هروب عاشق

الحلقة 25🍷

هي قامت مرام حلت عينيها بشوية بشوية تستكشف في البلاصة و غيلان واقف بحذا الشباك يشرب في قهوة و سارح هو مزال ميحملهااش اما هكاك قلبو حنين ..
مرام حلت عينيها جات باش تقوم حست بالدنيا دور بيها و وجيعة في راسها لين صاحت بشوية و تنين تلفت غيلان تنطر يجري
_غيلان : اش تعمل ارتااح مازلتي كي قوممتي ارجع ارقد
_مرام : نحب نمشي لداري
_غيلان : انا ..قتل....
مخلاتوش يكمل كلامو و نحت الابرة متاع السيروم غمضت عينيها و جعها و بعد قامت لبست صباطها و جات خارجة تمشي مع الحيط مشا غيلان هزلها ساكها و خلط عليها
_غيلان : اتكى عليا خلي نوصلك
_مرام : متقلقش روحك نجم نتصرف
_غيلان : امشي و اسكت
_مرام : غيلان ....
تلفتلها غيلان باهت اما مادمتش فيسع مصلحت كلامها
_مرام : نقصد سي غيلان نجم نروح وحدي
_غيلان : جبتك مالدار نرجعك لدار ..وزيد انتي اايوم تعبتي برشا .
سكتت مرام اصلا ماهياش منجمة تكمل تحكي مازالت متأثرة بفيراس كيفاش وقف قدامها بعد المدة هذه كل
_مرام : اوك
طلعو في كرهبة ثنية كاملة هوما ساكتين هو متنرفز كيفاش يعمل هكاك حس روحو تلهى بيها اكثر مالازم و هي ساكتة متكية راسها على الشباك و تخمم وصلت لقادم الباب
_غيلان : تنجم توصل ولا ندخلك
_مرام : لا نجم .مرسي
جات باش تهبط حلت الباب و عاودت سكرتو و تلفتتلو و هو مستغرب
_مرام : نحب ناخو كونجي 3 ايام
_غيلان : تحبش جمعة ...
_مرام : سكتت شوية و بعد دورت راسها يعني اش قلت
_غيلان : ارجع وقت الي تحس روحك سافا
_مرام : هبطت و كي العادة منغير ماتشكرو و الفازو هاكي تخلي غيلان يجن منها كمل حتى هو طريقو وصل لدارو بدل حوايجو عمل دوش غزر للوقت يلقاها 14:26 غطس في النوم ما فاق كان في ليل ركب في كرهبتو و مشا لسال دو سبور كيما العادة و مرام قاعدة تحكي مع خولة و حالة نواحة في الدار و تحكي بغصة و فيراس رقد من كثر الشرب ..

#لكرو تقلبت 360° 😂
اش قولكم 😉
انشا الله عيدكم مبرووك ❤️