تلفت غيلان شد مرام من يدهاا و قدمها للعايلة
_غيلان : نقدملكم زميلتي ...مرام مديرة القسم المالية لشركة التركي
مرام ماكنتش مالعاكسين وقت شافت وجه ريهام تقلب
_مرام : عسلامة مدام ريهاام .
_ريهام : مرحبا ....ب..ي.ك مرام
قرب منها غيلان و وشوشلها في وذنها
_غيلان : ندخلو
بهتت شوية و عينيها مرشوقين بخبث في ريهام و بعد تبسمت و جاولتو
_مرام : ندخلو ..
دخلو و خلو ريهام تغزل
_ريهام : فهمي ياخي اش تعمل هذه هوني و في داري
_فهمي : ياخي مش انتي استدعيت شركة التركي ...تو جاية تحكي
_ريهام : نعرف عليهاا انا ....وهي مصح رقعتها و جاية لهوني بعين صحيحة
_فهمي : مش وقتك ريهام تو لازم فيراس ميشوفهمش ولا باش نمشيو في عفس سمعتنا و اسم عيلتنا باش يمشو في خبر كان
_ريهام : ميرفت ..
_فهمي : نعم
_ريهام : مريفت الوحيدة الي تهديه ..لازمها تجي تو
_فهمي : وشكون هذه
_ريهام : مش وقتك
هزت التاليفون بالوقت و طلبت
_ريهام : الو ميرفت معايا
_ميرفت : اي تفضل اش كونك
_ريهام : انا ريهام بن ترجم
ميرفت كانت راقدة لابسة روباا زرقة قصيرة و طالون ابيض كانت خارجة تسهر تلقاش شكون تعدي بيه الليل (🔞)
_ميرفت : تفضل مدام
_ريهام : باش نبعثلك اللوكال تجي تو ...فيراس وحدو و اكيد فهمت قصدي...منحبوش يعمل حتى مشكلة اليوم ..
_ميرفت : جاية تو
هي فرحت عاد هي هزت ساكها و خرجت خذات تاكسي و خرجت تجري وصلت للبلاصة دخلت لقات ريهام زادت فسرتلها الوضع و دخلت فيراس مزال يحكي في تاليفون و مفاقش بمرام
أنت تقرأ
هروب عاشق
Romanceما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
