Sky Fall

Fall 18: For real?

CELYN'S POV:

--
HINDI maipinta ang mukha ko dahil kahit saan ako magpunta ay laging nakasunod sa akin si Calvin.

Magaling na rin ang sugat ko sa braso at naalis na ang balang bumaon dito. Ni katiting na peklat mula sa pambubugbog at sugat na natamo ko kay Althea ay walang makitang ebidensya sa katawan ko dahil sa ointment na ipinapahid ni Gun sa akin. Tunay ngang epektibo at high-tech na medisina ang meron sila dito sa HuPoFEL.

"Pwede bang lubayan mo ako?" pagsusungit ko kay Calvin bitbit ang tray ng pagkain bago ako umupo sa isang silya kung saan naroon ang grupo nina Sinji, Saviel at Kastiel.

"Ayoko nga. Baka kung sino na naman ang pagdiskitahan mong asawahin, nandito naman ako." sagot ni Calvin.

"Kadiri ka. Mas pipiliin ko pa si Thunder o kaya si Andrew kesa ang makasama ka." mapaklang wika ko.

"Ouch! Double kill yon Calbee." pang-gagatong ni Sinji dahilan para malukot ang mukha ni Calvin.

"Eh kung sabihin ko kaya sayong nambabae si Senri!?" balik na pang-aasar naman nito sa babae.

"Excuse me? Sa ganda kong ito hindi na maisipan pa ni Senri ang mambabae no!" sagot naman ni Sinji.

"Di mo sure mars, di ka nga sinasagot." humagalpak ng tawa si Saviel at Calvin nang pagkaisahan nila si Sinji habang si Kastiel naman ay abala sa sarili nitong pagkain.

Napapailing na lang ako sa kalokohan nila at sinimulang pagdiskitahan ang pagkain ko. Isang buwan na akong nanatili dito sa loob ng HuPoFEL at masasabi kong enjoy naman ang pananatili ko dahil sa mga kalokohan ng mga taong nakakasama ko pero mas nangangamba ako kung ano na ang nangyayari sa labas.

"Nga pala Sav?" agaw-atensyon ko kay Saviel kaya naman napatingin ito sa akin.

"What is it? Gusto mo pa ng salad? Madami dun, utusan mo lang si Calvin." aniya.

"Hindi 'yon. Ano, kailan ulit ako pwedeng mag-shoot? Diba nga na tigil ang pag shoot ng Sky Fall dahil sa mga nangyari?" tanong ko dito.

"Aba malay ko. Ayan 'yong owner sa tabi mo bat di mo tanungin?" tinuro pa ni Sav ang pwesto ni Calvin na nasa tabi ko.

"Still on hold Miss Perfect. Don't worry about it." sagot naman ni Calvin.

"Tinatanong ko ba ang opinyon mo?" masungit na tanong ko dito.

"Basag!"

"Ouch! Pain! Pighati! Tumalon ka na sa bangin, Calvin ngayon na!"

Napalingon kami sa grupo nina Thunder na nagkumpol sa table namin at isa-isang kumuha ng upuan at inilagay yun sa tabi namin. Mukha kaming gagawa ng school project sa itsura namin.

"Tarantado!" binatukan ni Calvin si Thunder dahil ito lang ang malapit sa kanya habang si Andrew, Cold, Fourth, Bren at Diego ay nasa tabi ni Sinji, Saviel at Kastiel.

"Wala palang panama ang mga banat mo kay Miss Bautista eh. Bakit hindi ka magseminar muna sa akin?" ani ni Thunder.

"Manahimik kang bansot ka! Anong seminar ang pinagsasabi mo, pag uwi nga sa bahay niyo di mo magawa." sagot naman ni Calvin.

"Gagu! Hindi kasama 'yon sa usapan."

Nagtawanan ang mga lalaki except kay Fourth na napapailing na lang.

Ilang minuto pa ang nakalipas na puno ng asaran at kwentuhan sa canteen, biglang bumukas ang pinto at iniluwa nun ang bulto ni Luther kasunod si Senri, Rent, Gun, at dalawang lalaki na ngayon ko pa lang nakita.

"What's up Boss?" bati ni Thunder na hindi nauubusan ng ka-hyper'an sa katawan.

"Go to my office Calvin." wika ni Luther nang hindi man lang tinignan o binati pabalik si Thunder dahil nakatingin lamang ito kay Calvin.