ورد

pt 7

- دياب بيه ... احنا لجينا الاتنين دول في المزرعه و باين عليهم أكده كانوا ناوين يسرجوا حاجه
ورد مقاطعه : نسرق ايه قطع لسانك ... احنا كنا بنتفرج بس يا استاذ دياب ...
كامل: ايوه والله يا باشا احنا كنا بنتفرج بس

دياب بص لورد : شكلك أكده يا حلوه مش من أهنه
كامل : ايوه يا باشا هي مش من اهنه هي من القاهره بس اهل امها من اهنه من عيله الفالح
ورد : يخربيتك انت ايه هتحكيلوا قصه حياتي
دياب : ايه ... من عيله مين
ورد بصت بعصبيه لكامل : من عيله الفالح

دياب ابتسم : عيله الفالح مش كنتي تجولي اكده من بادري يا قمر انت
ورد : احترم نفسك يا جدع انت

دياب شاور للحرس برا

ورد : كامل ملهوش ذنب انا اللي جيت هنا لو سمحت خليه يمشي ده طفل صغير
دياب ابتسم : ماشي ...

كامل : امشي
دياب : بسرعه جبل ما اغير رأي
ورد : ندل ... و الله لما اشوفك تاني بس
كامل : معلش بجى يا ورد انتي مشفتيش امي هتعمل فيا ايه لو عرفت
ورد : طب يلا امشي بسرعه

كامل مشي

ورد : كمل جميلك بقى يا استاذ و خليني امشي
دياب : اسمك ايه
ورد : ورد ... ممكن امشي بقى
دياب : مش عايزه تكملي فرجه علي الخيل
ورد بحماس : بجد
دياب : جد الجد
ورد تراجعت : لا لا انا عايزه اروح
دياب : خلاص مفيش مشكله بس مهينفعش تمشي اكده الغدا جهاز لازم تشرفينا
ورد : لا مش هينفع انا لازم اروح
دياب : و انا مفيش حد يدخل بيت النبوي من غير ما نكرمه يلا زمان الوكل هيبرد

دياب خرج و ورد خرجت وراه

في قصر الفالح

كانوا متجمعين علي السفره
كان حارث جه

عثمان : فين ورد
حياه : خرجت الصبح عشان تتمشى

سهاد كانت قاعده قلقانه علي ورد عشان بقالها كتير

شهد : خرجت من الصبح يا عمي و عوءت جوي ... هي تعرف حد اهنه يا عمتي تكون راحت له ولا حاجه
سهاد قلقها زاد : لا يا بنتي ملهاش
شيرين : متجلجيش يا سهاد هتكون راحت فين
حياه : لحسن تكون تاهت مثلا
حسين : اهدوا أكده اومال متجلجوش ... هبعت حد من الرجاله يخرج يشوف راحت فين

ف قصر النبوي

علي سفره الغدا

كان الكل بيبص لورد باستغراب
لان لبسها مكنش بيدل ابدا انها من هنا
كانت لابسه فستان قطن طويل و مفتوح من عند رجل من الجمبين لحد الركبه و كان الفستان نص كم و مكنتش لابسه الجاكيت لأنها سابته برا لما وسعت الأسلاك بيه

نهاد: مين دي يا دياب
دياب : ورد الفالح
ورد : ورد العقاد مش الفالح ... الفالح دول عيله امي

حكيم خبط بعكاز في الأرض جامد

حكيم : وانت جايبها أهنه ليه يا دياب
دياب : ايه يا ابوي دي ضيفه و لازم أرحب بيها مش أكده ولا ايه
ورد : لو سمحت يا استاذ دياب انا اتأخرت و لازم امشي
نهاد : جوم يا دياب مشي جليله الحيا دي من اهنه
ورد : نعم ... مين دي اللي قليله الحيا
دياب : جومي معايا يا ورد
ورد : انت مش سامع هي بتقولي ايه ... بقولك ايه يا ست انا شكلي ميديش خالص علي شخصيتي مش عشان عنيا خضرا و شعر سايح هتفتكريني كيوت و مش هعرف ارد ... لا يا ماما ...