رواية يردك أصلك و مرباك لو وقتك تردا

الـــــبـــــ( ٥٥ )ـــــارت

رجع ظهره ويحاول يضبط اعصابه وبصوت حاد مشدود منهو كايد الي يحمل نفس اسمك واسم عمتي معقوله عندنا عم وانتو مخبين عنا هذا الشي واكيد فيه اسباب
جمايل ناظرت عايد الي منزل راسه ويلعب باصابع يده بتوتر وبصوت تحاول تبعد التهم عنهم: تشابه اسماء يعني مافيه بهالعالم الا اسم ابوي ولاتنسى الناس مبين انهم في الجنوب تشابه اسماء
ذياب ابتسم نص ابتسامه :اها طيب نقول تشابه اسماء انتو ي عمه من اهل الجنوب لاتنسين ؛ وبعصبيه الي قدامش رجال ماني بزر تلعبين علي عقله ويصدقش صد عنها وناظر ابوه ها ي ابو ذياب ويش ردك على الهرج كله
عايد حاول ياخذ نفس اكثر من مره ويستعد للمواجه :وينهي بنت كايد
ذياب: مراح تعرف عنها اي شي لين اعرف منهو كايد ويش بينك وبينه انت وعمتي
جمايل رمت الاوراق بعصبيه: وانت ويش عليك بالهرج كله ويش تبي لو كان كايد اخونا انت يالبزر جاي تحاسبنا طالت وشمخت والله
ذياب معاد قدر يصيطر علي نفسه وضرب ايده على الكرسي الي جالس عليه وبصراخ هز أركان المجلس:تراني ساكت عنش احترام لكبر سنش ول ابوي تسمعين ولاتفكرين ان توترك غاب عني انتو وراكم سالفة كايده ام ذياب بزعل: ذيـــاب وغمضت عيونها بصبر
ذياب بصراخ: ويش ذياب يمه شوفي كلامها عني
عايد ضرب بعصاه الارض والتفتو كلهم صوبه: ما ابغا كلمه من واحد فيكم تسمعون واسمع ي ذياب انا بعطيك العلم كله بس اليوم ابغا اشوف عيال كايد
ذياب: ابشر وعلى خشمي فيه وحده هنا وفاقده الذاكره  ام الباقين ماندري وين ديارهم
عايد بزعل علي حال عيال اخوه:اسمعو الكلام الي بقوله يندفن بذا المكان
جمايل انقلب لونها وبخوف مسكت يد عايد ونظراتها كفيله تبين له رجاها اشر لها بعيونه ونزلت يدها بهدوء
عايد: حن كنا ثلاثه كايد وعايد وجمايل وعايشين في صحاري الجنوب لين توفو ابوي وامي وبعده قررنا انا وجمايل نروح لمدينه ونستثمر لنا اي شغل اما كايد رفض وتهاوشنا علي جمايل كل واحد يبيها تكون معهم وكل واحد يقول مصلحتها عندي وبعدها صارت مشكله بينا وزعل ورحنا للشمال وكايد بقى في الجنوب ومن بعدها معاد سمعنا اخبار بعض وانقطعنا وهذي كل السالفه
ذياب بشك: وامي تدري والتفت ل امه وهي هزت راسها اردف وكمل كلامه ودام السالفه سهل كذا ليه خبيتوها عنا
عايد: لان ماله داعي نذكرها ويش الفايده وناظر جمايل الي مبين الراحه بملامحه بعكس قبل ثواني وابتسمت له ابتسامه خفيفه اما ذياب الي ماهو مقتنع بالكلام ومبين ان فيه شي اكبر وبفكره ذكيه نطق: طيب دام السالفه كذا العذوب بجيبها تجلس بين اهلها وفي بيت عمها ورفع حواجبه وناظر عمته الي نظرتها كانت كفيله تخليه يتاكد من الشي الي شاك فيه
عايد: وانا راضي تعيش عندنا ولا عند الغريب
جمايل بصدمه: تبي تجيب بنت كايد تعيش هنا
عايد تجاهل سوالها وناظر ذياب اليوم تجيبها وتجيب منار بعد
ذياب: بخصوص منار زوجتي وكيفي اما العذوب القرار راجع لها وخصوص ان وضعها حساس هالفترة وفاقده الذاكره وسحب الاورق الي علي طاوله واتجه للباب وطلع ولحقته ام ذياب
جمايل بصراخ: انت صاحي تبي تقرب المصيبه لنا ي مجنون
عايد بنفس مستوى صوتها: ما انتبهتي ل نظرات ذياب وشكه من تصرفاتك لو رفضت كان شك فينا اكثر واكثر وبعدين الي بينا محد يعرفه الا ثلاث اشخاص ليه خايفه
جمايل بخوف: لان الشخص الثالث ماله امان وهذا خوفي
عايد بصبر :والشخص الثالث ويش عرفه بعيال كايد لازم تضبطين اعصابك والا كذا بتجيبي العيد فينا ومسح علي وجه بتعب