رواية يردك أصلك و مرباك لو وقتك تردا

الـــــبـــــ( ٣٢ )ـــــارت

جالسين على طاولة الفطور
يارا من أول ماجلست وهي هواش معه على صحن القشطة إللي مخليه قدامه:يمه خليه يعطيني القشطه لا اقوم ادوس بطنه مو رايقه له
ام ذياب بطفش تدري اذا بدو مافي شئ يهجدهم:نويصر رد الصحن عندها
ناصر والقمه بفمه وحاط يده على الصحن باستولى؛ ي جده كذابه ماهي تحب القشطه بس تبيها لاني احبها عناد لي
عايد ضربه علي راسه ومنقرف من حركته:ماتعرف اداب الطعام
ناصر رفع يده ومسك راسه وناظر جده بضياع والم خفيف:ويش سويت انا
عايد بقرف ويشوف بقايا القشطة بطرف فمه:لاتتكلم والزاد بفمك امضغه بعدين اهرج بس من وين تعرف الصح والخطا وابوك هايت لارباك ولا انتبه لك
ام ذياب بتحسس:ليش ويش فيها تربيتي ي عايد
عايد بصدق كلامه يمسك بيالة الشاي وياخذ منها رشفه ؛ماجبت طاريك ومن تكلم عنش
ام ذياب رفعت حاجبها:ليش ناصر من الي مربيه
عايد :ماقصدي ي بنت الحلال بس ولدش قلبي ماهو راضي عليه
ام ذياب بعصبيه: ما اعتقد ولدي سوا شي بس انت تكبر المواضيع وعلى اخر كلمه نطقتها ويارا وناصر يتهاوشون دخلت عتاب ومعاها مادلين
مادلين:صباح الفل عليكم
عتاب بهمس سلمت
عايد يناظر ساعته :وكانك صرتي تتاخري علي المواعيد ي مادلين
مادلين: اعذرني ياسيدي بس عجت السير
ام ذياب: معذوره معليك منه وناظرت عتاب اطلعي صحي تركي ونظفي غرفته وطلعي له الفطور
عتاب هزت راسها:ان شاء الله الحين بطلع قبل تمشي شرقت يارا بالعصير
ام ذياب دقت ظهر بنتها: صحه يمه ويش فيك
يارا: بشك اسم شغالة اخوي بنفس اسم وحده كانت معاي بالصف ونفس نبرت صوتها بس قالو نقلة لمدرسه ثانيه
مادلين بخوف: يخلق من الشبه اربعين وعادي كله اسم يعني مافيه مليون يارا متلك ي البي
يارا: بغرور بس مافيه مثل يارا بنت عايد
ناصر: ياشين الثقه من زينك ي وجه الفيش وانفجر ضحك لما قامت يارا بالملعقه
عتاب: تجاهلتهم وعرفت يارا من ثاني يوم لها بالقصر بس ماحبت تحتك معاها وطلعت فوق فتحت باب الغرفه الي منتشر فيها الظلام وهبة عليها نسمة هواء بارده من التكيف وريحة عطره منتشره بالغرفه. كان باقي كلام العذوب براسها وزرع فيها الخوف بيد ترجف ضغطت على زر الاضاءه وشغلتها كان متمدد على السرير مشت بخطوات بطيئه ومتردده بس كانت تحمس نفسها انه مايقدر يسوي لها شي بس انفجعت من الشي الي شافته وشهقت بصوت مسموع وحطت يدها على فمها من منظر رجله الي طالعه ماهو مغطيها شي ومنظر الحروق الي كان بنسبه لعتاب مقرف صحاها من تاملها صرخته وحط المفرش على رجوله وعرف انها شافتها وهذا الشي الي كان يخجل منه حتى اهله يرفض دخول احد عليه وقت يبدل او يطر يطلع رجوله
تركى بعصبيه وبصراخ: انقلعي برا
عتاب فزت بخوف: بس امك قالت قطع كلامها لما بدا ياخذ اي شي قريب منه ويرميه عليها ويصارخ بثلاث كلمات ويرددهم ، انقلعي برا ماتسعمين ، من صوته العالي كل الي بالبيت انصدمو من الصوت وطلعو فوق غرفته
ام ذياب: اسم الله على ولدي وفتحت الباب بقوه ومنظر عتاب وهي تحاول تتفاد ضربات تركي بخوف ايش فيكم كانت تبي تقرب لولدها وراها يارا وناصر ومادلين
تركي بعصبيه: اطلعو براء تسمعون
ام ذياب ناظرت عتاب بعصبية :ايش سويتي في ولدي حسبي عليك
عتاب: من الخوف والدمعه بعينها ماقدرت تنطق شي ناظرت في تركي بنظره مكسوره وطلعت من عندهم ومشت وراها مادلين
ام ذياب: بحنان يمه تركي
تركي يهدي نفسه ويتنفس بقوه ومنزل راسه: اطلعو يمه
ام ذياب تعرف ولدها اذا عصب مايبغى احد يضغط عليه لجل كذا ناظرت يارا وناصر وهزت راسها وسحبتهم معها
بالحديقه تحت جالسه وسانده راسها على رجولها
مادلين: شو صار ليش هو عمل هيك شو حكيتي معو احكي لي دخيل الله وأفتي لي البي
عتاب: صاده عنها وتفكر بالشخص الي فوق وصلها صراخ ام ذياب ومعاها يارا
ام ذياب بقهر وشك:قولي ايش سويتي بولدي تركي اعرفه مايسوي كذا الا من شي كبير
يارا :مايلام اخوي اكيد صحى من النوم وشاف هالشيفه قدامه وزاغ عقله
عتاب: بصوت فيه غصه والله ي خالتي ماسويت شي دخلت الغرفه وماكملت كلامها لما تذكرت منظر رجوله والجلد المتجعد كان منظر مخيف مقرف بالنسبه لها وتتسال وش سببه وليه صارخ وانفعل لهدرجه منظر رجوله يعتبره سر مايبغى احد يدري عنه ، تنهدت بتفكير ؟ بس آنا ماكنت أدري
ام ذياب: ايه وبعدين ويش انطقي حسبى الله
مادلين بدفاع عن عتاب: مابيصير هيك ي مها انتي بتعرفي انو اي حد بيجي من طرفي مابيعمل شي وهيك انتي بتكوني شاكه في ليش تتحسبي علي البنت مابيصير يعيب الشوم ومشت. مادلين زعلانه وناظرت عتاب خليني اوصلك علي بيتك وارجع
قامت عتاب: وهي تحاول تمسك الدمعه ماتعودت احد يعاملها بهالقساوه والصراخ ومشت معا مادلين الي ام ذياب تمشي وراها وتحاول تعتذر لان مادلين بنسبه لمها صديقه واخت من سنين وهي معاها وكانت لها السند وستر لبيتها وماترضي بزعلها ركبت مادلين ومعاها عتاب الي من طلعو من القصر والصمت مخيم عليها ومادلين ماحبت تضغط عليها وفضلت السكوت
• • • • • • • • • • • • • • • • • • • • • • • • • • • • • • • • • •

انــتــهـى الــبــارت
تـــفـــاعـــل*تـــعــلــيــق اذا تــبــون بــارتــات اكــثــر انــتـو كــريــمــيـن وانــا اســتـاهــل

♡ ㅤ  ⎙ㅤ  ⌲ 
ˡᶦᵏᵉ    ˢᵃᵛᵉ   ˢʰᵃʳᵉ