مشات لسال دو بان ريقلت روحها لابسة روبا كحلة قصيرة فيها فونت على جنب و ظهرها دوب ماهو مبين هاك التاتو ..عملت روتوش للمكياج متاعها برفنت و مشات لبيرو غيلان دقت الباب و دخلت
_مرام : سي غيلان عيطليي
_غيلان : ادخل ..
دخلت مرام و قفت قدامو وهو قاعد في بيروه و حاطة يديها قدامها
_غيلان : شوف يااااا
مرام جاوبتو و هي تحرك في راسها متحبش شكون يحكي معاها بياشسمك و يا طفلة
_مرام : مرام
_غيلان : مراام ..اسمعني مرام كي تدخل من باب الشركة فما قوانين لازم تلزموو بيهم و من اهمهم لازم تحترم روحك قدام المدير ..و اهم مشاكلك الخاصة خليهم البرة و مش لازم تحسسنا بيهم
_مرام : اما انا
_غيلان : مكملتش كلامي ...كي تكون حاضرة في رينيون لازم تكون كونكتي و حاضرة عقليا و جسديا
_مرام : شوف يا سي ...غيلان ..خدمتي ماكش انتي باش تعلمهالي هذايا ,de deux, de Un يضهرلي مخليتكمش ناقصين و السكريتير متاتي قدمتلكم كل شي ..
غيلان تصدم اول مرة يرى طفلة هكاكا معلابلهاش و القوة الي عندها و حزن الي في عينيها بير غارق اما بقا متعجب كيفاش تحكي معاه تقول مش مديرها
_مرام : ثالثا ..حياتي الخاصة كيما تقول معندش الحق تتدخل فيها ولا تجبدها باهي يا..
_غيلان : اخرج ..و شد الدوسيات هاذوما نحبهم غدوة كاملين فوق الطاولة ...غلطة لا
تقدمت منو هزت الاوراق بنطرة و خرجت وصلت في باب طيحت ورقة طبست شعرها هبط معاها عرالها ظهرها على هاك التاتو بقا يغزر غيلان جاه فضول كبير على التاتو هذاكا شنوة هو اش كانبة فيه ..
دخلت لبيروها طرشقت الباب بالقوي و طيشت لوراق فوق الطاولة
_مرام : مخيبكم كل فرد صنعة ..اش كرهتكم
مرام كرهت ناس كل 😂
حتى هو شي يجنن 🙂
أنت تقرأ
هروب عاشق
Romansaما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
