رواية يردك أصلك و مرباك لو وقتك تردا

الـــــبـــــ( ٣٩ )ـــــارت

بعد ماعدلت المكياج حطت الشنطه بيد مادلين وطلعت من الحمام واتجهت صوب الغرفه مسكت مقبض الباب ودفته بعجله تجمدت بمكانها من المنظر وطلعت شهقه خفيفه من شفايفهآ ورفعت يدها وحطته على فمها الصغير بصدمه تقدمت بخطوات بطيئه ودخلت رجولها بين كومة الملابس الي فوق بعضها ومنتشره بالغرفه واقل مايقال عنها خرابه مو غرفه واتجهت انظارها بصدمه لسرير الي مرمي عليه كيسات الشبسات والاكواب وبعض الصحون الي مبين لها يومين والاكل مبطي فيها قربت بقرف ورفعت صحن فيه بقايا مكرونه وقربته من خشمها رمته بسرعه لما وصلها ريحه العفن ومبين االاكل له فتره ضغط بشفايفها بقوه وبعصبيه: حسبي الله ونعم الوكيل ويش ذي الغرفه كيف قادر يعيش فيها هالمجنون وامه الي الخدم تارسين البيت ليش ما نظفوها. قطع تفكيرها فتحت الباب التفت وهي غارقه بين الملابس الي مغطيه رجولها
مادلين: بصدمه شو صاير بالمكان
عتاب:حطت يدها علي خصرها وتاشر باليد الثانيه على الغرفه شو صاير شوفي الناس الي تمدحي فيهن قديش هم ناس قذرين وادري الحقير انه قاصد هالحركه بس يصير خير
مادلين: راح اخلي احد الخدمه يجي يساعدك والتفت تبي تطلع
عتاب بعصبيه: مشكوره ما ابي احد اقدر اعتمد علي نفسي
مادلين: متل مابدك ليش معصبه علي ماعملت لك اشي
عتاب :المهم ويش تبين ليش جايه
مادلين: رفعت يدها الي ماسكه فيها جوال عتاب هذا موبايلك نسيتي بالحمام
عتاب: تاشر علي الطاوله الي قريبه من الباب خلاص حطيه علي طاوله
مادلين حطت الجوال وطلعت اما عتاب شمرت اكمام بلوزتها وبدت ترتيب بالملابس ولمت الزباله من المكان وبدت تكنس وتمسح البلاط بعد نص ساعه خلصت شغلها واخذت الصحون الي معفن فيها الاكل ونزلت الدرج وكان البيت هادي مره مبين الكل طالع نزلت ودخلت المطبخ وحطت الصحون كانو العاملات كل وحده ملتهيه بشغلها دخل ناصر الي مبين مبسوط ويتبعه خلف كانت معطيه الباب ظهرها وتاكل من الفواكه الي علي طاوله اول ما التفت لجهة الباب واسندت ظهرها على طاوله وقفت لقمه بنص بلعومها لما صرخ خلف ناصر ضربه علي راسه: وجع ليش تصرخ اذوني انفجرت
خلف: خفت من المهرج واشر علي عتاب ويسمي بصوت خفيفه
عتاب: تحاول تبلع القمه بعد ما روعها وبعد محاولات انبلعت وشربت ماي
ناصر دخل يقلب بثلاجه ويشرب عصير وخلف متجمد عند الباب عتاب تنرفزت من كمية المبالغه بنظرها لانها تشوف شكلها عادي وبصوت مستفز: لايكون خايف انت ناظر وجهك بالمنظره يالبزر
ناصر: حط كوب العصير بثلاجه وانصدم من نبرة صوتها وردها ناظرها وعيونه متسعه وبربكه: ويش قلتي
عتاب: بعصبيه ماكلمتك انت اكلم البزر الي مسوي لي دراما
خلف: اقول لايطول لسانش لا اقصه راس مالش شغاله ومهرج وناظر ناصر شاهد انها ترادد اذا قلت لجدتي عنها خلك شاهد معي
ناصر باقي علي وضعه وفاتح عيونه وماسك الكوب بيده ويناظر عتاب
عتاب وخلف ناظرو بعض وبعدين ناظرو ناصر الي متجمد
خلف قرب وضرب ظهره: اعرف حركاتك ي نويصر
عتاب: لايكون نشب شي بحلقه
ناصر: حط ايده علي قلبه وسوى حاله طاح علي خلف وبصوت تمثيل: نعنبوها والصوت صاروخ مقدر اتحمل
تركي واقف عند باب المطبخ ومنصدم من كلمة ولد اخوه كان جاي يبي يشوف ويش صار بالفطور حقه.كانت كل الانظار. تركي: بصرخه هزت المطبخ والي فيه نوووووويصررررررررر
ناصر بعد ماكان طايح بحضن خلف فز من مكان وخلف التفت ناحية الصوت وناصر تخبى وراه اما عتاب ماسكه ضحكتها من هبال ناصر وخلف
تركي بعصبيه وبصراخ: ويش جايبك انت وياه هنا ويش هالكلام الي سمعته
ناصر بارتباك: ماسك ثوب خلف من وراء شوي ويخنقه: نمزززززح والله مانقصد والا هذي وجه وحده احد يتغزل فيها
عتاب: ناسيه من نفسها من زينك وزين وجهك يالبزر
تركي: اقول انتي لايكثر هرجك على احفاد عايد ، وبلعانه كمل وهو صادق ما قال شي خطا انتي شفتي وجهك بالمرايه
عتاب: كتمت غيضه وماتبي تتكلم معه هو بذات تحاول تطنش قد ماتقدر
تركي ميل فمه بستهزاء : اشوفش سكتي وين لسانش راح،  عطاها نظرة اشمزاز وناظر ناصر وخلف واشر بيده برا انت وياه واذا شفتكم هنا قصيت رجولكم
خلف: بفهاوه الا رجولنا ي خالي تبينا نصير مثلك وتجينا شغاله شيفه مثل ذي ههههه
ناصر: دق ظهر خلف يبيه يسكت وبهمس اسكت وكل تبن مسوي فله لابارك الله فيك خلف توه يستوعب وقع كلماته ناظر تركي الي ماتنعرف تعابير ملامحه وكلامه وقع بقلبه مثل السكين اللي جات من ورا ظهره من عدوه وهو مقفي .
نطق تركي بهدوء برا. ، مسك كفرات الكرسي وميل علي جنب وعطاهم مجال يطلعون ناصر وخلف ركضو من جنبه اما عتاب حاولت تبعد عيونها وماتناظر فيه لانها عارفه ان كلمات خلف جرحته وحزت بخاطره
تركي حرك كرسيه وعطاها ظهره :عطيني فطوري بالحديقه ولاتحطي شي حار عندي حساسيه منه
عتاب بصوت مكسور :حاضر شافته يختفي من قدامها ومابقى الا صوت عجلاته بالمكان وبدت تحظر الفطور ..