حارث خد نفس
حارث :ورد
ورد انتبهت : هاه
حارث :ورد انا بحبك
ورد بصت له باستغراب: بتحبني
حارث : انا عارف انك مبتحبنيش و بتحبيه هو بس انا مش جادر اكتم مشاعري اكتر من اكده .... خمستاشر سنه يا ورد من و احنا صغار و انا بحبك ... و كل يوم حبي ليكي بيزيد ... كنت بنزل القاهره و افضل اراجبك من بعيد اطمن عليكي لحد ما جه اليوم اللي مطلعش له شمس و عرفت انك بتحبي محمد ... كنت اشوفك معاه و نار الغيره تحتل فجلبي و تكسره ميت حته... اتعذبت كاتير من تحت راسك يا ورد ... فضلت اقنع نفسي اني مش رايدك و معداش احبك بس مجادرش
ورد بصت له و عيونها كلها دموع ... بعدين حارث وقف و نزل وقف برا العربيه
ورد نزلت
و وقفت قدامه و مسكت اديه
ورد : انا حبيت محمد لانه حسيني باهتمام كان فكل مكان كان مهتم يعرف كل حاجه كان هو قدامي علي طول .... فالكليه لما بخرج حتى البيت ... غصب عني حبيته ... كنت فاكراه بني ادم كويس هيراعي ربنا فيا ... بس انا دلوقتي مبقاش فقلبي ليه ذره حب ... كل اللي عمله فيا ده مخلانيش حتى عايزه ابص فوشه عارف والله يارتني ما كنت افتكرت عنه اي حاجه
بعدين ابتسمت : بس ايه الكلام الحلو اللي انت قولته ده ما انت طلعت حلو اهو و بتقول كلام حلو اومال بتعاملني أمني عدوتك ليه
حارث : مش عاوز اعلج نفسي فحبال دايبه
ورد و هي بتقلده:و مين جال بس انها احبال دايبه يا بيه
حارث :يعني
ورد :يعني انت بطلي يا حارث .. و انا كمان ... بحبك
حارث اتفاجأت:بتتكلمي صوح يا ورد
ورد :صوح الصوح هو فيه واحده بردو تقرب من حارث الفالح و متحبوش
حارث أبتسم بفرحه وحضنها :بحبك يا وردتي
ورد و هي حاسه بالأمان : وانا كمان
ركبوا و كملوا نص الطريق و هما مبسوطين و بيضحكوا
بعد ساعات اخيرا وصلوا
كان الكل فاستقبالهم
ورد جريت علي سهاد و حضنتها جامد فضلوا يعيطوا
و سهاد فضلت تبوس و تحضن فيها
سهاد بعياط :بنتي بنتي نور عيني حمدالله علي سلامتك يا قلبي وحشتيني اوي اوي يا روحي قلبي قلبي كان بيتقطع عليكي يا وردتي
ورد و هي بتمسح دموع سهاد :بلاش عياط يا روحي انا الحمدلله رجعت و الحمدلله كويسه و مفيش اي حاجه
سهاد: الحمدلله الف حمد وشكر ليك يا رب
حياه حضنتها : وحشتيني يا ورد وحشتيني والله كنت بموت كل يوم مين مره من غيرك
ورد :بعد الشر عنك يا حياتي
كريم مقدرش يسيطر علي نفسه نفض لحارث و حضنها : حمدالله علي سلامتك يا رورو ربنا ما يحرمنا من بعض تاني ابدا
ورد :يارب يا حبيبي
حارث راح عليه و مسكه من دراعه :اوعي أكده بدل ما تاخدلك عيار يجيب اجلك
كريم :والمصحف اختي اختي ما تصدق بقى الله
الكل ضحك
بعدين ورد بدأت تسلم علي الباقي
عثمان :تعالي يا ورد اتوحشتك
ورد حضنت عثمان:معقوله وحشتكوا انا قولت انكوا زمانكوا ارتاحتوا مني
عثمان: متجوليش أكده يا ورد انت بتي و مجدرش ابدا استغنى عنك ...و مش عاوزك تجلجي ابدا اللي اذاكي هياخد جزاته
ورد أبتسمت و بعدين بصت لحارث :انا مش قلقانه لاني عارفه إن حقي هيرجع
أنت تقرأ
ورد
Romanceضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
