اسفه جدا يا جماعه فيه مشكله أن الأجزاء اتلغبطت علي بعض ف بحاول احلها ف لو عايزين تعرفوا ايه الترتيب الصح انا كل جزء كاتبه هو الكام
✨✨✨✨✨✨✨✨✨✨✨✨✨✨
عثمان : انت شجاعه يا ورد و متخافيش من حارث عكس بنات عمك و ولادهم كمان ... و انا الصراحه مش عاجبني حارث دايما دماغه فالشغل مش بيفكر فنفسه شخصيته قويه بزياده بس انا عاوز اغير طبعه عاوز اطلع الحنيه المدفونه فجلبه
ورد : و المطلوب مني
عثمان: انك تساعديني اغير منه للاحسن
ورد : انا ... والله يا خالو شكرا جدا علي ثقتك الغاليه بس والله انا بني ادمه تخصص مشاكل و مصايب مش تغير بني ادمين ... بس يعني اوعد حضرتك اني احاول رغم يعني أنه نفسه يقتلني بس هحاول
عثمان ضحك : و انا مش عاوز منك غير المحاولة
ورد : و عايزه اشكر حضرتك انك سمحت ليا اشتغل
عثمان : شكر ايه بس يا بتي انا متفهم جدا جيلكوا و بعدين ده حقق
ورد ابتسمت و خرجت
كانت شيرين واقفه
شيرين ابتسمت: جدعه يا ورد ... تصدقي بالله انا جلبي مفتوح لك أكده من ساعه ما جيتي و حاسه ان مجيتك دي هديه من ربنا
ورد : والله شكرا جدا لحضرتك ... بس يعني ابن حضرتك لسه مهددني و شكل ايامي هتبقى زي العسل
شيرين : متجلقيش يا بتي حارث ميأذيش أهل بيته ابدا هو بس متأنعر شويه
ورد ضحكت : شويه بس
بعدين ورد سابت شيرين و طلعت فوق لبست بنطلون جينز و بادي ابيض و فوقهم عبايه شكلها شيك و لمت شعرها ديل حصان
ورد بصت في المرايه و ضحكت: لا كده انتي قلبتي ام فواز اللي لسه حاجه من دبي
بعدين نزلت
ورد : هروح انا الشركه ازاي دلوقتي
ايهم : ورد كيفك
ورد : ايهم .. بخير الحمدلله انت عامل ايه
ايهم : زين ... بس عاجبتيني جوي يا ورد علي الفطار ... اصل بيني و بينك محدش يجرأ يقول نص كلمه قدام حارث
ورد : ايه يا عم فيه ايه هو معيشكوا فرعب ليه كده
ايهم : ولا رعب ولا حاجه بس هو دماغه ناشفه و لما يحط حد فدماغه الله يرحمه و محدش اهنه مستغني عن نفسه
ورد : ربنا يطمنك بجد
ايهم ضحك : مقصدش والله ...بس متجلجيش يعني حارث ميجدرش يعملك حاجه يعني اكيد عمي هيحميكي
ورد : ربنا يستر ... بقولك ايه ما توصلني معاك الشركه إله تنستر
ايهم : مفيش مانع تعالي
لسه هيمشوا شهد وقفت ورد
شهد : استني هنا يا ماما راحه فين
ورد : عايزه ايه
شهد : بصي يا ست ورد أن كنتي جايه اهنه و مفكره نفسك تقدري تسيطري علي الكل ولا حتى تاخدي مني حارث تبجي غلطانه
ايهم : شهد ميصحش أكده
ورد : لا استنى يا ايهم خلي السنيوره تكمل .
شهد : حارث ده بتاعي و انا اللي هتجوزه و أن كنتي فاكره انك تجدري تلفي عليه و تاخديه تبجي غلطانه
ورد : مبدئيا انا متاكده أنه لو سمعك بتقولي كده هيدفنك حيه ... ثانيا و ده الأهم يا حبيبتي انا ولا عايزه الف عليه ولا نيله و بعدين متقلقيش اوي كده حارث اصلا مش نوعي المفضل في الرجاله ... يلا يا حبيبتي... Adiós 👋
أنت تقرأ
ورد
Storie d'amoreضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
