_باتريك : غايلان انت فعلا شخص محضوظ بوجود مرام معك ...
_غيلان : شكرا يا سيدي لكن حظوظك اقوى مني بكثير
تبسم هو و غزر لمونيكا و شدلها يدها وباسها
_باتريك : دعنا نقول انه كنز غير حظ
_غيلان : نعم يمكن هذا هههه
باتيرك : دعنا نحتفل بحظنا هههه ..
_غيلان : من دواعي سروري
قدم غيلان لطاولة الي فيها كيسان و دبوزة مغروسة في ثلج و صب كيسان Vin rouge و بدا يمد في كيسان
مرام شاردة ماهيش معاهم جملا مافاقت كان على حس غيلان وهو يعيطلها باش يمدلها الكاس
_باتريك : في صحة حظنا
طقو الكيسان ببعضهم و بقاو يضحكو مرام ماهيش مستانسة تشرب يعني اول مرة تشرب بالطريقة هاكي مستانسة تشرب رشفة ثنين
_مونيكا : اخبريني عزيزتي مرام ...كيف تعرفتم على بعض
مرام دوب ما سمعت توترت و تلفتت لغيلان و بعد دورت راسها لمونيكا و شربت الكاس فرد مرة لين حرقها غمضت عينيهاا حتى حست بيدين تحطو على فخاذها غيلان يحكي كيفاش تعرفو
_غيلان : اول مرة رأيتها فيها كانت في محل لدينا ...كانت تشتري مساحيق (شركة غيلان متاع مكياج ) حينها كانت رائعة جداً مرتدية فستانا اسود اللون قصدت عمدا ان اقترب منها حتى الفت الإنتباه حينها اقتربت منها و ضربت كتفها حتى صارت تصرخ هاهاها ..حينها قدمت لها إعتذاري و عزمتها على شرب قهوة معي ...
مرام قاعدة باهتة و زيد متحبش شكون يبدا يكذب بالطريقة هاذه زادت عبت الكاس و شربت فرد مرة
_مونيكا : يالها من صدفة جميلة
_باتريك : انتم حقا جميلان جدا نرجو الله ان يحميكم
_غيلان : خلينا نتفضل للعشاء
قامو كل باش يتعشو باتريك جبد الكرسي لمونيكا و غيلان كيفكيف جبد الكرسي لمرام
فيراس يحكي :
داخلت مالباب التايلاني متاع دار غيلان باش نشوف مرام و ياريتني ما جيت هوما الزوز قراب من بعضهم برشا حسيت النار شعلت فيا ..شاد روحي بسيف باش ما نهدش عليهم اما معاش نجم نتحمل الشعور الي حاس بيهم اقوى مني ببرشا ...السخانة طلعت لراسي كيفاش يحط يدو على ساقيها و يحملها نظراتو ليها ...منجمتش نتحملهم حتى و هوما يمثلو منجمتش نراهم هكاك ...و زيد مرام شربت و هي مش مستانسة ...خممت شوية كبست على بونيتي نحاول نفرغ غشي اما شي لازم نمشي ولا باش نرتكب جريمة ...هزيت روحي و خرجت ركبت في كرهبتي و مشيت
#يتبع
رايكم في احدااث و ماتنسوش التفاعل ❤️🔥
أنت تقرأ
هروب عاشق
Romansaما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
