عند دياب كانوا وصلوا الاسكندريه كان عنده بيت هناك
ودى ورد علي هناك و جاب لها كل الاجهزه اللي هتبقى محتاجاها فالبيت و كان الدكتور معاهم
دياب : هتفوق علي امتى
الدكتور: والله الله اعلم ممكن يوم اتنين أو ممكن شهر و ممكن اكتر
دياب خرج البلكونه و ولع سيجار
دياب :ايه يا ابوي
حكيم :انت عملت ايه يا دياب حارث جه اهنه و بهدل الدنيا
دياب :تلاقي حاجه ضايعه منه يا ابوي و و احنا اول ناس ياجي يدور عندنا
حكيم : انطج يا دياب انت عملت حاجه فمرته
دياب :مرته و انا مالي يا ابوي و مال مرته
حكيم :انت فين
دياب : عندي شغل فالقاهرة هعاود العشيا أن شاء الله
دياب قفل مع حكيم
دياب بسخريه :مفتري مفتري انت يا حارث
ف القصر
كان كريم وصل و عرف الخبر اتجنن اول لما عرف و خرج هو كمان يدور عليها
سهاد حالتها كانت وحشه جدا و حياه كمان
حياه خرجت الجنينه و كانت عماله تعيط
فارس : هدي نفسك يا حياه أن شاء الله هترجع
حياه :انا خايفه اوي يكون حصل لها مشكله او تعبت
فارس : متقوليش أكده باذن الله هتكون كويسه و هترجع
بعد ساعات
كان طلعت جاب محمد لحارث
حارث مسك محمد من وشه بعنف
حارث :ورد فين
محمد :معرفش
حارث :ورد فين
محمد :قولت معرفش انا معرفش عنها اي حاجه من ساعه اللي حصل
حارث زفه :ماشي خليك مشرفنا هنا لحد ما تفتكر اي حاجه
محمد :هنا فين ... هنا فين بس
و سابه و خرج
محمد :لاااا خرجني من هنا خرجنيييي بقولك
حارث خرج قعد برا كان مكان شبه مهجور ولع سيجار و فضل يفكر
سهاد:متكلم حارث يا عثمان شوفه وصل لحاجه
عثمان : لسه يا سهاد اصبري
سهاد:اصبر ازاي اصبر ازاي بس و معرفش بنتي فين
حسين :متجلجيش رجاله حارث بتدور فكل مكان و انا بعت رجاله كمان يبلغوا عن اختفائها و باذن الله ترجع
شيرين :استهدي بالله يا سهاد هترجع باذن الله هتكون راحت فين
سهاد:مهو ده اللي مجنني هتكون راحت فين و بعدين ورد بنتي و عارفها عمرها ما تمشي كده منغير ما تقول هي راحه فين ...
حياه :فعلا ورد عمرها ما عملت كده هي لما بتضايق مش بتتكلم مع حد مش بتسيب البيت و حتى لو خرجت بترد علي ماما عشان متقلقش
سهاد بعياط:انا بنتي حصلها حاجه انا متأكده... يارب
عثمان: فال الله ولا فالك متجوليش أكده أن شاء الله تكون زينه
سهاد: انا عارفه يا عثمان ورد متسبنيش المده دي كلها متردش عليا ولا تطمني حتى ... و لو تليفونها حصل فيه حاجه بتتصرف و تكلمني من عند اي حد فالشارع ... هي عارفه اني بقلق جامد
حياه :خلاص يا ماما ارجوكي كفايا الكلام ده هي مش ممكن تكون راحت مشوار شغل ولا حاجه
نغم :بس الوقت اتأخر اوي و بعدين لو مشوار شغل حارث هيكون عارف
شيرين : ربنا يجيب العواقب سليمة و ترجع بالسلامه
أنت تقرأ
ورد
Storie d'amoreضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
