رواية يردك أصلك و مرباك لو وقتك تردا

الـــــبـــــ( ٤٣ )ـــــارت

طلع وجلس على رصيف الي قريب من باب البيت وبجنبه اليمين موقف سيارتها تحت مظله صغيره تحميها من حرارة الشمس اشعل سجاره الي بين اصابعه وبدء يدخن بكل هدوء يحاول يطفي الغضب الي بداخله بعد حركتها وصدها منه ويناظر الرايح والجاي لفت انتباه الشخص الي جالس بسيارته واخذ فتره يناظر فيه عدت دقايق والشخص ما اعطى اي حركه مسك الزقاره ورماهاعند رجوله وقف وداس عليها واتجه بخطواته ناحية السياره دق الشباك وبعد الدقه الثالثه
كان ساجي نايم بسياره من بعد سهرته امس فتح عيونه وبضيق من الحر والكتمه الي يحس فيها وهو مسكر عليه السياره ومع حرارة الشمس وقت الظهر مسح العرق الي نازل على وجه وفتح الشباك ويالله يفتح عيونه من قوة الشمس هبت عليه هواء بارده لما نزل القزاز وبصوت رايح من النوم: ويش تبي انت؟؟
ذياب وعلامات الاستفهام فوق راسه: ليش نايم هنا وبذء الحر
ساجي مايحب يتكلم اول مايصحى من النوم وبطفش :ويش عليك انام هنا اوهناك لايكون نايم بسيارة ابوك
ذياب شاك ان وراه مصيبه ومبين من شكله من اول ما شافه يعرف الناس الصاحيه والي مو صاحيه من باب خبرته وشغله كان يبي يمشي ويتجاهل ساجي لانه مب رايق له ومايبي يطلع حرت منار فيه بس وقف لما وصلته كلماته
ساجي نازل من سياره وحاط الشماغ على كتفه وشعره مبهذل وازارير ثوبه العلويه مفكوكه: سمعت انك صرت جارنا بس تعرف ويش الغريب انك معروف يالضابط ذياب بالخير الي عندك سكر باب السياره ورفع حواجبه وكمل كلامه ويش جايبك بالحي حقنا الفقير لايكون ابوك قاطع عليك المصروف ، سبقته قهقه ساخره!
ذياب حاط ايدينه بجيوب ثوبه الابيض التفت صوبه وناظر فيه بنظره اربكت ساجي ميل شفايفه وبصوت عالي: ليش مضايقك وجودي ولا خايف من شي وماتبيني اعرفه
ساجي ارتبك وحاول مايبين ارتباكه مشى من جنبه  ويحاول انه يثبت خطواته
ذياب بشبه ابتسامه: ايش فيك سكت وبلعت لسانك
ساجي يتهرب:ماني رايق لك تطبق شغلك عندي وتستجوب
ذياب بقهقه مغصوبه: زين زين يصير خير ومشى ودخل البيت حقه وقفل الباب بقوه
ساجي ناظر بالباب الي دخل منه ذياب :لازم اطلع من ذي المصيبه قبل ينفضح المستتور لان مبين ولد عايد ماجاء هنا الا وراه مصيبه قطع تفكيره صوت شام الي توها نازله من الباص ومتجه للبيت
شام: شوبك سرحان وتهوجس بدء الحر
ساجي مشى قدامها وبهمس ولاشي
دخلو البيت وقفلت شام باب الحوش وناظرت ساجي: بدك اعمل غداء الك
ساجي يفصخ نعاله عند باب غرفته :لا ما ابي بكمل نومتي صحيني قبل المغرب عندي شغل لازم اسويه
شام: تمام ودخلت البيت تدور للنوم ماتبي اكل ولاشي وماتحب تاكل لوحدها
• • • • • • • • • • • • • • • • • • • • • • • • • • • • • • • • • •

انــتــهـى الــبــارت
تـــفـــاعـــل*تـــعــلــيــق اذا تــبــون بــارتــات اكــثــر انــتـو كــريــمــيـن وانــا اســتـاهــل

♡ ㅤ  ⎙ㅤ  ⌲ 
ˡᶦᵏᵉ    ˢᵃᵛᵉ   ˢʰᵃʳᵉ