سهاد: والله القعده دي وحشتيني اوي
شيرين : من زمان مجعدناش أكده ... كانت احلى ايام
جنه : فاكرين لما كنا بنتجمع كان عثمان و حسين بيجولوا ايه
سهاد ضحكت : اه كانوا بيخافوا لحسن يكون فيه مصيبه ...
حسين شافهم قاعدين مع بعض: و الله الجاعده دي انا بخاف منبها
كلهم ضحكوا
_حسين بيه بشمهندس عز عايز يجابل حضرتك
حسين راح علي مكتب القصر و استقبل عز هناك
حسين : خير يا عز
عز : حارث بعتني و عايز امضتك و امضه الشيخ عثمان علي ورق المناقصة الجايه ... حارث عايز يجدم بمليون دولار
حسين : ايه مليون ايه ... هو اتجن ولا ايه
عز : والله انا جولت أكده و هو مصمم علي اللي فدماغه
حسين : و عثمان يعرف بالكلام ده
عز : لا لسه ... انا الحجيجه مش عارف اجوله ولا اسيبه منه لحارث
باب المكتب اتفتح و عثمان دخل
عثمان : اهلا يا عز كيفك
عز : الحمدلله
عثمان: كيفك يا خوي
حسين : زين الحمدلله
عثمان: متجمعين عند النبي ان شاء الله... خير فيه حاجه
عز : اصل ...
حسين : حارث باين عليه اتجن يا عثمان ... عايز يجدم في المناقصه الجايه بمليون دولار
عثمان: ايه ... ايه الكلام ده
عز : والله يا شيخ عثمان انا حاولت أفهمه أن ده مش هينفع و أن الشركه ممكن تنهار بس الظاهر أكده أن فيه حاجه فدماغه
عثمان اتصل بحارث
عثمان : اي يا حارث مليون دولار ايه اللي عايز تدفعهم
حارث : انا مش عيل صغير يا ابوي انا عارف انا بعمل ايه
عثمان : محدش هيمضي علي ورق المناقصة دي انت اتجنيت
حارث : يا ابوي امضي و خلي عمي يمضي خليك واثق فيا
عثمان: انت عارف كويس اوي أننا معناش المبلغ ده كاش
حارث : يا ابوي امضي الله
عثمان: يا ولدي فهمني عايز تعمل ايه الله يصلح حالك ... احنا حتى لو كسبنا المناقصه و دفعنا هنجيب فلوس منين نزرع الأراضي دي كلها
حارث : يا ابوي انا عارف انا بعمل ايه امضي علي الورق و مش هنخسر ... و لو خسرنا انا هعمل اي حاجه انت عايزها ... اجولك علي حاجه لو الشركه أفلست انا هجفلها و هشتغل تحت ايدك في المصنع حلو أكده
عثمان ابتسم : ماشي يا حارث ... و خليك فاكر اني جولتلك بلاش يا ولدي بس انت مسمعتش
حارث : ماشي يا ابوي
عثمان قفل مع حارث و مضى علي الورق
و حسين كمان مضى
عز خرج من المكتب : انا مش عارف حارث ده هيودينا فين انا شكلي أكده هروح اشوفلي شغل فأي حتى تانيه بدل شغل الغموض و الجنان ده
عز كان ماشي يكلم نفسه
نغم بسخريه : ايه بتكلم نفسك أكده ليه
عز : نغم ... كيفك
نغم : الحمدلله انت كيفك
عز و هو باصص في الأرض: زين
نغم: بتكلم نفسك زي المجانين ليه
عز : يعني اللي بيشتغل مع اخوكي عايزاه يفضل عاجل ازاي
نغم ابتسمت: هو مش صاحبك برود لازم تتحمله
عز : ادعي بس ربنا يستر من جنانه
نغم : حارث مش بيعمل حاجه غير و هو متأكده منها
عز : مهو ده اللي هيجنني ... يدخلنا فشغل تجيل جوي جوي و يطلعنا منه زي الشعره من العجين
أنت تقرأ
ورد
Romansaضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
