Sky Fall

Fall 16: Althea the Gunman

PERI'S POV:

--
NAKAYUKO lamang ako sa gilid habang pinapakinggan ang paglilitanya ng motherlily ni Celyn na si Tita Lynzi. It's been three days since Celyn got injured and she's not waking up after she admitted at General Hospital kung saan ko siya dinala.

"Magf-file ako ng case against that brat Monique! How dare she did this to my daughter?!" pagtatalak ni Tita Lynzi.

Halos mapaigtad kaming dalawa ni Sherry sa lakas ng boses ni Tita Lynzi, kahit ang nurse at doctor ay hindi nila magawang awatin ang nag aalburutong si Lynzi Bautista.

"T...tita kasama po 'yon sa scene na sinu-shoot nina Celyn. Hindi po kayo pwede basta-bastang magfile ng kaso-"

"No! Scripted or not, she did it on purpose. You know how to work my daughter and she did everything she got. Bakit sila tumanggap ng bayolenteng artista tulad ng Monique na 'yan?"

Putol ni Tita Lynzi sa sinasabi ko. Sa ganitong sitwasyon mahirap paliwanagan si Tita Lynzi lalo na't involve ang kanyang anak. Pansamantala din hininto muna ang shoot dahil nga sa nangyari kay Celyn at hindi rin macontact si Boss Calvin dahil nasa labas ito ng bansa.

"Huwag ka na kasing magsalita! Kita mo nang galit na galit ang reyna dahil nakaratay sa ospital bed ang kanyang prinsesa." saway sa akin ni Sherry at pinandilatan pa ako ng mata.

Inirapan ko na lang si Sherry at sumandal sa pader ng kwarto kung saan naroon si Celyn.

Ayun sa findings ng doctor, nagkaroon ng isang baling buto si Celyn sa may ibabang parte ng kanyang ribs malapit sa tyan dahil sa lakas ng hampas ni Monique ng baseball bat. Hindi ko akalain na nakakabali na pala ng buto nang tao ang plastic na baseball bat.

Kaya naman galit na galit si Tita Lynzi nang malaman nito ang nangyari sa anak.

"Mrs. Bautista please calm down. Itinawag na po namin sa management ang nangyari kay Miss Bautista and makakaasa po kayo na sasagutin namin lahat pati ang hospital bills niya." pigil naman ni Direk Drake kay Tita Lynzi na kahit ito ay hindi pinalagpas ng Ginang.

"Isa ka pa! Direktor ka ba talaga o ano? Bakit hindi mo nidouble check ang mga props na gagamitin niyo? My god! Ilang taon na showbiz ang anak ko, ngayon lang nangyari sa kanya ito!" pagbubunga ni Tita Lynzi.

Napapangiwi at napapairap na lang ako sa gilid habang si Sherry ay pinapalo ako sa braso para awatin sa pag make face ko pero hindi ko siya pinansin.

"P...pasensya na po talaga Mrs. Bautista--"

"Anong pasensya? Kapag hindi nagising ang anak ko bukas, magbalot-balot na kayo!"

Napapikit na lang kaming tatlo nina Direk Drake at Sherry ng pabagsak na isinara ni Tita Lynzi ang pinto ng kwarto kung saan kami naroon.

Alam ko kung saan pupunta si Tita Lynzi, malamang pupuntahan niya ang mga amiga nitong maraming connection para mapatalsik kaming lahat.

Napabuga ako ng hangin at marahang naupo sa sahig. "Ano nang gagawin natin?" usisa ko sa dalawang kasama ko.

"Kailangang paimbestigahan ang nangyari sa set kaso hindi na mahagilap si Monique." malungkot na wika ni Direk Drake.

Bakas sa mukha nito ang pagod at pag-aalala dahil sa sinabi ni Tita Lynzi. Nakasalalay ang propesyon naming lahat dito kapag hindi pa rin nagigising si Celyn.

"Ang bruha na 'yon, sinadya niyang totohanin ang pagpipisikal kay Celyn porket nasasapawan siya." naiiritang wika ko.

"Hindi lang si Maam Lynzi ang makakaharap natin kundi pati si Boss Calvin. Paano natin ipapaliwanag ang nangyari? Sabi sa akin ni Miss Lea ipapatigil daw ang pag shoot ng movie once na hindi pa rin magising si Celyn." sabat naman ni Sherry.