ورد

part 8

حارث : هو انا مش هخلص منيكي ولا ايه
ورد : تقول ايه بقى طلعالك في البخت
حارث : عاوزه ايه
ورد : انا اسفه عارفه اني غلط و ...

حارث قفل الباب فوشها

ورد وقفت بصدمه دي حتى مكملتش كلامها

ورد بعصبية : اه يا قليل الزوق

فتحت باب اوضته بكل عصبيه و دخلت

ورد : يعني انا جايه اقولك اني اسفه و غلطانه تقوم انت قافل الباب فوشي انت ايه معندكش دم و قليل الزوق

حارث قعد علي كرسي و كان باصص لها و ساكت

ورد فضلت تزعق و تبرطم

ورد : رد عليا متحسسنيش اني مجنونه رد عليا ...
و كمان ببرتمه : مش عشان حليوه يعني و عندك عضلات هنشوف نفسك عليا
حارث أبتسم بسخريه : حليوه... عارف اني حليوه

ورد بصت له بصدمه لما سمعها و هي بتقول كده

حارث بكل هدوء : و انتي جايه تعتذري ليه ... مش فاهم
ورد :انا مبحبش اقعد فمكان و فيه حد زعلان مني ...
حارث بسخريه : زعلان منك ... انت مفكره اني زمقان منك ... و ابقى زمقان منيك ليه كنت اعرفك .. انت صحيح بت عمتي بس في الاول و في الاخر انا معرفكيش ولا عمري شفتك ...
ورد : هو ايه يا اخي البرود ده جايبه منين
حارث على صوته و بدأ يزعق فوشها : بصى يا اسمك ايه انتي انتي لو عاوزه تجعدي فالبيت ده بسلام و منغير مشاكل تبجي تحترمي نفسك و تلمي لسانك ده عشان انتي متعرفيش مين هو حارث الفالح ... حارث الفالح اللي بتتهز له جبال ... و ان اختارتي تقفي فوشي يا بت العقاد يبقى قسما بالله هتشوفي جهنم وانتي عايشه...

ورد كانت وقفه بتسمع الكلام و هي ساكته مكنتش عارفه تقول ايه بس كانت خايفه لانه كان بيزعق فوشها جامد

حارث : برا وجتك خلص ...

ورد خرجت و هبدت الباب وراها

حارث تجاهل اللي حصل و قعد ولا أكن حصل اي حاجه

ورد : ايه يا ربي ده ده هولاكوا ... ده المفروض يبقى اداه تخويف للاطفال مش معقول

و كالعادة شهد بتراقب تحركات البيت شافت ورد

شهد : كنتي بتعملي ايه عند حارث
ورد بصت لها : وانتي مالك
شهد : هو ايه اللي مالي كنت فغرفه راجل اهنه فالبيت و بتجولي مالي ... لا ما طبعا ما انتي دايره علي حل شعرك يا بت البندر تخرجي بخلجات تخدش الحيا و دلوجتي كنتي فغرفه حارث الله اعلم كنتي بتعملي ايه

شهد : خاله شيرين يا خاله شيرين تعالي شوفي
شيرين: حوصل ايه يا شهد
ورد : انتي بجد مجنونه ايه اللي بتقوليه ده احترمي نفسك
شيرين: فيه اي يا بنات
شهد: يعني ينفع أكده يا خاله لما اشوف الست هانم خارجه من غرفه حارث ... غرفه حارث اللي محدش يتجرأ بس يعدي الباب
شيرين بصت لورد باستغراب: ورد انتي كنتي بتعملي ايه جوا
ورد و هي خايفه و متوتره: والله يا طنط انا كنت بعتذر له بسبب اللي حصل و لو مش مصدقه اسأليه ... و الله العظيم الموضوع مش زي ما هي بتحكي
شيرين : خلاص يا ورد اهدي انا مصدقاكي
شهد : مصدقه ايه يا خاله ده انا شايفاها بعنيا خارجه
ورد : يا شيخه هو انا أنكرت اني كنت جوا
شيرين: خلاص يا شهد روحي شوفي كنتي بتعملي ايه يلا من اهنه