_مرام : نجم نهبط ماهو ..
_غيلان : غدوة نتعدالك مع 10:30 نلقاك حاضرة
يحكي و نزل على فلسة حل الباب اما كان منتظر في جواب من عند مرام الى انو تبسمتلو تبسيمة وراها برشا غل حلت الباب و هبطت ..
شيعها بعينيه حتى دخلت و بعد ضرب يدو على الفولون و ديمارا خلى العجالي يدورو في بلاصتهم و كان غبابر طايرة روح لدار بدل حوايجو عمل دوش و مشا لسال دو سبور غزر لمنقالتو لقاها تو 00:20 خرج ورجع لدار غطس في نوم ..
طلعت الشمس لصباح جديد فقنا على السونري مرام فاقت تو 7:24 عملت دوش سخون بعد خرجت لبست توب في نوار و سرواال لارج ابيض مقطع في ركبتو و سبادي بلون و قعدت قدام لمرايا باش تعمل مكياج ...
فيراس فاق من نوم عمل دوش حل خزانتو هز كوستيم في نوار و بعد حل القجر اختار منقالة من مناقلو عمل رشتين برفان و خرج غيلان لبس costume moderne مريول نوار و فيستا نوار و سروال نوار وقف قدام لمرايا يريقل في شعرو ..مرام تعمل في ريتوش مكياج و فيراس وقف يريقل في كرافات متاعو
هزت مرام ساكها و جات و قعدت في الصالة قعدت عايشة في الدار متاع فيراس كتبهالها بإسمها ..غزرت للوقت لقاتها 9:42 شدت تاليفونها و بقت تحوس بين الفايسبوك و انستقرام و تصور في روحها و تبعث لخولة ..
يتبع
برشااا تشويققققق 🔥🔥🔥
أنت تقرأ
هروب عاشق
Storie d'amoreما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
