هروب عاشق

الحلقة 30 🍷

خرجت مرام مالريستو
مرت تحكي : مكنتش نتصور باش نبقى قوية لدرجة هذه ...فيرااس حطمني و كسرني و خذلني اما عمري لاني باش نبيلنو الشي هذا و كيما يقولو الضربة الي متقتلش تقويك ...فيراس باعني على خاطر لفلوس اما انا باش نرجعهالو ثاني و مثلث و كان ميجينيش يحبي تحت ساقيا منتسماااش مرااام ...ركبت في كرهبتها حبت تمشي من هوني قبل ما تضعف و قلبها يحن
غيلان قاعد يترشف في قهوتو و فيرااس قاعد بجنبوو باهت و حاير و سارح كيف مرام تنجم تحكي مع واحد اخر غيرو يعرف مرام ماهياش متاع الشي هذاكا
_غيلان : اه حقا اليوم فماا سواري في بار "سولو" ايجا هاني استدعيتك من تو
_فيراس : تو نشوف كان نجم نجي
_غيلان : تقصد تشوف مع شكون تجي
_فيراس : يعني
_غيلان : حفلة متاع كوبل جيب شكون مععاك
_فيرااس : فهمتك ...باهي ..
جا باش يقوم اما رجع تفكر مسالش على حاجة
_فيراس : اي مقتليش علاش الحفلة هذه
_غيلان : كيفاش علاش
_فيراس : اي باانا مناسبة
_غيلان : احتفال بالشركة الجديدة الي شريتها
فيراااس تقولش عليه ضربوو الضوء تفكر خسارتو نهاراهااا مش حتى خسارة الشركة اكهووو حتى خسارة مرام معااها كبس على البونية متاعو رص على سنيه جبد كرسيه و مشاا منغير مايقول شي غزرلو غيلان و تبسم بغرور و عوج راسو يتفرج على كاس قهوتو عمل رشفة و رجع الكاس بكل برود و بكل ثيقة جابو مستوي في بلاصتو على صحن الفنجان و يتمتم وحدو
_غيلان : et voilà
هز يدو غيلان لسارفور شارولو بيدو يكتب في الهواء بمعني جيبلي لحساب ثواني جابهولو دخل يدو للكوستوم متاعو جبد فلوس حطهم فوق الطاولة و خرج ... ركب في كرهبتوو و حل تلفونو في الكرهبة و طلب مرام هزت عليه
_مرام: سي غيلان
_غيلان : فما حاجة نسيت مقتلكش عليها بكري كي قص علينا فيراس
_مرام : شنية انشا الله خير
_غيلان : اليوم فما سواري في بار سولو نحبك تجي معانا يعني بمناسبة احتفال بالشركة جديدة
_مرام : مش احتفلت بيها الشركة
_غيلان : لا هذه حفلة رسمية .
_مرام : باهي كي كلمتني بالذمة منقولكش لا ههه منجم نقول شي للمدير متاعي
_غيلان : سوبار حتى فيراس باش يجي خليه يجن شوية
مرام اول ما سمعت اسموو خيوطهااا تمسووو في بعضهم تقول ترا شكون كب عليها سطل ماء بارد و قعدت ساكتة لين قص على سكووتها غيلان يحكي
_غيلان : مداموزاال مرام ..تسمع فيااا
_مرام : لازم نسكر ...عندي مانعمل
_غيلان : 22:00 نجي نهزك من قدام دار حضر روحك سواري رومنسة شيك ...
غيلان حس روحو تمادى في كلامو برومنسة لقف الوضع ديراكت
_غيلان : يعني قلت باش تعرف اش تلبس
_مرام : تخافش ...بسلامة ..سي غيلان
_غيلان : نهارك زين

#يتبع ⏳
زعما اش باش يصير في الحفلة 😌

نحبكم برشااا نعرف طولت عليكم الله غالب ظرووف و اكهوو سينوون راهو التفاعل 0 اعملوو فوت مش تقروو اكهوو ❤️🍷

نحبكم بزاااف 🔥