الي تنرفزت ماحسبت حساب لحركاتها وخلو شاجع وراهم
صقر: حط ايده علي خصره وبعدين معش يعني تفكرين بلبسش للشماغ والثوب كافي وهذا اسلوبش
العزوف: تحاول تهدي عصبيتها ماقدرت امسك حالي ينرفز ياخي ينرفز وتضرب رجولها بالارض
صقر: اذا استمريتي كذا كلها يومين ورفع اصابعه ويعرف انش بنت
العزوف: لعنه تلعنه ويش علي فيه ليه جبت ذي المصيبه على روسنا ويش الي جبرنا علمني
صقر: شي صار وانتهى انتي خليك عاقله وحاول تكتمين عصبيتك الي بتجيب نهايتك ولسانك الطويل الي يبي له قص
العزوف:ايش فيك قلبت علي حتى انت ترى انا اكبر منك لاتنسى
الصقر: ليتش كبيرة عقل والا مالعمر ماهو الا رقم ماهو مقياس
العزوف: بعصبيه ايش تقصد انت ورجعت مسكت الحصى وبدت ترمي عليه وما شافت الا غباره وهو ميت ضحك علي نرفزتها
العزوف: حطت يدها علي راسها ناقصني مجانين ابتلشت فيهم ياربي انا ايش سويت بذي الحياه تعاقبني بهالاثنين