_مرام : وين ماشين
_غيلان : لبلاصة مزيانة و باش تعجبك
_مرام : شوقتني
ضحك غيلان وبقا يغزرلها و هي مش قد بعضها
_غيلان : شبيك لباس
_مرام : لا شي اما جرحي مزال مابراش بالقدا
فيراس وصل لقدام الباب سكر كرهبتو و ضرب الناقوز دوب ما شافتو راضية وجهاا لخلخ و توترت
_راضية : ءء...ولدي .
_فيراس : ماكش بدخلني
_راضية : اي اي ادخل مرحبا
_فيراس : قولي وينها مرام هنا
_راضية : مرام لفوق...لا لا ..
_فيراس : ياخي شبيك ..اليوم حاسك ماكش قد بعضك ..قولي مرام وينها
_راضية : اي باهي بركا مرام مش هوني
فيراس تقلب اول ماجا لبالو غيلان و خاصة وهي مزالت مجروحة .اكيد باش يستغل الفرصة و يتقرب منها
_فيراس: وين مشات
_راضية : منعرفش وراس ولدي
_فيراس : متاكدة
راضية هبطت عينيها و بدات تمتم و خايفة
_راضية :ء.ء..ء.ء متأكد..ا.ي
فيراس مصدقهاش و مشا يجري طلع الدروج و حل بيتها و بدا يلوج حل خزانتها شد روبتهاا قربها لخشمو بقا يشم في ريحتهاا بعد كمش عليه بديه بكل قوة و رماها على قاع و بدا يحل في قجورات لكوافزز كلهم برفانات و مكياج و اوراق و كونتراتوات مشروعها الجديد اما منتبهش اصلا يلوج على حاجة يعرف بيها بلاصة مرام ..بعد مالقا شي حك راسو و عدى يدو على شعرو على تلفيتة شاف الايباد متاعها فوق التابل دو نوي هزها شاف الايمايلات متاعها كيفكيف لقاهم كل خدمة ...طيشها على الفرش و رجع تلفت حل لقجر متاع التابل دو نوي ...لقا برشا اوراق شدهم بغش لين طاح الجواب الي حطتو مرام قبل ماتخرج فيراس رجع الاوراق و سكر القجر على طول يدو و شد الفايوز و ضربها على طول يدو جا بيقوم غزر لوطة يلقا جواب قلبو يلقى مكتوب عليه لسيدة مرام الطرابلسي مصحة الياسمين
أنت تقرأ
هروب عاشق
Romanceما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
