ورد

pt 16

في القصر

كان عثمان طلع عند جهاد

جهاد كانت بتعيط و اول لما شافت عثمان دخل خافت و قامت

عثمان بحنيه :متخافيش يا جهاد
جهاد بعياط : حجك عليا يا عمي ونبي لتجول لابويا يسامحني
عثمان : هدي أكده يا جهاد امسكي اشربي مويه عشان نعرف نتكلم

جهاد شربت مايه و هديت شويه

عثمان: جولي يا بتي كيف يعني بتحبي زين و انت تعرفيه منين

جهاد سكتت

عثمان: جولي متخافيش
جهاد : اخاف يا عمي تضربني زي ابوي
عثمان طبطب عليها : لا متخافيش يا بتي انا ممدش يدي علي حد من ولادي واصل و انتو كلكوا اهنه ولادي ... و بعدين حسين مد يده غصب عنه من كتر العصبيه ... و انا متأكد أنه ندمان
جهاد بعياط : بس يا عمي ده مش هيكلمني تاني و جال للكل محدش يكلمني
عثمان: معلش يا جهاد اسمعي الكلام و تعالي علي نفسك كام يوم أكده ...و انا هحاول اتكلم معاه ... يلا يا حبيبتي جوليلي
جهاد اتنهدت و مسحت دموعها: زين معايا في الكليه بس هو اتخرج دلوقتي... اتعرفنا علي بعض من سنتين كل سنه الكليه بتعمل معرض الطلاب بيعرضوا فيه مواهبهم و الحاجات اللي بيقدروا يعملوها ... فاتعرفت عليه هناك ... بعدين بدأت اشوفه كاتير و بدأنا نتكلم ... بس والله يا عمي عمري ما تعديت حدودي معاه ولا هو حتى ...
عثمان: و انت مش عارفه إن ده غلط ي جهاد
جهاد: عارفه يا عمي والله عارفه و ندمانه ..
عثمان:طب تعرفي هو مين و من عيله مين
جهاد بدأت تعيط تاني : عيله النبوي ... غصب عني يا عمي غصب عني ... والله لو أجدر اشيله من جلبي هعمل أكده ... بس انا بحبه يا عمي و مش عارفه اعمل ايه

عثمان بص لها و اتنهد و سكت شويه

عثمان: انا مش عارف اقولك ايه يا بتي ... اهدي ... و استعيني بالله و ادعي كاتير أن ربنا يشيل حبه من جلبك ..

عثمان: انا هبجى اكلم حسين و اخليه يهدى
جهاد حضنت عثمان: شكرا يا عمي شكرا جوي ... ربنا يخليك لينا و ما يحرمنا من حنيتك دي ابدا
عثمان ابتسم : انا معملتش حاجه يا بتي

عثمان خرج و هو حزين و دخل مكتبه
شيرين دخلت له و طبطبت عليه

عثمان: البت بتحبه و انا مش عارف اعمل ايه ... انا اكتر واحد حاسس بيها دلوجت ... ياريته كان واحد تاني كنت ساعتها والله جوزتها له
شيرين طبطبت عليه : عارف يا عثمان انا حبيتك ليه
عثمان ابتسم : ليه
شيرين : انت غير ... فيك كميه حنيه و تسامح و فهم للي حواليك غير اي حد .... ده غير قوتك و رجولتك اللي يضرب بيهم الأمثال

عثمان باس راسها

عند حياه هي و كريم

كريم : ده ايه الرعب ده يا ستي انا عاوز امشي
حياه : ولا اسكت ...
كريم : هي ورد جايه امتى