"ခင်ဗျားကတော်ရုံမဟုတ်ဘူးဘဲ KimTaerae.."
ထိုစကားကို နတ်ဆိုးတစ်ပါးလိုပြောသွားကာ လှည့်ထွက်သွားသူ Ricky နောက်ကျောအားကြည့်ရင်း ထိန်းထားသည့်မျက်ရည်တွေလွှတ်ထုတ်လိုက်တော့သည်။
အမှန်တကယ်ဆို သူအရမ်းကိုထိတ်လန့်နေပါသည်။
ဒါပေမယ့် သူအားနည်းသည့်ဘက်ခြမ်းကို ဖော်ပြလိုက်လျှင် Rickyဟာ သူ့ကိုလှောင်ရယ်နေလိမ့်အုံးမည်။
အလုပ်မရှိဘဲအခန့်သားနေ၍ သူခနဲ့ပြောသည်။
အလုပ်လုပ်ဖို့ ကြိုးစားမိပြန်တော့ ဒေါသထွက်သည်။
နှစ်ဦးသဘောတူလက်ထပ်ထားတဲ့ဆက်ဆံရေးမှာ သူဘာပြောပြော နာခံရမည့်ပုံစံချိုးနေသည်။
စကားကိုပြေပြေလည်လည်ပြောလျှင်ရသားနဲ့ Rickyဟာ သူ့ကိုခနဲ့စကား ခြိမ်းခြောက်စကားတွေသာဆိုသည်။
မဟုတ်မှ..Ricky သူ့ကိုမုန်းနေခြင်းလား။
ဒါဆို သူ့ကိုဘာလို့လက်ထပ်ထားလဲ မချစ်တဲ့သူကိုဘာကြောင့်ချည်နှောင်ချင်နေရတာလဲ
အဲလိုဆို သူဘဲမွန်းကြပ်လာရမှာမဟုတ်ဘူးလား။
သူနားခိုချင်တာ နွေးထွေးတဲ့အိမ်မျိုး ဒီလို မွန်းကြပ်ဖို့ကောင်းတဲ့လှောင်အိမ်မှာမဟုတ်ဘူး။
သူ့ကို ဘာကြောင့်နည်းနည်းလေးတောင် နားလည်မပေးနိုင်ရတာလဲ။
~~~~
Rickyနဲ့စကားများပြီး နောက်နေ့ခြံစောင့် ဦးလေးကြီးတစ်ယောက်ရောက်လာသည်။
ထုတ်မပြောပေမယ့် Taeraeအား အိမ်ထဲကအိမ်ပြင်မထွက်စေခြင်းဖြစ်ကြောင်း သိနိုင်သည်။
Rickyဟာ သူ့ကို အရုပ်တစ်ရုပ်လို ကစားချင်နေသည်ဘဲ။
ထို့ကြောင့် Taeraeက ခံစားတတ်တဲ့လူဖြစ်ကြောင်းအသိပေးဖို့လိုသည်။
တစ်နေ့ကျအလုပ်စားပွဲတွင် မျက်မှန်တစ်လက်နဲ့ အလုပ်ထဲအာရုံစိုက်နေသောRickyအား Taerae စျေးဝယ်ထွက်ရန်ဟူသောအကြောင်းပြချက်နဲ့ အပြင်ထွက်ရန်ခွင့်တောင်းခဲ့သည်။
"Ricky ကိုယ်ခွင့်တောင်းစရာရှိလို့"
"ပြော"
"ကိုယ်ဖွယ်ဖွယ်ရာရာချက်စားချင်လို့စျေးသွားဖို့လိုတယ် ပြီးတော့ တစ်ကိုယ်ရည်သုံး အသုံးအဆောင်တွေလဲဝယ်ဖို့လိုတယ်"
"ဖုန်းနဲ့မှာလိုက်"
"မင်းဘဲ ကိုယ့်ဖုန်းကိုသိမ်းထားခဲ့တာမဟုတ်ဘူးလား ဆေးရုံမှာကတည်းကလေ ဖုန်းအသစ်လဲဝယ်မပေးသေးဘဲနဲ့"
