طلعوا المكتب
حارث : سامعك
شهد : اولا مش عايزاك تفهمني غلط بس انا بجد قلقانه علي ورد ... اللي انا عارفاه أن دياب كان خاطفها و هي طول الشهر اللي فات كانت فغيبوبه و لسه فايقه
بعدين سكتت و كملت : اللي أقصده ... أن ممكن يكون دياب عمل فيها حاجه فالشهر ده و هي فالغيبوبه ...
حارث بص لها بتركيز و ملامحه اتبدلت من الملل للجديه
شهد :انا مقصدش حاجه يا حارث انا بس خايفه عليها ... عن اذنك
بعدين خرجت و هي علي وشها ابتسامة شر
حارث لنفسه :انا ازاي مفكرتش فحاجه زي كده... لا اكيد محصلش حاجه ... لو حصل كان زمانه مسكتش و قال ...
القلق بدأ يتسلل لقلب حارث ظفر و استغفر ربنا
حارث : انا لازم اتأكد
حارث خرج من المكتب و هو متلغبط مش عارف ممكن يعمل ايه
دخل الأوضه كانت ورد خارجه من التوليت بعد لما خدت شاور
ورد :حارث ... حارث .. حارث
حارث :ها
ورد :مالك انت كويس
حارث أبتسم و رجع شعره لورا بايده :انا زين
بعدين قرب منها
ورد :كنت فين
حارث : كنت بحضر لك مفاجأة
ورد بابتسامه:بجد ... مفاجأة ايه
حارث مال عليها و همس فودنها :هتعرفيها بكرا
بعدين
باسها من خدها و حط ايده علي خصرها
ورد بدأت تتوتر :حارث ... هو فيه ايه
حارث بصلها فعيونها و رجع شعرها لورا كانت متوتره
كانت حاسه بنفسه من كتر ما هو كان قريب
حارث و هو مركز علي شفايفها :قولتلك انى بحب مش كده
ورد هزت راسها
حارث باسها
ورد بعدت وشها كان احمر من الكسوف مكنتش مستوعبه ايه اللي بيحصل
كانت بتاخد نفسها بصعوبه من التوتر
حارث أبتسم : جلبتي ورده حمره
ورد ابتسمت بخجل و رجعت شعرها لورا
مره واحده لقت حارث بيشلها
ورد : ايه ده ... فيه ايه انت يا عم نزلني
حارث : هو مش انت مرتي بردك ولا ايه
ورد :حارث اياك اياك ... بجد هصوت و الم الناس علينا مش هسمح بالتمادي
حارث نزلها علي السرير برقه و بدأ يقرب منها : جولتي ايه
ورد : حارث مش عايزه قله ادب لو سمحت الزم حدودك
حارث : انا معنديش حدود يا وردتي
و بدأ يقرب منها جدا
عند جهاد كانت قاعده فاوضتها بتتفرج علي النجوم من الشباك
الباب خبط و حياه دخلت
حياه :جوجو يا جوجو
جهاد ابتسمت: تعالى يا حياه
حياه :امسكي يا ستي الكتب الترم الجديد اهي و مش بس كده تقدري تحضري كل محاضراتك اونلاين
جهاد:حياه انت بجد بتهزري انت ازاي عملتي كده
حياه : لو علي الكتب فاشترتها عادي أما عن المحاضرات الحقيقه مش عارفه انا طلبت اتكلم مع دكتور من الدكاتره بتوعك و هو قالي كده حتى بدون ما اطلب منه أي حاجه
جهاد :غريبه
حياه :شكل كده حد موصي عليكي يا جوجو
جهاد:بتعملي معايا ليه كده
حياه أبتسمت: عشان بعتبرك زي ورد ...
أنت تقرأ
ورد
Roman d'amourضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
