فضلت تجري تجري بعيد اوي لحد ما قدرت تهرب منهم
فضلت تعيط مش فاهمه ايه اللي حصل ليه ضربها ليه عمل فيها كده هي معملتش اي حاجه لكل ده
قعدت علي جمب و مش عارفه تروح فين
لقت كشك و طلبت من صاحب الكشك انها تعمل مكالمه
خدت تليفونه ت طلبت حياه
ورد بعياط : حياه ... حياه انا مش عارفه اروح فين
حياه : ورد ... ورد اهربي بسرعه دول مستحلفين لك ... اعمامك و محمد مستحلفين لكل علي الفضيحه دي انك تسيبي الفرح و تهربي ...
ورد ماما بتقولك روحي الصعيد عند خالو عثمان و خالو حسين ... روحي قنااا
ورد سمعت صوت زعيق جامد اوي عند حياه
و بعدين حياه قفلت
ورد فضلت تعيط : دلوقتي انا الغلطانه انا اللي غلطانه ... اروح الصعيد ازاي دلوقتي و انا معرفش اي حاجه غير انهم قنا ... يارب اعمل ايه دلوقتي اعمل ايه ...
ورد فضلت تعيط طول ما هي ماشيه في الطريق الكل بيبص لها بنظرات غريبه
راحت علي محطه القطر
ورد : عايزه تذكرة لقنا لو سمحت
- اللي بتعمليه ده ميصحش يا بنتي راجعي نفسك راجعي نفسك
ورد بعصبية: وانت مالك انت هاه ... هات التذكره يلا
خدت التذكره
بعد شويه ركبت القطر
- شايفه اهي زمانها هربانه و راحه تقابل حبيب القلب
_ بنات اخر زمن زمان أهلها قالبين الدنيا عليها ...
- معدش حد ف الزمن ده بيحترم كلمه الاب ولا الام تلاقيها ... راح فين ايام زمانا كانت الكلمه اللي تطلع من بوق امك ولا ابوكي ملهاش تاني
_ جيل مهبب خربوا الأصول و معدش عندهم اخلاق
ورد بصت لهم بكل عصبيه : والله طبعا ما احنا سبنالكوا الاخلاق كلها ... عشان تفضلوا تتكلموا علي الناس و تنموا سوا ولا كان تعرفوا اي قصتي ... ياريت لو عايزين تعرفوا حاجه تيجوا تسألوا بدل ما تألفوا قصص
بس طبعا ورد بردوا مسلمتش من كلام الناس و قررت تنام لحد ما توصل
في القاهره
محمد : انطقي راحت فيننن
حياه : معرفشششش .... و بعدين انت فاكر اللي عملته دا هيتسكت عليه انت بأي حق تمد ايدك علي اختي هاه انطققق ... ده انا هوديك فستين داهيه
محمد : لو متعرفيش هي فين يبقى تحطي لسانك جوا بقك لحسن و ديني لامسح بيكي القاعه دي كلها
حياه لسه هترد سهاد وقفتها
سهاد و هي ماسكه قلبها : خلاص يا حياه خلاصص انا عايزه اروح
حياه: حاضر حاضر يا ماما بس اهدي اهدي
حياه خدت سهاد و روحوا كانت سهاد تعبانه جدا و مش مصدقه اللي حصل
بعد ساعات كانت القطر اللي فيه ورد وصل الصعيد
و تحديدا قنا
- يا عروسه يا عروسه الجطر وصل المحاطه
.
صحيت و هي مش فاهمه حاجه خرجت برا القطر و كل الناس بتبص عليها خدت خمس دقائق عقبال ما استوعبت هو فيه ايه
افتكرت اللي حصل و بدأت تعيط تاني قعدت علي جمب و مش عارفه تروح فين ولا اعمل ايه المفروض دلوقتي هي ف قنا بس مش عارفه تروح فين ولا توصل عند خلانها ازاي و لو وصلت هل اصلا هيرحبوا بيها ولا هي اصلا عمرها ما جت هنا قبل كده ولا شافت حد فيهم من و هي صغيره من اكتر من خمستاشر سنه تقريبا
و كمان من ساعه ما باباها مات علاقتهم اتقطعت بسبب علاقتها بمحمد
كانت حاسه بالذنب جدا و مش عارفه تروح فين ولا تعمل ايه
- مالك يا انسه بتعيطي ليه أكده
ورد : هو حضرتك متعرفيش اقدر الاقي عيله الفالح فين
- وه طبعا و مين في جنا ميعرفش عيله الفالح فين
ورد قامت بسرعه : طب طب ارجوكي قوليلي اروح ازاي
- بصي يا جميله انتي مش هتعرفي تروحي من اهنه مواصلات اصل المكان بعيد جوي انتي خدي عربيه مخصوص و جولي للسواق انك عايزه تروحي جصر الفالح
ورد : تمام شكرا جدا جدا بجد
- ولا يهمك يا جمر
ورد خدت تاكسي و طلبت منه يوديها بعد حوالي ساعه
- مش هجدر ادخل اكتر من أكده يا انسه انت انزلي اهنه و اسألي بجى
ورد : ماشي تسلم
ورد نزلت و فضلت ماشيه
لقت ولد صغير
ورد : هو فين قصر عيله الفالح
- ضحك : هاتي بوسه و اجولك
ورد بصدمه : بوسه .. انت طفل انت
- بضحك معاكي يا عروسه
ورد : انا مش عروسه هتقولي ولا اروح اسأل حد تاني
- امشي معايا و انا هوصلك
- جوليلي بقى انت هربانه من عريسك ولا ايه
ورد : اه
- بس شكلك مش من اهنه
ورد : اه انا مش القاهره
- وه و جايه اهنه ليه ده بعيد جوي
ورد : انت اسمك ايه
- اسمي كامل و انتي
ورد : اسمي ورد
- اسمك حلو جوي
ورد ابتسمت: شكرا
- اهو ده جصر الفالح
ورد بصت للقصر اللي كان فقمه الجمال و الفخامه
كامل : همشي انا عشان امي زمانها بتدور عليا
ورد : ماشي ... شكرا يا كامل
كامل : العفو يا ست ورد
ورد وقفت قدام بوابه القصر
- عايزه مين يا بت انتي
ورد : انا ورد
- علي أساس انا أكده عرفتك امشي يلا من اهنه
ورد : انا ورد العقاد ... الشيخ عثمان يبقى خالي
بصلها بشك بعدين دخل
كان الكل متجمع علي الغداء
صفاء : عثمان بيه جابر بيجول لحضرتك أن فيه واحده برا جايه بفستان فرح و شكلها متبهدل... اسمها ورد العقاد
عثمان بصدمه : ورد ... بتعمل ايه اهنه دخليها بسرعه
✨✨✨✨✨✨✨✨✨✨✨✨✨✨
بس كده البارت التاني خلص عايزه اعرف رأيكوا
أنت تقرأ
ورد
Romanceضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
