Sky Fall

Fall 5: Bracelet

--
CELYN'S POV:

"GRABE ang ganda pala here sa resort ng cousin mo, Liezel!?" bulalas ko ng makarating kami sa isang private resort na pagmamay-ari ng pinsan ni Liezel na si Kaizen Cruz.

"Baka nakakalimutan mo hindi tayo libre dito, hindi kami close kahit na pinsan ko siya." pagmamaktol naman ni Liezel.

I just roll my eyes at her and feel the breeze as I ran to the sea. Tanghaling-tapat pero yung sikat ng araw hindi gaanong masakit sa balat.

"This is paradise!" malakas na sigaw ko at idinipa ang aking mga braso habang sinasalubong ang simoy ng hangin at ang hampas ng alon sa aking mga paa.

Masasabi kong isa ito sa mga memorable na nangyari sa buhay ko bukod sa nakatakas ako mula sa anino ni Mommy, mula sa mga taong mapanghusga, mula sa toxic na pagmomodel at sa mga taong walang ibang ginawa kundi ang hatakin ako pababa.

My Mom didn't want me to leave pero dahil sa pasaway ako at gusto kong magbulakbol kahit minsan, sinuway ko ang gusto niya.

I already get rid of issues and some matters towards my career and masasabi ko na hindi pa ito ang rurok ng tagumpay na gusto kong makamtan.

"Celyn tara na sa hotel?" rinig kong sigaw ni Kastiel kaya naman bumalik sa kung saan sila nakatayo at sumunod sa kanila ng pumasok si Liezel at Kastiel sa hotel na tutuluyan namin.

Kastiel did volunteer to pay our stay here in resort but I refused her offer since I can make bayad naman for my own kaso makulit si Kastiel kaya hinayaan ko na tutal mas rich siya kaysa sa akin.

I am not a gold digger or something what you call it, mapagbigay lang talaga kaming magkakaibigan parang motto na namin na abuloy ang bawat sentimo na ginagastos namin sa mga bagay na binibili o ano pa mang tawag doon.

Nang makakuha kami ng room na presidential suite ay agad kong hinila ang dala kong maleta mula sa kamay ni Liezel bago kami pumasok sa elevator. Nakakahiya naman kasi kung magpapaka-baby ako sa kanilang dalawa.

"Can we swim na after we fix our things?" bakas sa boses ko ang pagiging excited dahil first time kong makapunta ng beach.

"Girl uso ang pahinga bago ka bumabad sa dagat." sagot naman ni Kastiel.

"But I wanna swim na, tyaka you know me naman na this is my first time to have a vacation with the two of you diba? Tinakbuhan ko lang si Mommy kahit na she insist to me to practice for my upcoming audition at CDC."

"Naririndi ako sa pagiging conyo mo. Bukas na lang tayo maligo sa dagat, ipapasyal ko kayo ni Kastiel dito sa resort ni Kaizen." sabat naman ni Liezel na tila nandidiri dahil sa tono ng boses ko.

I can't blame her naman since I need to train nga kasi for my upcoming audition at CDC Entertainment para sa isang big project na gagawin nila.

"Yey!"

"Enough with your kaartehan, Celyn. Napaka-annoying mo na." pambabara pa ni Kastiel.

Natawa lang kami ni Liezel dahil sa pang-gagaya ni Kastiel sa tono at way ng pagsasalita ko as conyo. In fairness bagay sa kanya maging sosyalin na conyo since she came from a wealthy family.

Nang tumunog ang elevator at bumukas ang pinto nito, agad kaming lumabas para puntahan ang kwartong napili namin.

PR-105 ang nakalagay sa isang pinto kung saan huminto si Kastiel dahil siya ang may hawak ng card key ng hotel room namin, si Kastiel na rin ang nagbukas ng pinto. Pagpasok namin, literal na laglag ang aking panga dahil sa ganda ng kwarto.

Meron itong tatlong malalaking bed sa gitna na nakadikit sa pader, isang coffee table na malapit sa terrace at dalawang pinto kung saan naroon ang kusina at cr nitong kwarto.