حارث: الفستان حلو
ورد لفت : بتعمل ايه هنا
حارث و هو ساند علي الباب : المفروض ننزل ... اكيد مش هتنزلي بالفستان ده كده
ورد : انت شايف اي ده عبايه هلبسها عليه
ورد لبست العبايه : حلو كده
حارث قرب منها ووقفل لها العبايه: تحفه
ورد بصت له : اول مره اشوفك بالجلابيه ... شكلك حلو
حارث : عارف
ورد : خف تواضع شويه يا محور الكون هاه
حارث : طب يلا
ورد نزلت هي و حارث
و بدأ كتب الكتاب و شهد مكنتش تحت طبعا كانت فوق مقضياها عياط
المأذون : بارك الله لكما وبارك عليكما وجمع بينكما في خير
الكل بارك لهم و كان باين علي وش حارث و ورد عدم الرضا باللي حصل
حارث : ياريت تكون مبسوط يا ابوي
بعدين سابهم و خرج
و هو طالع قال : باب السما كان مفتوح يا جمالات
ورد بصت علي حارث و اتنهدت و طلعت فوق
حياه دخلت : ورد ... انتي كويسه
ورد : مش عايزه اتكلم يا حياه
حياه : لا يا ورد انتي مش كويسه .. احكيلي فيه ايه يا ورد من امتى وانتي بتخبي عليا حاجه
ورد انفجرت فالعياط
في اوضه كريم كان قاعد علي الكنبه وسط شيرين و سهاد
كريم بتوتر: والله يا جماعه منورين ...
شيرين : بنورك يا حبيبي
كريم : احم خير يا جماعه ايه سر الزياره المفاجأة دي ...
سهاد: ابدا يا حبيبي جينا نطمن عليك
شيرين : غلبان انت يا كريم فجولنا نشوفك لو محتاج حاجه
كريم : كتر خيركوا والله ... هاه بقى ادخلوا فالموضوع علي طول
سهاد: موضوع موضوع ايه
كريم حط ايده علي خده : لا ده شكله مصيبه مش موضوع
شيرين : اخص عليك يا كريم مصيبه
كريم : اومال ايه القعده اللي قاعدنها دي ... يلا يا جماعه الواحد وراه نوم عايز يلحقه
سهاد: من الاخر بقى يا كريم ..
كريم : ايوه كده يا ست الكل هاتي من الاخر
سهاد: عايزين ورد و حارث يحبوا بعض
كريم ضحك اوي
شيرين : فيه ايه يا ولا انت سمعت نكته
كريم و هو بيضحك : هي فعلا نكته ... حارث و ورد مين اللي يحبوا بعض ... طب بصوا انا ممكن احاول مع ورد ورد كده كده قلبها جميل و يسيع من الحبايب الف... اما حارث ده ازاي بقى ده انا بحسه يطيق العمى ولا يطيق ورد
شيرين : لا يا ولا مش للدرجه دي ... و الله هو قلبه ابيض كمان
كريم : يا ست الكل ده انا مشفتوش ابتسم من ساعه ما جيت ... علي رأي ورد هولاكو
سهاد: ولا يا كريم حاول انت شاطر و عليك حركات كده بتمشي الدنيا حاول ... بدل والله العظيم انت حر
كريم : خلاص يا ست سهاد بلاش رعب هحاول
سهاد: شطوره يا اختي بيضه
كريم أبتسم: مش يلا بقى عشان الحق انام و اصحى الصبح فائق بقى و انفذ الخطه ... و بعدين بكرا هيبجى يوم طويل ده بكرا فرحهم
شيرين : معاك حق ... يلا يا سهاد
أنت تقرأ
ورد
عاطفيةضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
