"Tae မောင်သဘောမတူဘူးလို့ပြောနေတယ်နော်"
လက်ထပ်ပြီးတဲ့နောက် 5လနေတော့ စကားများ ပြန်တဲ့သူတို့အတွဲပင်။
မောင်ကလူဆိုးကြီး အလိုလိုက်မယ်ပြောပြီး အခုများတော့ ငြင်းတာများ လေသံကမာလို့။
"မောင်သဘောမတူလဲ ကိုယ်ရအောင်လုပ်မှာဘဲ"
တစ်ဦးနှင့်တစ်ဦး အလျော့မပေးစကားများနေကြဆဲ။
ဖြစ်ပုံကဒီလို...
မောင့်မွေးနေ့တွင် Taerae၏အကြံပေးမှုကြောင့် မိဘမဲ့ဂေဟာတွင် အလှူပြုဖို့ သွားခဲ့ခြင်းဖြစ်သည်။
ဟိုရောက်တော့ အရွယ်စုံ ကလေးတွေ၏ပျော်ရွှင်နေတဲ့မျက်နှာလေးတွေကြောင့် နှစ်ယောက်သား ပီတိဖြစ်ရသေးသည်။
အဲဒီအချိန်ထိ အခြေအနေကကောင်းနေသေး၏။
ကလေးတွေကို စာခဏသင်ပေးနိုင်မလားဆိုတဲ့ မာစတာ၏စကားကို Taerae နားထောင်လိုက်ခြင်းမှစသည်။
Taerae၏စိတ်ထားမှာ နူးညံ့ပြီး ကလေးတွေအားသနားဂရုဏာပိုမိသည့်ကြားထဲမှာ
စာသင်ပြီးချိန် အတန်းထဲကအထွက် သူ့ရှေ့သို့ ရုတ်တရက်ပြေးလာသော3နှစ်ကျော် 4နှစ် ကလေးပေါက်စနလေး၏ အပြောကြောင့် မျက်ရည်တွေပင်သီလာရသည်။
"တားကိုမွေးဂျားပါ့လားဟင်"
မျက်ရည်ဥတွေနှင့်ကလေးပေါက်စမှာ ပါးဖောင်းဖောင်းလေးတွေနှင့်သိပ်ချစ်ဖို့ကောင်းနေ၏။
မပီကလာအသံလေးဖြင့် သူ့ကိုမွေးစားပေးဖို့ တောင်းဆိုနေသည်မှာ သူ့တွင်မိဘများမရှိတော့ကြောင်းသိထားသည့်ပုံပင်။ထပ်ပြီးတော့ Taeraeရင်ကို လှုပ်ခတ်စေသည်မှာ မောင်နှင့်ရုပ်ချင်းအတော်လေးဆင်တူနေခြင်းပင်။
ဘာမှနားမလည်သေးသည့်ကလေးမှာ မိဘများမရှိကြောင်း မည်သို့မည်ပုံနားလည်လက်ခံထားသနည်း။
ထိုအချိန် မျက်ရည်တွေဝဲလျက် ဂရုဏာသက်သွားသူ Taeraeမှာ မိဘမဲ့ဂေဟာမှပြန်ရောက်ကတည်းက ထိုကလေးအားမွေးစားကြရန် မောင့်အားတဖွဖွ ဂျီကျနေမိခြင်းဖြစ်သည်။
"မောင် သဘောမတူဘူးလို့ပြောနေတယ်နော် အချစ်"
"ကိုယ်လဲ ရအောင်မွေးမယ်လို့ ပြောနေတယ်လေ မောင်မကြားဘူးလား"
YOU ARE READING
My Husband Hurt Me(Complete)
Fiksi Penggemarချစ်မိပြီးသွားရင် ဘာဆက်ဖြစ်မယ်ထင်ပါသလဲ..
