هروب عاشق

الحلقة 23🍷

و شدتها كحة
..تحل لاسونسور دخل غيلان و مرام جمدت في بلاصتها
_غيلان : مداموزال .مرام
مرام تلفتتلو و طلعت منغير متقول حتى كلمة
وصلو فما طاولة كبيرة مقسومة
عدات مرام عينيها على الحاضرين مالقات حد قلبها اطمان ..هي قعدو في اول الطاولة من طرف
خاتر كل واحد و بلاصتو موجود اسم الشركة قدامو قعدت و قعد بجنبها غيلان هي هكاك و سمعت حس متاع هي ساي هاو جا هزت راسها لقاتو فيراس جمدت في بلاصتها تشوف فيه كيفاش يضحك النار شعلت في جواجيها حست روحها رجعت كل شي فاتها كاينها عاشتو اليوم هي هو جا باش يقعد بزهر بلاصتو جات مقابلتو
فيراس من تبسيمة وجهو تقلب 360° هي هوما هكا لين غيلان حط يدو على ظهر مرام
_غيلان : مرام ...سفاا
_مرام : اي اي ..لباس ..هي وقتااش نبدوو
هو باش يجاوب و الراجل جا
_غيلان : تو هو وصل ..
_الراجل : مرحبا بيكم الناس الكل قبل كل شي نحب نرحب بشركة التركي و سي غيلان التركي و شركة بن ترجم و سي فيراس بن ترجم ..اليوم حاضرين للمناقصة هذه على شركة الصغيرة الي انتو فيها و انشأ الله مبروك على الرابح نبداو ..
_هوما : ايا
_الراجل : هي تفضلو
_واحد منهم : 330 مليون
_فيراس : 335 مليون
غيلان غزر لمرام قاتلو تنجم تعطي سومك
قام
_غيلان : 340 مليون
شركة اخرى : 342 مليون
ضحك فيراس و رشق عينيه في عينين غيلان
_345مليون
تكلم الراجل باش يزيد الحماس و تشويق
_345 مليون شركة بن ترجم شكون زاد
قامو الشركات الكل قعدو كان فيراس و غيلان
قامت مرام : 350 مليون
_350 مليون شركة التركي
_فيراس : 360 مليون
ضحك فيراس و بقا يغزر شنوة باش يعملو غيلان تلفت لمرام عدات يدها على ورقة و حطت يدها على رقم باش يقولو ..تبسم هز يدو
_غيلان : 450 مليون ..
فيراس وجهو تقلب عمل هاكا و سكر أوراقو
_الراجل : الف مبروك شركة التركي 450 مليون
سلمو على بعضهم و خرجو كي جاو خارجين مرام حست روحها ماهياش لباس
_غيلان : مرام سافا
هي جات باش تجاوب و فيراس جا
_فيراس : سي ...غيلان ..مبروك عرفت تتصرف كي العادة
_غيلان : الفضل يرجع لمداموزال مرام
فيرااس تلفتلها و هي غزرت لوجهو كيفاش يضحك و كاينو مصار شي و هي ولات ترعش كل اما هو تصرف عادي و عمل روحو ميعرفهاش
_فيراس : فيراس بن ترجم
مدت يدهاا وهي ترعش كلها
_مرام : انا مرام..
مكملتش كلامهااا حست روحها بدات ترخ معادش منجمة تاقف على ساقيها عدا غيلان يدو على خصرها و كلمها
_غيلان : مرام ..هيا نمشيو ارتاح شوية
و فيراس حس روحو شعل معاش عارف كيف يعمل محملش راجل اخر يمس مرام هو زادة توجع علخر و حس بالندم اما مظهرش هو جا باش يحكي و يقص عليهم و مرام طاحت في حضن غيلان فيراس منغير مايشعر
_فيراس : مراام
اما غيلان مخلاهوش حتى يشوفها حملها و مشا بيها للكرهبة ركبها و هزهاا للكلينيك

#يتبع
مالا فيراس مسقطو 🤭
و غيلان قداشو جانتلمان و جونتي