رواية يردك أصلك و مرباك لو وقتك تردا

الـــــبـــــ( ٣٥ )ـــــارت

جالسه وسانده ظهرها علي الصخور الي  تحاوط المغاره وتناظر فوق
وبهمس مسموع: سبحان الله كيف الله حط هالمكان بـ هالجبال وصار لنا مسكن وامان بهالصحاري
صقر: سبحان ربي والله ماينسى عبده يخيتي بس الي نسويه بالمسكين مايرضى الله حن ربي ستر علينا وهو حاله من حالنا وانتي قلبك مقسيته  الرجال من طلعت الضوء وهو مقابل الحلال وانا طفشت من الجلسه كاني حرمه
العزوف: بعصبيه اقول لايكثر هرجك ماوصلنا لها المكان الا. من طيبة قلوبنا لما وثقنا بالحقير مرعي الي سنين ياكل من خيرنا وبيوم جحد طيبنا وفقدنا العذوب الي ماندري وين ارضها وورفعت يدها بتهديد وتبيني اثق بواحد ما ادري ويش علته تبطي ي صقر واذا ما مشيت بشوري والي رفع سبع انك معاد تشوف وجهي
صقر: اسند ظهره علي المركي وحط ايده وراء راسه: معاد بقول كلمه بس تحملي العواقب وانا ببقى اتفرج (اناظر) واشوف نهايه معش طال عمرش
العزوف: قامت وناظرت فيه الهرج وسمعته والحين قوم تجهز لصلاتك وقابل ربك مابينفعك غير صلاتك
صقر: تونا علي المغرب وشاجع للحين مارد
العزوف: بستين لعنه احسن ويش فاقد وجع الراس والغثه استغفر الله
صقر: كاتم ضحكته وبشبه ابتسامه مبين حاقده وبقوه الله يعينك على نفسش صدق حريم
العزوف: عطته ظهرها وخذت لها طاسه ومشت تبي تطلع
صقر :وين تبين
العزوف: ابي اخذ ماء من البير الي تحت قببل تغيب الشمس ويجي الظلام لان مابقى هنا شي ونبي نزين العشاء
صقر: سحب السلاح الي جنبه وقام خليه انا بنزل اجيبه واشوف اذا لمحت زول شاجع وانتي جيبي من الحطب الي عند باب المغاره واشعليه
العزوف: تعرف اني معرف اشعلها واخاف من النار
صقر: حاولي تعتمدي علي نفسك تخيلي بيوم تصحين وتلقين نفسش لحالش ولاتنسين ان ابوي معلمك علي كل شي رجعت على شبت النار ي بنت كايد وسحب منها الطاسه وعطاها ظهره وطلع وعلي فمه شبه ابتسامه يعرف اخته انها تحب الهياط وان كلامه وصلها للسماء
اما هي نفخت ريشها وبدت تجمع الحطب والنار ماتعرف لها بس كلام صقر رفع هرمون الهياط عندها ودقت الصدر وذكر اسم ابوها كان كفيل يحمسها
اما عند صقر الي حاط سلاحه على ظهره والطاسه بيده وينزل الجبل الي طلوعه صعب ونزوله سهل كان شاجع توه موصل الحلال ومبين عليه التعب ولون وجه صاير مايل للسمار رغم ان بشرته ماهي ذاك البياض حنطيه والي يميزه كثافة رموشه الي معطيه عيونه شكل يخلي الواحد مايمل من النظر فيها حط الحلال بشبك مضبطه صقر بيده. قرب صقر من شاجع: يعطيك العافيه
شاجع بصوت تعبان: الله يعافيك ويمسح عرقه بشماغه
صقر :ليه ما اخذت الخيل معك ليه تعاند كلامي
شاجع: وهو رفض بعد كلام العزوف الي هي عازف بنسبه لشاجع لما رفضت تعطيه خيل العذوب وماتبي احد يلمسه قرب من البئر وبدا يسحب الدلو يبي يغسل وبصوت تعبان (مايحتاج انا احب امشي والخيل خلها ترتاح)
صقر: قرب سحب الدلو من يد شاجع وبداء يصب عليه وشاجع بدا يغسل ويتوضى (ادري ان سبب رفضك كلام عازف بس اقولها لك عازف قلبه طيب بس تصرفاته شرانيه شويات)
شاجع ابتسم: شويات اجل ومسح وجه بعد ماخلص الوضوء وناظر صقر (معليك كلها مسالة وقت وبخلي له المكان يصبر علينا بس انا بطلع استريح قبل الصلاه)
صقر: ما اعجبه رد شاجع بس مايلومه علي قساوة اخته وهز راسه (اطلع انت انا بربط الخيل وباخذ الماء )
شاجع: طلع الجبل اما العزوف باقي بمحاولة اشعال النار
العزوف: ماسكه الحجر بيدها وتحاول تحركه معا بعض ايش فيه هذا مايشتغل اذكر صقر يسوي كذا وبدت تضربها بعض بشكل اقوى وماحست بالشخص الي واقف وراها مستند علي فتحت المغاره ويناظر في محاولتها وحركاتها. فز شاجع من سرحانه لما ضربت بالحجر الي بيدها في حجر المغاره وبطفش: لعنه مو نار ويش اسوي
شاجع ابتسم: وقرب واخذ الحجار الي رمتها  وهي فزت اول ما شافته نزل ياخذ الحجاره وبعصبيه: انت من متى هنا
شاجع: تجاهل كلامها وقرب وجلس قريب منها عند النار كانت واقفه وهو جالس تحت وقريب من رجولها وخايفه من قربه منها
شاجع: بدا بحركه خفيفه يضرب الحجار بعضه.  واشعل النار  وقام وحط عينه بعينها وسحب يدها وحط الحجار بيدها
(كذا الناس تولع النار مايجي كل شي بالعصبيه ي عازف) وسحب نفسه من المكان وجلس علي الفرشه الي كان عليها صقر  وحط ايده تحت راسه والشماغ علي وجه كان محتاج يمد جسمه شوي من التعب من الصبح اما هي تجمدت عن الحركه بعد قربه منها وتحس قلبها طبول من الخوف وبعتاب لنفسها: ليش خليتيه يمسك يدك ليش تجمدتي عن الحركه ليه انتي مو ضعيفه وبحركه سريعه رمت بالحجر الي بيدها صوبه فز من قوة الضربه الي جات براسهه بدال ما كان منسدح صار جالس ومسك راسه صقر الي دخل على حركت اخته وكتم ضحكته من شكل شاجع
شاجع التفت صوبها وهو ماسك راسه وبعصبيه: جعل يدك الكسر يالبزر
العزوف: حركاتك وفزعاتك ومسوي فيها القوي لا اشوفها عندي انت راس مالك راعي وريحتك تقرف قوم بدل. المغاره كلها خايسه من ريحتك بدال الفزعه تصدق علي حالك وتسبح لك بمويه
صقر: رغم ان حركت اخته تضحك بس تنرفز من كلامها وبصراخ عازف وبعدين معاك
العزوف حطت يدها علي خصرها: ويش قلت انا قلت يبدل وبنعطيه من الملابس الي عندنا والي يتوصخ يغسله كيف تبي اعيش معا انسان معفن
شاجع قام من مكانه وباقي محل ضربه يوجعه وقرب من العزوف: ورفع اصبعه بتهديد تري انا صبرت علي طولت لسانك. بس الصبر له حد وانا رجال ما ارضى بالمهانه واذا عديت شي عديته لان ما ابي احط راسي براس بزر وحركاته انثويه واشر علي يدها الي علي خصرها وب اسلوب مستفز قلنا الصوت خلقت الله بس الاسلوب والاطباع تعتمد علي الشخص نفسه وانت مافيك شي من الرجوله ما اشوف الا الهمجيه
العزوف: بعصبيه ونرفزه الحين اعلمك من الي همجي وقربت من اخوها وسحبت الطاسه وطشيها بوجه
شاجع: انصدم من حركتها فتح عيونه بقوه اما هي هجت واحتمت وراء اخوها
شاجع: ابو صالح صدق وهجم عليها والضغط عنده فل بس وقفته يد صقر الي يترجاه :تكفى ي شاجع امسحها بوجهي ذي المره طلبتك يخوي توي قلت لك لاتشره عليه
العزوف: ضربت كتف صقر لاتشره علي منو ويش شايفني انت وهو
صقر: البخ (اسكت) لا افكه عليك واشوف لسان حقك وين يروح
شاجع: ناظر صقر الي يناظره برجاء وناظر العزوف بحقد وسحب نفسه من المكان وطلع يصلي المغرب في الوادي الي تحت الجبل
اما صقر التفت للعزوف الي واقفه وراه مسك اذونها وسحبها صوبه وبقهر: انا ويش قلت لش كم مره عدت كلامي نعنابيش بتجيبين نهايتش بيدش
العزوف: تمسك يد اخوها اخخخ يعور فك اذوني بعدين هو الي بدا ليش يشعل النار عني وبعدين محب الناس القذرين بحياتي
صقر بعصبيه: شوفي اذا سمعت حسك بوجود شاجع ذبحتش والله يالعزوف
العزوف: بلا مبالاه اقول وخر زين خل اصلي الصلاه قبل تروح علي ودفته بشويش

• • • • • • • • • • • • • • • • • • • • • • • • • • • • • • • • • •

انــتــهـى الــبــارت
تـــفـــاعـــل*تـــعــلــيــق اذا تــبــون بــارتــات اكــثــر انــتـو كــريــمــيـن وانــا اســتـاهــل

♡ ㅤ  ⎙ㅤ  ⌲ 
ˡᶦᵏᵉ    ˢᵃᵛᵉ   ˢʰᵃʳᵉ