ورد وشها اصفر و لفت : خا... خالو
حسين : كملي سكتي ليه ...
ورد : يا خالو بس ...
حسين بزعيق : ولا كلمه انا غلط لما سمعت كلام عثمان و اديتك حريه يا جهاد و علمتك و بعتك الجامعه ... بس لع البت منيكوا مكانها البيت و لو خرجت برا تجيب العار زي ما عملتي أكده
جهاد : يا ابوي انزل احب علي رجلك لتسامحني ..
ورد : لا ي خالو البنت م بتجيب العار ... و بعدين هي عملت ايه غلط ...
حسين بزعيق : اخرسي خالص اخرسييي و انت يا جهاد عقابك مضاعف
حارث كان طالع و سمع حسين بيزعق فراح علي اوضه جهاد
ورد : لا يا خالو مش هسكت ... ده ظلم هي عملت ايه غلط كل ده عشان حبت ....
حسين : الزمي حدودك يا بت اختي
حارث دخل
حارث : ف حاجه يا عمي
جهاد كانت بتعيط و ورد متعصبه و وشها احمر
حسين : اسأل نفسك يا حارث يا كبير العيله
حارث بص لورد و اتأكد انها عملت مشكله : تجصد ايه يا عمي
حسين : علاقتك ايه بزين و عيله النبوي
حارث بص لورد بصه كلها غضب و شر ورد بلعت ريقها
حارث : ولا حاجه يا عمي
حسين : و من ماتي بجيت كداب يا ود اخوي
حارث بعصبية: انا مش كداب يا عمي و لو عاوز توصل لحاجه يبجى تجولها علي طول
حسين : علاجتك ايه بزين و وعد ايه اللي وعدتهوله .. انطج
حارث : انا موعدتش حد حاجه و مليش علاجه باي حد فالعيله ال **** دي ...
حسين بص لورد : و ايه الكلام اللي جولتيه لجهاد
حارث : جولتي ايه
ورد : هاه ... قولت ... انا ..
حارث بعصبية و بدون صبر : انطجي يا ورد انطجييي
ورد : قولت انك هتساعدها تتجوز زين
حارث شاور علي ورد بكل عصبيه : انتي بني ادمه مريضه فوق انك بتاعه مشاكل ... هو انا مش جولتلك تنسي أن حد من عيله النبوي يبجى فرد من العيله اهنه ولا صوح ما انتي عايشه فاحلامك الورديه متخيله أن كل حاجه ممكنه و مفيش مستحيل ... اسمعي يا ورد انا هجولها مره واحده لو جولتي حاجه علي لساني انا مجولتهاش هجتلك
كانت شهد بتتسنط و هي فقمه السعاده
حارث سابهم و خرج
حسين خرج وراه
حسين : هدي يا ولدي ... حجك علي مكنتش اعرف ان ورد بتجول كلام و خلاص
حارث : انت اللي حجك علي يا عمي ... هي ورد مش جصدها تكدب ولا حاجه هي جصدها خير وانت عارف هي بتحب البنات اهنه جوي و يعني هي متدراش اللي بنا و بين عيله النبوي كله
حسين : عارف يا ولدي ... مش عارف المصائب دي بتتحدف عليا أكده ليه ... اجول عليكي ايه يا جهاد كله من تحت راسك
بعدين حسين مشي و نده علي جنه و قالها أن جهاد متخرجش من القصر خالص
ورد بعياط : ارجوكي متزعليش مني يا جهاد والله مكنتش اقصد انه يسمع والله العظيم
جهاد بعياط : خلاص يا ورد حصل اللي حصل
ورد : عشان خاطري سامحيني
جهاد : عاوزه اجعد لوحدي لو سمحت
أنت تقرأ
ورد
Storie d'amoreضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
