ورد

pt 35

خرجوا برا و لقوا ناس كتير اوي برا
و دياب كان قاعد علي ركبه فالارض باين عليه اثر الضرب و التعب
حارث بدأ يتكلم

حارث : اتفرجوا يا اهل البلد ... شايفين مين ده

حارث مسكه من وشه بقوه

حارث بسخريه :ده دياب النبوي اللي مسابش حد فيكي يا بلد غير لما نصب عليه ... اللي مفيش نفر بيوحد ربنا فأهل البلد بيطيجه ولا يطيج سيرته العفشه ...

حارث ضربه بلبكس

دياب مسح الدم اللي علي وشه و حارث رجع لورا مره واحده لقى الناس كلها بتحدفه بالجزم ( أعزكم الله )

بعدين لمح زين

دياب بيمد له ايده :زين ... زين أخوى

زين : باسسسس

الكل وقف و بص لزين

زين بص ل دياب

دياب :اخوي ...
زين : جولت ايه يا دياب ... اخوك ... لا انا مش اخوك
دياب بتعب :مش انت كمان يا زين
زين بسخريه :من ماتي و انا اخوك ... كل اهل البلد بيكرهوني بسببك ... محدش متقبلني محدش بيفتحلي بابه ... كل الناس بتبصلي علي اساس اني مجرم و نصاب زيك ... اعمالك الوسخه خلت الناس كلها تكرهني .... انا ذنبي ليه انك اخوي

بعدين بص لحسين:الكل بيطردني بمجرد سماع اسمي ... كله بسببك يا دياب ... انت عملت كاتير جوي أذيت ناس كاتير جوي و ده وجت انتك تاخد جزائك

دياب كان بيحاول يقوم بس الكل كان بيحدف عليه حاجه بيحاول يخرج من وسطهم مش قادر الكل بيضحك عليه

ورد دخلت القصر و مقدرتش تكمل اللي بيحصل

نغم :دخلتي ليه
ورد :مش بقدر استحمل اشوف الكلام ده
نغم :بس ده يستاهل انت المفروض تكوني مبسوطه من اللي بيحصل فيه
ورد و جسمها يرتعش : انا مقولتش ميستاهلش بس فعلا مش بقدر اشوف ضرب

نغم شافت ايد ورد بتترعش

راحت عليها و مسكت أيدها و هدتها: تعالي نطلع الجنينه نشم هوا

ورد ابتسمت لها

البوليس وصل

حارث مسك دياب

حارث: مش معجول يا دياب مين اللي عمل فيك كده اومال

البوليس جه و اتقبض علي دياب كان حارث مبلغ عنه اصلا

حارث راح علي زين  باين عليه أنه متضايق

حارث : عارف أنه اخوك بس هي مرتي و انا ...
زين : متكملش يا صحبي ... دياب يستاهل اللي هو فيه ياما عمل

حارث طبطب علي ظهره و سابه

كانت جهاد فوق باصه من الشباك
كان قلبها بينبض بشده عشان شافت زين

دخلت جوا و حطت أيدها علي جلبها : يارب ... يارب

دخلوا جوا الجصر