مرام كيف قعدت و ريقلت اوراقها و غيلان دخل يحكي
_غيلان : bonjour... bienvenue à tous...dzl على التأخير و نجمو نبداو
_مرام : لاجتماع اليوم على الخلل المالي الي صار في شركة الجديدة متاع اخر مناقصة ...فما حكاية ماهياش عادية قاعدة تصير ...الفلوس الي قاعدة تدخل فيهم الشركة هذه ولا خليني نقول hôtel هذا مش قد لفلوس التخرج هذا مع العلم انو من وقت المناقصة لتو النزل ديما complet ..
_غيلان : فما نقص و هماجية صايرة ..
_جمال : يعني يا سي غيلان تحب تقوللنا الي السيد الي باعو باعو على المشكلة هذه
_فرح : صحيح ديجا مداموزال مرام قالت انو لفلوس الي تدخل مش نفسها الي تخرج ..
_مرام : لحكاية واضحة يا جماعة فما واحد في شركة قاعد يقبل في فلوووس هذه
_فرح : شكون ينجم يكون زعما
_مرام : معاش عنا وقت للحكاية هذه
_غيلان : يعني
_مرام : يعني من راي نوقفو عمل الفندق و لا نقصو من مزانيتو ...
_جمال : اما هذا ماهواش باش يبرر الشي الي تحب توصلو
_مرام ؛ و شنوة الي نحب نوصولو
_جمال : انتي قلت تحب توقف عمل الي في hôtel الي غادي و الخدامة الي فيه
_غيلان : كلامو صحيح منجموش نوقفوه خصوصا وقت هو مزال في اول خدمتو
_فرح : سمحني سي غيلان سمحني سي جمال اما انا نضم راي لراي مداموزال مرام
_غيلان : السبب
_فرح : فما واحد من ادراة الاوتال هذاك حال حسابو في نوار و يبعث فيهم من تحت لتحت و السيد ولا سيدة هذه اكيد مدعومة و فما شكون واراها يقوي فيها ...كان باش نقصو ولا نوقفو اكيد السيد هذا باش يتضر و يتقلق و غادي وين يشلق على روحو
_جمال : وجهة نظر غالطة
_مرام : من اول ما شرينا الاوتال هذا صرفنا عليه 450 مليون مع العلم انو حتى شهر مزال مسكرش في مقابل نلقاو 150 مليون اكهو و كيما قلتلكم الاوتال من نهار لي حليناه وهو كومبلي يظهرلي فما سبب واضح ...
_غيلان : المهم اعملو الازم اما مزانية الوتال متتمسش و الخدمة باش تبقى تمشي ..الاجتمااع وفاا تنجمو تتفضلوو...
هي قام جمال وهو يلعب في عيونو و يهرب فيهم و فرح خرجت عادية مرام حست بحاجة مخبيها سي جمال هذا ...و هي بقات تلم في اوراقها و جات خارجة شدها غيلان بسوال
_غيلان : وين تحب توصل
_مرام : سمحني
حط يديه في جيوبو و قدم منها وقف قدامها بالظبط و عقد حواجبوو و يحكي و الغش يطتناطر من عينيه
_غيلان : اخدم خدمتك و استكفى بروحك ...ماكش انتي الي تقرر هوني باهي ..التزم حدودك ...
هزت بحاجبها و قدمت خطوة منو و عينيها متاع وحدة واثقة من روحهاا
_مرام : انا قاعدة نوضحلك في ثنية اما انتي ظاهر تحب على ظلام
و عملت هاكا جبدت دوسي متااع الاوتال هذاكا و رماتو فوق طاولة مع كلمتين و خرجت منغير ما تسمع جواب منو
_مرام : مالا خرجني من القضية هذه ...و اهو دوسي قرر وحدك ...سي...غيلان التركي ..هاني في بيرويا عندي خدمة ...
غيلان هز الدوسي هاذاكا و بدا يحل فيه شوية اما بقا كلام مرام في مخو خمم شوية و سكرو بالقوي و بدا يتمم وحدو
_غيلان : هذاكا اش ناقصني كان باش نسمع كلام و قرارات من خدامة
و جبد تاليفونو و كلم السكريتيرة
_غيلان : بسمة جيبلي قهوة كي عادة
_السكريتار : الله يبارك tout de suite سي غيلان..
علق و غطس في اوراقو و دوسياتو و مرام كيف كيف عندها 3 دوسيات غاطسة فيهم لين جاها تاليفون
_مرام : وي
_ميساء : مداموزال سي فيراس بن ترجم يحب يقابلك
_مراام : اوووف خليه يدخل
_ميساء : حاضر
علقت التاليفون
_ميساء : تفضل سي فيرااس مداموزال مرام تستنى فيك
_فيراس : مرسي ..
هو دخل و رابعة جت تجري لميساء
_رابعة : ميساء ميساء ...قولي ياخي منين يعرفو بعضهم فيراس و مرام .
_ميساء : وين نعرف انا مش خدمتي و انتي امشي لا يجيك عرفك ميلقاكش ..
_رابعة : اووه عمك جمال من وقت لاجتمااع وهو ممش نورمال هز روحو و خرج ...
#يتبع 🔚
اش رايكم في احدااث 🔥🔥🔥⏮️
أنت تقرأ
هروب عاشق
عاطفيةما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
