فاقت الصباح كانت لابسة نويزات معنقة المخدة قعدت بالقاعدة شعرها مفرفش حكت عينيها و عدات يدها على شعرها سمعت تاليفونها جاها مساج غزرتلو و بعد نفخت و طبست على فرش هزتو كان مالشيرة لخرى راقدة على كرشها حلت التاليفون لقاتو فيراس بعث ميساج
_نعرفك تقوم تو ...صباح الخير ..نستدعاك على الفطور اليوم ريستو جانسو .
نفخت طيشت التالفون و غطست راسها في الفرش و تمتم وحدها
_مرام : متكبر ...و رخيص ..
هي هكاك تفارع في غشها و جاها ميساج اخر عيطت بالقوي وهي تصيح
_مرام : اووف عاد اووف سيبوني على الصبااح
هزتو لقاتو غيلان حلت الميساج و قراتو
_فما برشا جديد في الخدمة ..نستدعااك على الفطور ريستو جانسوو ..تو نبعثلك شكون من الشركة و نحكو شوية مداموزال مرام ...
ضحكت مرام و طيشت التاليفون فوق الفرش
_مرام : مقوى سعدي اليوم المدراء كل تحب تفطر معايا .. خلي نشوفو اش باش يصير ...ههه لا وزوز في نفس لبلاصة عاملين عليا بالعاني ...اما لازم ...
قص عليها حس الناقوز طيشت الملحفة و هبطت تشوف في الباب لقاتها خولة باسو بعضهم في الباب
_مرام : بونجور
_خولة : صباح الخير مرومة ..شبيك تحوس هكا استر روحك شوية ..
غزرت مرام لروحها بعد تبسمت و شدت خولة من يدها و جبدتهاا
_مرام : ادخل ..جابك ربي ..ايجا اختارلي عندي فطور لبرة
_خولة : يااا معا شكون ..
_مرام : هوما زوز
_خولة : منصدقش ههه .. من شكون هذو الزوز ..ستنى نطلع لول من مكبوب سعد فيراس
مرام مشات تحط في القهوة كملت عنرت المكينة
_مرام : بظبط
_خولة : اي و الثاني ..شكون
_مرام : زميلك ههه
_خولة : احمد !
جاوبتها مرام و هي تمد في الكاس
_مرام : وه انا احمد متاعك اش عندي فيه انا هذاكا نفطر معااه..
_خولة : تي مالا شكون انطق زح ..
مرام : غي...لان
خولة دوب ماسمعت اسمها تشرق بالقهوة و تقوم تصيح
_خولة : ووه و اش يحب منك وجه التيريرارا ..قولي تره
_مرام : خدمة
وكملت تترشف في قهوتها
سكتو شوية بعد سألتها خولة لمرام بصوت ضعيف
_خولة : و إنت على خاطر شكون ماشيا
تنهدت مرام و خذات نفس و حطت كاسها فوق الكونتواار و حكت يديها و عداتهم على رقبتها
_مرام : منعرفش ..اما اكيد باش نبقى مع غيلان خدمتي اهم..
هزت خولة فنجانها
_خولة : اممم...خدمة
_مرام : اش تقصد
_خولة : انسى ...اش باش تلبس
_مرام : منعرفش
_خولة : ايجا نختارو
أنت تقرأ
هروب عاشق
Storie d'amoreما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
