"ဒီနေ့တစ်ရက်တော့ မသွားလို့မရဘူးလား"
Taerae ဒီစကားပြောနေတာ ၁၀ကြိမ်မကတော့။
"မောင် Meetingပြီးတာနဲ့ချက်ခြင်း ပြန်လာမှာပါ ဒီနေ့လိုမောင်တို့လက်ထပ်ထားတာ6လပြည့် Anni Dayမှာ မောင်လဲTae နဲ့အတူနေချင်တာပေါ့ မတတ်သာလို့သာ.."
ဒီထက်ပိုပြောရင် Taerae ကအကြီးဖြစ်ပြီး တစ်ကိုယ်ကောင်းဆန်နေခြင်း ဖြစ်မည်ဆိုးတာကြောင့် Ricky စကားကိုလက်ခံလိုက်ရသည်။
သို့ပေမယ့် ရင်ထဲမှ လေးလံမှုက ပျောက်မသွား။
"စောစောပြန်လာနော် ကိုယ်မျှော်နေမယ်"
စကားကိုသေချာနားထောင်ဟန် ခေါင်းကိုတစ်ချက်ငြိမ့်၍ နဖူးကိုခပ်ဖွဖွနမ်းသွားသူ Rickyအား ဘေးကင်းဖို့ Taeraeဆုတောင်းနေမိတော့သည်။
ဘာကြောင့်မှန်း မသိ စိတ်ထဲသိပ်နေလို့မကောင်း။
ဒီနေ့ဟာ သူတို့လက်ထပ်ထားတာ 6လပြည့်တဲ့နေ့လေးဖြစ်သည်။
ပြီးတော့ သူလဲ Rickyအား အဖြေပေးဖို့ အဆင်သင့်ဖြစ်နေလေပြီ။
6လဆိုတဲ့အချိန်ကာလဟာ သူ့အတွက် စဥ်းစားဆုံးဖြတ်နိုင်ဖို့အချိန်လုံလောက်သည်။
Ricky ကိုလဲ အချိန်ဆွဲမထားချင်တော့။
နောင်အနာဂတ်မှာ အဖုအထစ်မရှိ သူတို့နှစ်ဦး အေးအေးချမ်းချမ်းနေထိုင်သွားမည်။
Taerae အတွေးတွေများမနေတော့ဘဲ Rickyအတွက် နေ့လည်စာပြင်ဆင်ရသည်။
Meetingက မနက်ပိုင်းမှာဘဲရှိလို့ ချက်ခြင်းပြန်လာမည်ပြောထားတာကြောင့် နေ့လည်စာကို ပြင်ဆင်ထားလို့ရသည်။
ဟင်းအမယ်အတွက် အသားဟင်းအပြင် အရွက်ကြော်လေးပြင်ဆင်နေတုန်း ဖုန်းသံမြည်လာတာကြောင့် ဧည့်ခန်းထဲသို့ အပြေးလေးသွားရသည်။
"Hello"
"Hello Tae.. မောင် ညနေမှပြန်လာဖြစ်မယ်ထင်တယ် အလုပ်တွေကတစ်ခါတည်းနဲ့မပြီးမပြတ်ဖြစ်နေတယ်ကွာ"
Taeraeက သက်ပြင်းလေးချ၏။
"ကိုယ်က မင်းအတွက် နေ့လည်စာပြင်ထားတာ ဒီမှာပြီးတော့မှာကို"
အသံနှင့်အတူ ဖြစ်သွားမယ့်ပုံရိပ်လေး မျက်လုံးထဲမြင်ယောင်လာတော့ Rickyမှာ ပင်ပန်းနေတဲ့ကြားက ပြုံးမိသေးသည်။
