صباح جديد فاقت مرام كيف العادة معدتها مقلوبة ....قعدت شوية و بعد حلت القارد روب و لبسة توب ابيض و سروال نوار و معاهم سبادري و شدت تاليفونها لقاتهاا مزال بكري ...قعدت قدام الكوافوز تلقى عينيها كل محوقة و وجها تاعب عملت مكياج غطات بيه و بعد جبدتت برفان لقات ريحتهاا خايبة منجمتش تعمل منوو نفخت و مشات للخزانة جبدت صندوق من فوق حلتو لقات فيه روح الياسمن كانت تصنع فيه امها قبل و هي ديما تهزو للمرا الي تصنع فيه و تعمل منو هي صبتو و برفنت بيه و تاليفونها نوقز لقاتو غيلان
_غيلان : صباح الخير فقت ولا مزال
_مرام : صباح النور ...اي انتي وين
_غيلان : انا لوطة قدام الباب
_مرام : جاية
_غيلان : اوك نستناك
علقت التاليفون حطتو في ساكها لقات فيها ورقة و جواب متاع تاست لحبالة شدتهم في يدها و بعد حطتهم في القجر متاع تابل دو نوي و خرجت
في باب عرضتها راضية
_راضية : صباح الخير بنتي ياخي ماشية معااه
_مرام : شكون
_راضية : ريتو راني قدام الباب و قالي وين ماشين ...باش تمشو لدار جبل .
_مرام : وكيفاش عرفت
_راضية : انا الطفل هذا مرتحتلوش ...عيش بنتي رد بالك على روحك ...اسمعني انا خذيت العنوان متاع الدار كان عملك حاجة اطلبني تو نجيك باهي
_مرام : مش لهدرجة عاد يا راضية
_راضية : لا لهدرجة انتي حبلة من فيراس مش مليح تحوس مع راجل اخر ..
_مرام : انا و غيلان صحاب كهو تفهم ..و تو باي...و كان جا فيراس قولو راهي راقدة ولا تصرف باهي ..
_راضية : باهي بنتي على كيفك ..
خرجت و سكرت الباب دوب كا شافها غيلان هبط مالكرهبة و حللها الباب و طلعت مشا هو زادة ركب بحذاها لبس السانتور و طار في ثنية تكلمت مرام .
أنت تقرأ
هروب عاشق
Любовные романыما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
